1 Yahiya 5:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Dari luu tallu buktiꞌ si Isa yana Anak Tuhan.

1 Yahiya 5:7 ပူးပေါင်းရင်းမြစ်များ

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Matiyu 18:16

Sugaꞌ bong ina tuwak na bitsala nu, subay ko moo disu duwa pagkahi nu ma pitsayaꞌ niyaku pa mman na. Batan talpaksaꞌ subay luu duwa tallu saksiꞌ ni bay pagsaggaan bi.

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Yahiya 1:1

Ni panagnaan, ndang luu na Palman. Maka Palman ilay ndang wā dambuwaꞌ ka Tuhan. Boꞌ na, Palman yana Tuhan.

Yahiya 10:30

Kami tu ka Mmaꞌ ku tibuuk.”

Yahiya 12:28

Dari yuk na pa Tuhan, “Maꞌ, ilooy jaꞌ pabuwatun niyaku ma moo kabantugan ni awon nu.” Pag-anu siꞌ, ilooy ma pōꞌ suwara man sulgaꞌ nampungan iya, yuk na, “Ndang lay na situ ku koleꞌ kabantugan njataꞌ nu. Boꞌ koleꞌ gi ku sina mintu kabantugan njataꞌ nu pabalik.”

Yahiya 14:17

Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.

Yahiya 15:26

Pag-anu yuk si Isa lagi, “Yaꞌ na situ hallom, papitu ku sa pa mman bi Tukang Nabang, yana Rū Sutsiꞌ lakka man Mmaꞌ ku. Iya sa malahil kabanahan ningkaam. Pag takka na, iya sa muwanan jama pangahati pasal aku.

Yahiya 5:26

Batan yana meꞌ Mmaꞌ ku poonan kaallum, damikiyan man gantaan na, aku pun poonan kaallum du.

Yahiya 8:18

Pagka meꞌ looy, mastiꞌ subay binana meꞌ bi bitsala ku pasal dī ku, batan duwa naksian aku; disu, yana aku, kaduwa na, yana Mmaꞌ ku ma bay mapitu aku.”

Yahiya 8:54

Pag tampung si Isa, “Bong aku mantug dī ku, yaꞌ du luu pūs na. Sugaꞌ luu muwanan aku kabantugan, yana Mmaꞌ ku ma inaku meꞌ bi Tuhan bi.

Salsila siga Rasul 2:33

Boꞌ lay gi ya inangkat pa sulgaꞌ sampay lay na pinatingkōꞌ ni bihing Mmaꞌ na Tuhan huwin pa kawnan njawom kabantugan mehe. Boꞌ lay gi ya binuwanan kapatut matannaan siga sukuꞌ na Rū Sutsiꞌ meꞌ ndang bay njanjiꞌ meꞌ Mmaꞌ na. Dari ituu tu siꞌ ma bahau jaꞌ bay takita bi sampay takale bi ni baanan kami poonan man Rū Sutsiꞌ ma bay pinatannaꞌ ningkami.

Salsila siga Rasul 5:32

Kami itu, lay jaꞌ kami pineneꞌ meꞌ si Isa tukang masaplag mimon ma bay tasakup kami ni bay kadarihan na. Subay kam pitsayaꞌ ni umanat kami batan luu na sina Rū Sutsiꞌ mōꞌ buktiꞌ tud mawjud bitsala kami. Boꞌ Rū Sutsiꞌ ina lay na ndean meꞌ Tuhan ni mimon ma ngasip niiya.”

1 Yahiya 1:1

Itu suwat ku ningkaam pasal si Isa Almasi, yana Palman Tuhan ma nampulnaꞌ nyawa manusiyaꞌ saumu-umu. Yaꞌ gi luu oy maka oy na, ndang luu na ya mman Mmaꞌ na Tuhan. Pag-anu, lay ya dari manusiyaꞌ sampay bay maglahat ntuu ni junyaꞌ. Maka lay gi ya takita kami ka mata kami ma duwa. Damikiyan, lay du ya takale kami mitsala. Maka lay gi ya tapurut kami ka tangan kami mismu.

1 Yahiya 5:6

Na si Isa ilay, luu buktiꞌ man tabi toon iya Anak Tuhan bay pinapitu pa junyaꞌ. Disu buktiꞌ yana jaman na bay tasakup meꞌ jama pinandi ka boheꞌ. Kaduwa na, jaman lahaꞌ na bay pinaduwai. Dari siꞌ, sarī man jaman si Isa bay pinandi, kapatoy na pun, buktiꞌ du iya yana Anak Tuhan. Katallu na, luu gi Rū Sutsiꞌ makitau ningkitabi. Boꞌ mimon ina ma pinakitau meꞌ Rū Sutsiꞌ, mastiꞌ bana sadjaꞌ.

1 Yahiya 5:8

Disu, yana Rū Sutsiꞌ, kaduwa na, jaman si Isa pinandi, katallu na yana lahaꞌ na bay pinaduwai. Ilooy ilay si sikatallu mag-uyun mōꞌ kabanahan si Isa yana Anak Tuhan.

Siga Pakaradjaan bay Pinalahil 19:13

Pamakoy na juba bay tinalloban njawom lahaꞌ, maka meꞌ nganggalla iya, Palman Tuhan.