1 Yahiya 5:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Soysoy ina pitsayaꞌ ni Anak Tuhan, katoonan da njawom atay da tud bana du si Isa Anak Tuhan. Sugaꞌ sagannap ma yaꞌ pitsayaꞌ ni bay halling Tuhan pasal Anak na, malaingkan madustaꞌ sila Tuhan, batan yaꞌ sila kuhi pitsayaꞌ ni palman na.

1 Yahiya 5:10 ပူးပေါင်းရင်းမြစ်များ

Yahiya 3:16

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Yahiya 3:18

Dari sagannap ma pitsayaꞌ ni Anak na, puwas na man hukuman Tuhan. Boꞌ sagannap ma yaꞌ pitsayaꞌ, ndang kinamulkaan na sila sabap yaꞌ sila kuhi pitsayaꞌ ni Anak tungga Tuhan.

Yahiya 3:33

Sugaꞌ soysoy baw ina pitsayaꞌ ni umanat na, malaingkan sibuꞌ du ya ka bay mangaku bana palman Tuhan.

Yahiya 5:38

Palman na pun, yaꞌ du bay kinanna meꞌ bi sabap yaꞌ kam kuhi pitsayaꞌ ni ilooy ma bay papitu na.

Salsila siga Rasul 8:37

Pag tampung si Pilip, “Bong ko tud bana-bana pitsayaꞌ ni si Isa, dari ba.” “Ohoꞌ,” yuk manijel looy, “pitsayaꞌ na ku si Isa Almasi yana Anak Tuhan.”

Galatiya 4:1

Batnaa buwanan ta doꞌ kam dalil. Bong luu disu anak sawraga lay na matoy mmaꞌ na, minsan mimon altaꞌ mmaꞌ na pamusaka niiya, halloman na dikiꞌ lagi, saꞌ gi du iya ngantan. Sibuꞌ du kapatut na ka ata ma yaꞌ luu dapat na ngantanan oy maka oy na.

Galatiya 4:6

Dari pagka anak Tuhan na kitabi, lay na kitabi pinaasokan leꞌ Tuhan Rū Anak na pa jawom atay tabi. Maka ilooy na poonan tabi dari na ngawnan Tuhan Mmaꞌ tabi.

Kolossa 3:3

Batan pagkajama tabi ina maruhuꞌ lay na matoy. Pag batnaa, luu na kaallum tabi bahau njawom okoman Tuhan batan tibuuk na kitabi ka Almasi.

Hibrani 3:12

Sangkon siga danganakan, iyakin kam taggahaꞌ luu laat njawom pamiki bi moo kam yaꞌ pitsayaꞌ ni kabanahan sampay man bi na nikutan Tuhan sabanna ma llum saumu.

2 Pitel 1:19

Dari pagka lay takita kami sampay lay na takale kami ilooy siꞌ sikamimon, magdaruhun na meꞌ kami kasiguru tud bana du siga tunaꞌ kanabi-nabihan pasal Almasi. Suwat da ilay njawom kitab meꞌ sapantun sūꞌ ninag njawom lindom. Sangkon subay indanan bi bitsala da ngabut sampay ninag na Kababbasan njawom atay bi sampay pakallat na mataallaw. Hati na, ngabut sampay takka na Almasi marantaan mimon pamiki bi.

1 Yahiya 1:10

Sugaꞌ bong itu kitabi māꞌ yaꞌ bay pingkaꞌ buwat dusa, sibuꞌ du kitabi ka bay madustaꞌ Tuhan batan bay halling Tuhan mimon manusiyaꞌ magdusa. Boꞌ na, bong ilay kitabi māꞌ meꞌ looy, yaꞌ du luu pūs palman na ningkitabi.

1 Yahiya 5:1

Na sagannap ma pitsayaꞌ si Isa yana Almasi, sila na bay dari anak Tuhan. Maka bong ina kitabi maasean Mmaꞌ tabi Tuhan, mastiꞌ maaseꞌ du kitabi ni siga pagkahi tabi anak Tuhan.

Siga Pakaradjaan bay Pinalahil 12:17

Pag ndaꞌ naga looy yaꞌ luu dapat na, tud bay dugahan ya ni danda looy. Dari lay ya lakka mandooy ngalān siga anak danda looy ilooy kasohean. Siga anak na ilay, yana sagannap manusiyaꞌ ma mean panohoan Tuhan ka magkanaalla ngantanan tōꞌ si Isa.

Siga Pakaradjaan bay Pinalahil 2:17

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Na soysoy ina kanaalla mmeꞌ niyaku tanne-pasuꞌ, malaingkan buwanan ku ya kinakan man sulgaꞌ inawnan manna. Maka buwanan ku ya disu batu poteꞌ man bay nuwatan awon na bahau ma yaꞌ luu toon sarī man iya ma binuwanan.”

Siga Pakaradjaan bay Pinalahil 2:28

Maka dean ku na du sila Kababbasan.