1 Yahiya 5:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Na bong kitabi pitsayaꞌ ni tuntut manusiyaꞌ ni hāl ma bay tasakup da, labi na kitabi saꞌ subay pitsayaꞌ ni bay halling Tuhan pasal si Isa. Batan bay ya magpalman si Isa yana Anak na.

1 Yahiya 5:9 ပူးပေါင်းရင်းမြစ်များ

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Yahiya 10:38

Sugaꞌ pagka lai, minsan kam yaꞌ doman pitsayaꞌ ni bitsala ku, subay siꞌ pitsayaꞌ na kam niyaku sabapan siga pabuwatan meꞌ looy. Bong siꞌ ilay kam bay mindoga ni siga pabuwatan looy, tahati bi jaꞌ sampay tatantu bi na tibuuk kami ka Mmaꞌ ku.”

Yahiya 5:39

Magtuyuꞌ baw kam maliksaꞌ njawom kitab sabap manganna kam ndooy na man bi koleꞌ kasampulnaan nyawa saumu. Boꞌ ko, poonan kasampulnaan nyawa ma sinabbut ndooy yana aku na mismu.

Salsila siga Rasul 17:31

Batan luu du sina mintu disu llaw bay ginantaꞌ meꞌ Tuhan man mimon manusiyaꞌ hinukum meꞌ disu lalla bay pineneꞌ meꞌ na. Hukuman na ilay mintu intong jaꞌ. Lalla looy ilay siꞌ bay na matoy. Sugaꞌ lay na du ya pinakallum meꞌ Tuhan mari tumatandaꞌ na ni manusiyaꞌ sikamimon iya na bay pineneꞌ ngahukum sila.”

Salsila siga Rasul 5:32

Kami itu, lay jaꞌ kami pineneꞌ meꞌ si Isa tukang masaplag mimon ma bay tasakup kami ni bay kadarihan na. Subay kam pitsayaꞌ ni umanat kami batan luu na sina Rū Sutsiꞌ mōꞌ buktiꞌ tud mawjud bitsala kami. Boꞌ Rū Sutsiꞌ ina lay na ndean meꞌ Tuhan ni mimon ma ngasip niiya.”

Hibrani 2:4

Batan lay sila binuwanan meꞌ Tuhan kawasa mōꞌ jinisan pabuwatan kahaylan-haylan tandaꞌ mawjud umanat da pasal Almasi. Sampay lay gi sila binuwanan ladjikiꞌ man Tuhan, yana jinisan kapandoyan man Rū Sutsiꞌ gantaꞌ ma numan ni kahandak Tuhan.

Hibrani 6:18

Dari luu duwa pakaradjaan ma yaꞌ tabaluba saumu, yana janjiꞌ Tuhan ka sapa na. Batan tunmanūn meꞌ Tuhan karapatan. Sangkon kitabi ma lay na paasok pa jawom okoman Tuhan, yaꞌ na maglumba meꞌ tabi ngaholat koleꞌ mimon ma bay janjiꞌ Tuhan ningkitabi.

1 Yahiya 5:10

Soysoy ina pitsayaꞌ ni Anak Tuhan, katoonan da njawom atay da tud bana du si Isa Anak Tuhan. Sugaꞌ sagannap ma yaꞌ pitsayaꞌ ni bay halling Tuhan pasal Anak na, malaingkan madustaꞌ sila Tuhan, batan yaꞌ sila kuhi pitsayaꞌ ni palman na.

1 Yahiya 5:8

Disu, yana Rū Sutsiꞌ, kaduwa na, jaman si Isa pinandi, katallu na yana lahaꞌ na bay pinaduwai. Ilooy ilay si sikatallu mag-uyun mōꞌ kabanahan si Isa yana Anak Tuhan.