1 Yahiya 5:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Na katapusan bitsala ku, bong kita ngita disu danganakan ta sukuꞌ si Isa buwat dusa, subay ya pakuhan ta duwaa supaya ya pinanimbangan meꞌ Tuhan sampay sinampulnaꞌ nyawa na pabalik. Sugaꞌ bong baw dusa na yana ilooy disu ma katiksaꞌ ni nyawa saumu-umu, san kita yaꞌ na mahusaan dī ta makuhan iya duwaa.

1 Yahiya 5:16 ပူးပေါင်းရင်းမြစ်များ

Panagnaan 20:17

Na sabap bay kadarihan Sultan Abimalik bay ngaddoꞌ si Sara, ndang lay na ga ya ka nda na tuwaꞌ saki meꞌ Tuhan yaꞌ hanak. Sampay mimon ata na ma danda ni astanaꞌ na lay na du kalaminan meꞌ saki looy. Kahapan lay na baw sila pakuhan si Ibrahim duwaa sampay lay na du sila kaulian.

Panagnaan 20:7

Batnaa, papoleun na danda looy pa mman lla na. Lla na ilay nabi. Pakuhan na sa ko duwaa supaya ko yaꞌ matoy. Sugaꞌ bong ina yaꞌ papoleꞌ nu danda looy, mastiꞌ papatoy ta jaꞌ sina ko sampay na mimon raayat nu.”

Lukas 12:10

“Soysoy ina malaat aku, yana Anak Manusiyaꞌ, taampun gi du. Sugaꞌ soysoy ina malaat pabuwatan Rū Sutsiꞌ, yaꞌ na sina ya inampun.

Yahiya 17:9

“Batnaa pakuhan ku na sila duwaa ningkau. Yaꞌ na ku ngalapis jama sarī. Ituu jaꞌ pakuhan ku sagannap ma bay hinalap meꞌ nu niyaku sabap sila sukuꞌ nu.

2 Timuti 4:14

Sarī man naa, iyakin ko ni si Aleksandel, lalla looy ma tukang maba tumbagaꞌ, batan tud bay basag sina ya bay nulang umanat kami. Maka meka sina kalaatan bay pabuwat na niyaku. Sugaꞌ biyahun na, hinisab du sina ya meꞌ Papuꞌ sikapataꞌ ka bay pabuwatan na.

1 Yahiya 5:17

Bana na, oy-oy pabuwat ta ma yaꞌ intong yana dusa. Sugaꞌ masi gi du tapuwasan basta saꞌ jaꞌ dusa looy disu ma niksaꞌ nyawa saumu-umu.