2 Korin 1:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Kami tu, akig kami jaꞌ Tuhan magkanaalla. Sangkon bitsala kami ningkaam mastiꞌ bana jaꞌ mimon.

2 Korin 1:18 ပူးပေါင်းရင်းမြစ်များ

Yahiya 7:28

Na si Isa siꞌ tu, masi gi lundooy nōꞌ ni langga mehe. Pag takale na bitsala da, mangkin lay gi haddowan na halling na, yuk na, “Katoonan bi hati ku sampay lakka man ninggai ku, hāꞌ? Sugaꞌ baan ta kam, aku bilay bay pitu, saꞌ man garaꞌ ku dī ku. Arapun luu bay mapitu aku ma yaꞌ san katoonan bi, yana ilooy ma bonto gi man bonto.

Yahiya 8:26

Baan ta kam banahan, meka situ bitsala tapōꞌ ku man nusunan kaam, sugaꞌ daa na. Ituu jaꞌ pamāꞌ ku siga pakaradjaan ma bay takale ku man ilooy ma bay mapitu aku, ma sabana-bana bonto.”

1 Korin 1:9

Tuhan ina taasahan. Boꞌ iya na sina bay ngaliyun kitabi supaya kitabi kapagrahasiyaꞌ na ka Anak na, yana Papuꞌ tabi si Isa Almasi.

2 Korin 1:23

Na danan ku ilay yaꞌ na bay tabawus pilu pa Korin, ilu na Tuhan pakale-kale, man ku jaꞌ ngilagan paddi atay bi bong luu gi kam nnaa ma subay na pin sahawi ku.

2 Korin 11:31

Bay bitsala ku ilay siꞌ, tud bana silay. Tasayu du sina meꞌ ilooy ma tawop pinudji saumu-umu, yana Tuhan, Mmaꞌ Papuꞌ tabi si Isa.

2 Korin 2:17

Kahapan, man tabang Tuhan, takaya kami na. Salla na, meka na batnaa yaꞌ kanaalla masaplag umanat Tuhan. Ilooy du puhung da sīn. Boꞌ ningkami itu, yaꞌ baw tapiki kami meꞌ naa. Ilu na Tuhan pakale-kale, tud hilas situ meꞌ kami masaplag. Meꞌ kami itu sosohoan Tuhan sampay tibuuk ka Almasi, mastiꞌ kanaalla sadjaꞌ umanat kami.

2 Korin 6:8

Dari kami itu, sinanglitan na ka kami atawa pinadiyoꞌ, pinitnahan na ka kami atawa binitsala pa kaayaran, basta buwat jaꞌ kami kaintongan. Salla na, san kami bonto, baꞌ-bāꞌ kasohean, pangandupang lagi kami.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Siga Pakaradjaan bay Pinalahil 3:14

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Leyodisiya. Bong ko nuwat, yuk nu meꞌ tuu, “Bitsala tuu lakka man ilooy ma ginalla Amin, yana ilooy ma kanaalla maka taasahan masampay kabanahan pasal Tuhan. Iya na sina man Tuhan bay mapayak mimon-mimon. Yuk na meꞌ tuu,

Siga Pakaradjaan bay Pinalahil 3:7

Pasunuꞌ, yuk Papuꞌ Isa niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Piladelpiya. Bong ko nuwat, yuk nu meꞌ tuu, “Bitsala tuu lakka man iya, ilooy ma Mahasutsiꞌ ka intong saꞌ alang-alang. Iya ilay ngantanan kunsiꞌ lawang pa jawom pamarinta Tuhan meꞌ karuha kawasa-kapatut Sultan Daud bay ngantanan pamarinta na. Bong iya bay mukisan lawang looy, yaꞌ luu soy maka soy na katambo. Damikiyan bong ya bay nambo, yaꞌ du luu kabukis. Yuk na meꞌ tuu,