1 Yahiya 4:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Sugaꞌ sagannap ma nuwak kabanahan pasal si Isa, yaꞌ sina luu Rū Tuhan mman da. Pikilan da ina sibuꞌ du ka pikilan ilooy ma Tukang Nguntra Almasi. Man maruhuꞌ lagi, saꞌ ba, ndang bay na takale bi bbos-bbos luu takka disu Tukang Nguntra Almasi magsian jama? San pun batnaa, luu na du siga jama meꞌ karuha iya nguntra kabanahan pasal Almasi.

1 Yahiya 4:3 ပူးပေါင်းရင်းမြစ်များ

Matiyu 24:5

Batan bbos-bbos, meka sina mintu pasunuꞌ māꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Boꞌ meka jama taboo da magsiꞌ.

1 Yahiya 2:18

Na siga anak, saꞌ ba, ndang lay na kam binaan maruhuꞌ, pag mintu tapit na llaw dambuli, luu disu pōꞌ inawnan Tukang Nguntra Almasi? Boꞌ ni sabana na, meka na sina pōꞌ nguntra Almasi ni batnaa. Sangkon katoonan tabi na bong inawnan llaw dambuli, basta tapit na.

1 Yahiya 2:22

Sangkon bong luu māꞌ si Isa saꞌ Almasi bay njanjiꞌ meꞌ Tuhan pinapitu nalamat, malaingkan pangandustaꞌ ya. Siga jama meꞌ looy ilay nguntra Almasi. Sarī man Almasi, sampay Mmaꞌ na Tuhan, tuwak da du.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.