2 Korin 1:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Na danan ku ilay yaꞌ na bay tabawus pilu pa Korin, ilu na Tuhan pakale-kale, man ku jaꞌ ngilagan paddi atay bi bong luu gi kam nnaa ma subay na pin sahawi ku.

2 Korin 1:23 ပူးပေါင်းရင်းမြစ်များ

Salsila siga Rasul 18:1

Pag-anu, lay na lakka si Pol man Aten, boꞌ na pilay pa Korin.

Salsila siga Rasul 18:8

Pag-anu, yaꞌ hallom, kuwan pa-mmean langga looy, yana si Kirispus, lay na du mmeꞌ pitsayaꞌ ni si Isa sampay na mimon jama lumaꞌ da. Maka meka na jama ni Korin ma bay kale umanat si Pol lay na du pitsayaꞌ ni si Isa sampay lay na pinandi.

Suwat si Pol pa mman Baanan Sukuꞌ si Isa ndooy ni Rom 1:9

Wā situ kam pakuhan ku duwaa, ilu na Tuhan pakale-kale, yana Tuhan ma inisbat meꞌ ku ni kahilas atay ku jawom ku masaplag umanat mahap pasal Anak na.

Suwat si Pol pa mman Baanan Sukuꞌ si Isa ndooy ni Rom 9:1

Na pasal pagkahi ku bangsa Israil ma nuwak Almasi, yana tukang nalamat man Tuhan, biddaꞌ na situ susa ku ninsila. Sila ilay sibuꞌ du ka danganakan ku. Tud yaꞌ kuhi maglumba karukkaan njawom atay ku batan yaꞌ sila pitsayaꞌ ni Almasi. Bong siꞌ bay dari, atas ku na pinagantiꞌ ninsila minulkaan sampay man ku na sakkat man Almasi bong pin sila tasalamat jaꞌ. Tud bana situ bitsala ku. Meꞌ aku itu njawman Almasi, yaꞌ ku nawakka ngandustaꞌ. Luu du situ Rū Sutsiꞌ māꞌ njawom honaꞌ-honaꞌ ku tud hilas bay halling ku siꞌ.

1 Korin 4:21

Sangkon, kaam na mag-atas piki bong tagongan bi na arat bi atawa niyaꞌ. Doman kina kam pag takka ku pilu kasla bitsala ku nahawi kaam atawa pakitahan ta jaꞌ kam aseꞌ ka lammaꞌ pangatayan?

1 Korin 5:5

pa-ntanun bi na lalla looy pa mman Ibilis supaya pinakaat na baran na. Kawu-kawu pag takissa na meꞌ looy, tawbatan na na du dusa na sampay salamat na nyawa na pag taabut llaw Papuꞌ Isa ngahukum manusiyaꞌ.

2 Korin 1:1

Ituu itu aku, yana si Pol, disu rasul si Isa Almasi man kahandak Tuhan. Suwat tuu lakka man kami ka danganakan tabi si Timuti pa mman bi ma mmeꞌ ni si Isa, yana sukuꞌ Tuhan nnaa ni Korin sampay ni sikaliput Akaya.

2 Korin 1:18

Kami tu, akig kami jaꞌ Tuhan magkanaalla. Sangkon bitsala kami ningkaam mastiꞌ bana jaꞌ mimon.

2 Korin 11:10

Meꞌ aku itu disu jama mogbogan kabanahan pasal Almasi, kanaalla situ bitsala ku siꞌ. Basta yaꞌ baw sina luu san disu jama ni sikaliput Akaya kabāꞌ ngandustaꞌ ku bong sawpama ku magpabantug ni hāl meꞌ ku yaꞌ bay maku hasil mman bi.

2 Korin 11:11

Ni bistahan bi, yaꞌ kina kam kaasean ku sukat ku yaꞌ koleꞌ tulung lakka mman bi? Katoonan Tuhan du sina bong pooy ehe aseꞌ ku ningkaam.

2 Korin 11:31

Bay bitsala ku ilay siꞌ, tud bana silay. Tasayu du sina meꞌ ilooy ma tawop pinudji saumu-umu, yana Tuhan, Mmaꞌ Papuꞌ tabi si Isa.

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

2 Korin 13:10

Ngkon ku tu nuwat meꞌ tuu halloman ku yaꞌ gi bay pilu, kawu-kawu nawbat na sagannap ma buwat kalaatan nnaa. Dari pag takka ku pilu, yaꞌ na ku talpaksaꞌ mainsapan kaam. Ndang-ndang kapatut bay dean Tuhan aku itu para man mabasagan pangando bi ni Almasi, saꞌ ga man mabinasa kaam.

2 Korin 13:2

Na ni kaminduwa ku bay pilu, ndang lay na bay saggong ku sagannap ma bay buwat dusa. Pag batnaa, ndang bandaan ta na kam pabalik padpad yaꞌ gi ku takka pilu. Bong ina mintu ndaꞌ ku masi luu yaꞌ bay ngalabbahan dusa da, yaꞌ na du sina sila agak ku; basta sasso jaꞌ sina sila meꞌ ku.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

Galatiya 1:20

Bana situ bitsala ku ni suwat tuu. Ilu na Tuhan pakale-kale. Yaꞌ ku pandoy ngandustaꞌ.

Pilipi 1:8

Ilu na Tuhan pakale-kale, tud mehe sina meꞌ ku ngintom ningkaam sikamimon, batan ssob ku meꞌ aseꞌ si Isa Almasi ningkaam.

1 Tesaloneka 2:5

Kami ilay, tamasa bi na du, san sakayi yaꞌ kami bay pingkaꞌ ngabbu-ngabbu kaam. Maka ilu na Tuhan pakale-kale, yaꞌ du bay luu niyat kami ngulihal altaꞌ bi.

1 Timuti 1:20

Meꞌ looy du silay kadari si Haymeneyus ka si Aleksandel. Sangkon lay na sila pa-ntan ku pa mman Ibilis. Dari pag taabut da mintu malasahi banahan, kawu-kawu magsiddik na sila buwat ilooy ma kadiyoꞌ ni awon Tuhan.