2 Korin 1:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

^13-14 Na suwat kami itu sikamimon ningkaam, mastiꞌ tahati bi jaꞌ sina pag batsa bi. Tud yaꞌ luu maksud kami nindi-nindi. Kamura-murahan tuktuk bi matsa siga suwat kami, tabista bi du tud hilas aseꞌ kami ningkaam. Batnaa tu, bohoꞌ sabahagiꞌ njawom atay kami katoonan bi. Sugaꞌ kainagon ku, song hallom, katoonan bi du labbasakayi. Boꞌ na, ilooy banahan puhung ku, pag taabut ni llaw tabi saliꞌ-saliꞌ siawop ka Papuꞌ tabi si Isa, tapag-abbu bi na du kami meꞌ karuha kami mag-abbu ningkaam.

2 Korin 1:13 ပူးပေါင်းရင်းမြစ်များ

Salsila siga Rasul 27:39

Pag sayu, ngita na kami disu nusa, sugaꞌ yaꞌ takila meꞌ siga tindog taꞌ adjung looy. Pag ndaꞌ da, luu na disu look ungusan. Dari pag-isunan da, pasallad da na adjung looy pa bihing tapiyan ndooy bong siꞌ luu dapat da.

1 Korin 1:8

Maka ginaosan na pin sina kam meꞌ Tuhan mmeꞌ ni kahandak na ngabut sampay pa katapusan supaya yaꞌ luu susunan njataꞌ bi pag beleng Papuꞌ tabi si Isa Almasi.

2 Korin 13:6

Boꞌ kami tu, kamura-murahan tabista bi du yaꞌ kami pitsayaꞌ ni kuwit tōng kami sadjaꞌ.

2 Korin 4:2

Lay na labbahan kami mimon pabuwatan kaiyaꞌ-iyaꞌ ma subay na pin tinapuk. Dari yaꞌ situ kami ngandupang jama atawa pun nabid isi umanat mahap ma bay hinalap ningkami meꞌ Tuhan. Isu-isu kabanahan pasampay kami. Bong siꞌ ina jama bonto, basta tabista da jaꞌ situ bana bitsala kami. Lagiꞌ na, katoonan Tuhan du sina.

2 Korin 5:11

Na pagka katoonan kami katawu-tawu hukuman Papuꞌ Isa, sabuli-buli kami na situ mitsalahan jama nohoꞌ pitsayaꞌ niiya. Katoonan Tuhan du sina yaꞌ luu sarī niyat njawom atay kami. Kamura-murahan kaam pun, tabista bi du.

Pilimun 1:6

Maku na pin situ ku duwaa pa Tuhan, kamura-murahan man sabapan nu masampayan jama kabanahan, yaꞌ hallom tahati da na du mimon supaat ma bay takoleꞌ tabi sabapan pagkatibuuk tabi ka Almasi.