1 Yahiya 5:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Dari tatantu tabi na oy-oy paku tabi man Tuhan, bong ina saꞌ du paku ma nguntra ni kahandak na, mastiꞌ pinakale jaꞌ sina kitabi meꞌ na.

1 Yahiya 5:14 ပူးပေါင်းရင်းမြစ်များ

Matiyu 21:22

Oy-oy paku bi njawom duwaa bi pa Tuhan, nduwan jaꞌ sina kam basta kam pitsayaꞌ jaꞌ.”

Yahiya 11:42

Ndang katoonan ku du wā ko pakale niyaku. Sugaꞌ lay jaꞌ ku halling meꞌ tuu kalnaꞌ baanan jama ntuu supaya sila pitsayaꞌ tud bana kau bay mapitu aku.”

Yahiya 14:13

Maka oy-oy paku bi ni awon ku, duwan ta jaꞌ sina kam supaya Mmaꞌ ku koleꞌ kabantugan mehe ni jataꞌ ku.

Yahiya 15:7

Sugaꞌ basta kam langkit ka aku boꞌ kanna bi du bitsala ku, oy-oy paku bi man Mmaꞌ ku, basta nduwan jaꞌ du sina kam.

Yahiya 16:24

Halloman tabi dambuwaꞌ, yaꞌ gi luu bay paku bi niiya ni awon ku. Sugaꞌ batnaa, maku jaꞌ kam niiya. Mastiꞌ nduwan jaꞌ sina kam supaya pannoꞌ na atay bi leꞌ kagakan.”

Yahiya 9:31

Lalla looy bilay, bong ya saꞌ lakka man Tuhan, mastiꞌ yaꞌ ya kapabuwat meꞌ tuu. Labba man panagnaan junyaꞌ, yaꞌ gi baw luu bay taaka jama lay kasay buta man jawom kūn induꞌ na lagi. Boꞌ na, saliꞌ-saliꞌ du tabi toon, tiyap-tiyap baldusa, yaꞌ nduwan meꞌ Tuhan. Ilooy du nduwan, yana sagannap ma ngisbat iya ka buwat kahandak na.”

Epesus 3:12

Dari sabap tibuuk na kitabi ka Almasi sampay mangando na niiya, kapatapit na kitabi pa Tuhan. San tabi yaꞌ na alang-kapalang mangaruha niiya batan tatantu tabi na mastiꞌ hinasi jaꞌ kitabi.

Hibrani 10:35

Sangkon daa na labbahan bi pangando bi ni Papuꞌ, batan pangando bi ina, inaa na poonan man bi koleꞌ tungbas ayad saꞌ alang-alang.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

Hibrani 3:6

Boꞌ Almasi baw ilay, saꞌ ya tindog meꞌ karuha Nabi Musa, arapun iya ilay tud Anak Tuhan mismu kanaalla magtakōk ni siga jama lumaꞌ Mmaꞌ na. Boꞌ kitabi na situ initung jama lumaꞌ Tuhan basta tattap jaꞌ pangando tabi ni Almasi, maka basta yaꞌ jaꞌ kitabi jamu ngagad ni mimon ma bay njanjiꞌ meꞌ Tuhan ni siga sukuꞌ na.

Yaꞌkub 4:3

Pun sakali lay na kam maku, boꞌ kam yaꞌ bay kabuwanan, pin ilay meꞌ looy sabap yaꞌ mahap niyat atay bi maku. Iya paku bi yana isu-isu pakaradjaan ma masannang dī bi sadjaꞌ.

Yaꞌkub 5:16

Sangkon bong kam bay kapabuwat dusa, subay du kam mangaku ni pagkahi bi sampay sipaku-paku duwaa supaya kam kaulian meꞌ Tuhan. Na bong ina jama intong maku duwaa pa Tuhan, mastiꞌ kawasahan jaꞌ duwaa na.

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.