1 Yahiya 5:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na sagannap ma pitsayaꞌ si Isa yana Almasi, sila na bay dari anak Tuhan. Maka bong ina kitabi maasean Mmaꞌ tabi Tuhan, mastiꞌ maaseꞌ du kitabi ni siga pagkahi tabi anak Tuhan.

1 Yahiya 5:1 ပူးပေါင်းရင်းမြစ်များ

Matiyu 16:16

Tampung si Saymon Pitel, “Kau na bina Almasi, tukang nalamat ma bay njanjiꞌ meꞌ Tuhan sabanna ma llum saumu-umu. Kau na Anak Tuhan.”

Lukas 7:5

Iya ilay maaseꞌ du ningkitabi bangsa Yahudi sampay lay gi ya matanggehan kami langga.”

Yahiya 1:3

Boꞌ Palman ilay, iya na man bay mapayak mimon-mimon. Niyaꞌ gi silay luu oy maka oy na bong saꞌ Palman man bay mapayak.

Yahiya 15:23

Bong siꞌ ku tu yaꞌ bay mōꞌ siga pabuwatan kahaylan-haylan ma yaꞌ bay pingkaꞌ tapabuwat meꞌ manusiyaꞌ, yaꞌ gi sila tasusunan pasal dusa da nuwak aku. Sugaꞌ batnaa, tumatandaꞌ na dusa da, batan san lay na takita da siga pabuwatan meꞌ looy, amu-amu sila yaꞌ kuhi pitsayaꞌ niyaku. Boꞌ na, gam pin kalammisan da lagi ku sampay Mmaꞌ ku. Batan soysoy ina lammis niyaku, sibuꞌ du ya ka lammis ni Mmaꞌ ku.”

Yahiya 3:3

Pag halling si Isa, “Baan ta ko banahan, yaꞌ sina luu kapatabeꞌ ni pamarinta Tuhan bong yaꞌ doꞌ bay duhuꞌ pinamaddihan pabalik.”

Yahiya 6:69

Kami itu pitsayaꞌ jaꞌ ningkau maka katoonan kami kau na ilooy ma bay tinunaꞌ Mahasutsiꞌ lakka man Tuhan.”

Yahiya 8:42

Yuk si Isa baw siꞌ tu, “Bong siꞌ bay mattan Tuhan Mmaꞌ bi, mastiꞌ maaseꞌ jaꞌ kam niyaku batan aku tu bay pitu lakka mman na. Yaꞌ ku bay pitu ni pamiki ku dī ku, arapun iya mismu bay mapitu aku.

Salsila siga Rasul 8:36

Sasang da palanja, lay na sila nakka disu lugar bohean. Pag-anu, yuk manijel looy ni si Pilip, “Alay la boheꞌ. Bong siꞌ kadarihan ningkau, pandihun doꞌ ku.”

Salsila siga Rasul 8:37

Pag tampung si Pilip, “Bong ko tud bana-bana pitsayaꞌ ni si Isa, dari ba.” “Ohoꞌ,” yuk manijel looy, “pitsayaꞌ na ku si Isa Almasi yana Anak Tuhan.”

Yaꞌkub 1:18

Man kahandak na, lay na ya muwanan kitabi kaallum bahau sabap meꞌ tabi pitsayaꞌ ni umanat kabanahan pasal Almasi. Maksud na supaya tumatandaꞌ na kitabi patingkat niiya man mimon-mimon ma bay pinapayak meꞌ na.

1 Pitel 1:3

Pudji tabi Tuhan, Mmaꞌ Papuꞌ tabi si Isa Almasi. Ni kabasag timbang na, lay na ya bay muwanan kitabi kaallum bahau. Lay na kapakitabi kaallum bahau sabap meꞌ tabi tabeꞌ ni Almasi pinakallum pabalik. Sangkon tatantu tabi na

1 Yahiya 2:10

Sugaꞌ soysoy maasean pagkahi na, tattap njawom dantaꞌ. Maka yaꞌ luu ni arat-tabiat na man na ndusa.

1 Yahiya 2:29

Almasi ina, ndang katoonan tabi du, wā intong. Sangkon tatantu tabi soysoy buwat kaintongan, malaingkan anak Tuhan du ya.

1 Yahiya 3:14

Kitabi itu, katoonan tabi na lay na kitabi pinaddusan man katiksaan nyawa, sampay lay na tabi koleꞌ kaallum bahau sabap maaseꞌ na kitabi ni siga pagkahi tabi. Sugaꞌ soysoy ina yaꞌ maaseꞌ, tumatandaꞌ masi tiksaꞌ nyawa na.

1 Yahiya 3:17

Damikiyan, subay du kitabi nulung siga pagkahi tabi ma njawom sigpit. Bong luu pangabut tabi, boꞌ yaꞌ san kitabi nulung ninsila, pooy meꞌ tabi kabāꞌ maaseꞌ kitabi pa Tuhan?

1 Yahiya 3:9

Dari sagannap ma lay na dari anak Tuhan, labbahan da na sina meꞌ da buwat dusa sabap luu na ninsila pangatayan bahau man Tuhan. Maka pagka Mmaꞌ da na Tuhan, yaꞌ sila kasogsog buwat dusa.

1 Yahiya 4:2

Man bi ngila guru ma pinagmundaan meꞌ Rū Tuhan meꞌ tuu: Soysoy māꞌ si Isa Almasi yana Anak Tuhan bay dari manusiyaꞌ, tumatandaꞌ bana-bana ya sosohoan Tuhan.

1 Yahiya 4:20

Bong luu halling, “Maaseꞌ ku pa Tuhan,” boꞌ lammis baw ni pagkahi na manusiyaꞌ, malaingkan ngandustaꞌ ya. Batan bong ina ya yaꞌ pandoy maasean pagkahi na ma takita, labi na Tuhan saꞌ niyaꞌ kaasean na ma yaꞌ san takita.

1 Yahiya 4:7

Siga kakasi ku, subay kitabi sikaaseꞌ-kaaseꞌ sabap inaa tabiat Tuhan. Jama ma maaseꞌ ina, tarang-tarang anak Tuhan maka katoonan na Tuhan.

1 Yahiya 5:18

Na kitabi itu, katoonan tabi na sikamimon jama ma bay dari anak Tuhan, patagong na sila buwat dusa batan luu na pin Anak Tuhan nganggaosan sila buwat kaintongan. Sangkon yaꞌ na sila tumandiyoꞌ meꞌ Ibilis.

1 Yahiya 5:4

batan lay na kitabi dari anak Tuhan. Boꞌ tiyap-tiyap siga anak Tuhan ina, mastiꞌ luu na gaos da nuwak sasat mimon njawom junyaꞌ. Boꞌ poonan gaos da yana pangando da ni Almasi.

1 Yahiya 5:5

Dari sagannap ma pitsayaꞌ si Isa yana Anak Tuhan, sila du sina ngantanan gaos nuwak siga sasat njawom junyaꞌ.