1 Yahiya 5:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.

1 Yahiya 5:19 ပူးပေါင်းရင်းမြစ်များ

Lukas 4:6

Yuk Ibilis niiya, “Mimon pamarinta ka mimon pangaltaꞌ njawom junyaꞌ lay na sina pina-ntan niyaku sampay aku na magbayaꞌ ninsila. Ilooy ilay siꞌ labbasakayi dari dean ku ni soysoy pineneꞌ meꞌ ku.

Yahiya 12:31

Taabut na situ waktu man Tuhan ngalabuꞌ hukuman na ni kapasal mimon dusa manusiyaꞌ. Maka taabut na du waktu man maā Ibilis ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 14:30

Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku.

Yahiya 16:11

Ni kapasal hukuman, pinalahil meꞌ na lai na kabotangan hukuman Ibilis, ilooy ma panghuluꞌ ni manusiyaꞌ ma yaꞌ pitsayaꞌ niyaku.

Yahiya 17:15

Yaꞌ baw tu ngkon ku makuhan sila duwaa supaya sila boo nu pōꞌ man junyaꞌ tuu. Ilooy ya paku ku bong pin agpangan nu jaꞌ sila supaya sila yaꞌ takawum leꞌ Ibilis.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

2 Korin 5:1

Na baran tabi itu meꞌ sapantun lumaꞌ sandaꞌ-sandaꞌ jaꞌ man tabi pahantiꞌ halloman tabi taꞌ junyaꞌ. Maka katoonan tabi du, bong lay na langkat, mastiꞌ luu du gantiꞌ na lumaꞌ bahau ndooy ni sulgaꞌ. Intong na, baran bahau. Boꞌ lumaꞌ looy ilay mintu saꞌ na meꞌ hantang lumaꞌ ma pinabuwat meꞌ manusiyaꞌ, batan lakka man Tuhan ka natas saumu-umu.

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Yahiya 3:14

Kitabi itu, katoonan tabi na lay na kitabi pinaddusan man katiksaan nyawa, sampay lay na tabi koleꞌ kaallum bahau sabap maaseꞌ na kitabi ni siga pagkahi tabi. Sugaꞌ soysoy ina yaꞌ maaseꞌ, tumatandaꞌ masi tiksaꞌ nyawa na.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.

1 Yahiya 5:10

Soysoy ina pitsayaꞌ ni Anak Tuhan, katoonan da njawom atay da tud bana du si Isa Anak Tuhan. Sugaꞌ sagannap ma yaꞌ pitsayaꞌ ni bay halling Tuhan pasal Anak na, malaingkan madustaꞌ sila Tuhan, batan yaꞌ sila kuhi pitsayaꞌ ni palman na.

1 Yahiya 5:13

Ituu tu siꞌ man ku nuwat pa mman bi ma pitsayaꞌ ni Anak Tuhan supaya katoonan bi na tud luu na kasampulnaan nyawa bi ma yaꞌ luu katapusan na.

1 Yahiya 5:15

Dari pagka katoonan tabi na Tuhan pakale ni paku tabi, mastiꞌ katoonan tabi du nduwan jaꞌ kitabi.

1 Yahiya 5:18

Na kitabi itu, katoonan tabi na sikamimon jama ma bay dari anak Tuhan, patagong na sila buwat dusa batan luu na pin Anak Tuhan nganggaosan sila buwat kaintongan. Sangkon yaꞌ na sila tumandiyoꞌ meꞌ Ibilis.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.