2 Korin 1:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Ni kaehe kawasa Tuhan, lay ya maddusan kami man bahaya looy ma adak na kapatoy ningkami. Dari iya sa sina asahan kami maddusan kami sumawung sumilan.

2 Korin 1:10 ပူးပေါင်းရင်းမြစ်များ

Salsila siga Rasul 26:21

“Na Ampun Sultan, sabapan mimon bay tōꞌ ku siꞌ, ilooy na silay man siga pagkahi ku Yahudi bay nungkuban aku ni langga mehe sampay adak na ga ku papatoy da.

Suwat si Pol pa mman Baanan Sukuꞌ si Isa ndooy ni Rom 15:31

Paku tabi na pin pa Tuhan, kamura-murahan yaꞌ du ku kongoy-kongoy meꞌ jama ma yaꞌ pitsayaꞌ ni si Isa ndooy ni Yahudiya. Maka kamura-murahan kasulutan du siga sukuꞌ Tuhan ni Jerusalem nambut patulungan ma song boo ku pa mman da.

2 Korin 1:9

Kanna kami ndooy na bay katobtoban umu kami. Sugaꞌ ilooy na man kami bay mamintang subay Tuhan jaꞌ asahan kami, saꞌ na dī kami. Batan iya Tuhan Sangat Kawasa ma tukang makallum jama matoy.

2 Korin 6:9

Meꞌ kasohean buwat kami, subay ga jama yaꞌ takila. Mingkan, kinatoonan kami meꞌ sikamimon. Daran gi kami nontongan kapatoy. Kahapan masi gi du baw kami llum. Damikiyan, daran kami binonoꞌ. Kahapan yaꞌ gi du baw kami bay matoy.

1 Timuti 4:10

Sangkon magtuyuꞌ-tuyuꞌ na pin kita maghulas-sangsāꞌ masampay umanat mahap man Tuhan. Batan tatantu ta Tuhan sabanna ma llum saumu-umu poonan kasalamatan para mimon manusiyaꞌ. Boꞌ mastiꞌ sinalamat jaꞌ sina meꞌ na mimon ma pitsayaꞌ ni si Isa Almasi.

2 Timuti 4:17

Para na pin, jaman ku bay sinumariya, lai du ku bana inunungan meꞌ Papuꞌ Isa. Boꞌ bay gi ya nganggaosan aku masaplag umanat na labbasakayi ni mimon jama saꞌ Yahudi ndooy. Sat na jaꞌ, sasang ku ilay siꞌ bay sinumariya, parasahan ku subay ga ku hayop liput na meꞌ baanan halimaw. Kahapan, lay du ku sinalamat meꞌ Papuꞌ man bahaya looy.

2 Pitel 2:9

Sangkon ni mimon bay sabbut ku siꞌ, tumatandaꞌ na pandoy Tuhan maddusan jama ma ngisbat iya man jawom kasusahan. Damikiyan, pandoy du baw ya niksaꞌ jama ma yaꞌ intong njawom tahanan ngabut sampay sila pinidjalaꞌ ni llaw hukuman.