1 Yahiya 5:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Meꞌ tabi makitahan Tuhan aseꞌ tabi niiya, bean tabi jaꞌ siga panohoan na. Boꞌ siga panohoan na ina yaꞌ du bohat binogbogan

1 Yahiya 5:3 ပူးပေါင်းရင်းမြစ်များ

Matiyu 23:4

Bbuwatan da ina ngalogos jama mogbogan jinisan aturan awod. Bong dalil ta pa boonan bohat, jama jaꞌ sohoꞌ da manangkit. Kuwan sila, yaꞌ san nabang moo san lasa dangkitiꞌ.

Yahiya 14:15

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 15:10

Bong ina bean bi jaꞌ siga panohoan ku, kasengan bi sina aseꞌ ku. Aku pun, wā du bean ku siga panohoan Mmaꞌ ku sabap kasengan ku aseꞌ na.

Yahiya 15:14

Boꞌ kaam na sina kabagayan ku bong bean bi jaꞌ siga panohoan ku.

Suwat si Pol pa mman Baanan Sukuꞌ si Isa ndooy ni Rom 7:12

Kamasaꞌ bong inawnan saraꞌ, mastiꞌ yaꞌ luu laat na samasakali. Mimon panohoan njawom saraꞌ intong sadjaꞌ maka mahap sabap lakka man Tuhan.

Suwat si Pol pa mman Baanan Sukuꞌ si Isa ndooy ni Rom 7:22

San njawom atay ku tud doman ku mean saraꞌ Tuhan,

Hibrani 8:10

Na pagsulutan kami ina mintu ka siga panubuꞌ si Israil meꞌ tuu karuha na: Nnaꞌ ku na sina mintu siga saraꞌ ku njawom pamiki da. Maka suwatan ku na njawom atay da. Aku na sina mintu Tuhan da maka sukuꞌ ku na sila.

1 Yahiya 2:3

Na bong itu kitabi ngasip ni siga panohoan Tuhan, malaingkan tatantu tabi na katoonan tabi Tuhan.

2 Yahiya 1:6

Bong ina kitabi maaseꞌ ni Tuhan ka siga pagkahi tabi manusiyaꞌ, mastiꞌ bean tabi jaꞌ oy-oy sohoꞌ Tuhan ningkitabi. Boꞌ man maruhuꞌ lagi, ndang bay na kitabi sohoꞌ na sikaaseꞌ-kaaseꞌ.