1 Yahiya 4:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Bong luu halling, “Maaseꞌ ku pa Tuhan,” boꞌ lammis baw ni pagkahi na manusiyaꞌ, malaingkan ngandustaꞌ ya. Batan bong ina ya yaꞌ pandoy maasean pagkahi na ma takita, labi na Tuhan saꞌ niyaꞌ kaasean na ma yaꞌ san takita.

1 Yahiya 4:20 ပူးပေါင်းရင်းမြစ်များ

Yahiya 13:35

Bong ina kam sikaaseꞌ-kaaseꞌ du, inaa na sina pindoga man mimon jama toon mattan kaam mulit ku.”

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Yahiya 1:6

Dari bong itu kitabi mangaku lungbid ka Tuhan, boꞌ kitabi masi njawom lindom buwat kalaatan, malaingkan ngandustaꞌ kitabi. Maka yaꞌ kitabi mmeꞌ ni kabanahan.

1 Yahiya 1:8

Na bong yuk tabi yaꞌ luu dusa tabi, ngandupang jaꞌ kitabi dī tabi maka lawak kitabi man kabanahan.

1 Yahiya 2:11

Sugaꞌ soysoy ina lammis ni pagkahi na, malaingkan masi ya njawom lindom. Ni kaawam na, meꞌ karuha jama buta ya bagagap njawom lindom. Yaꞌ san katoonan na luꞌ paninggai ya.

1 Yahiya 2:4

Sugaꞌ soysoy mangaku katoonan na Tuhan, boꞌ yaꞌ baw ngasip ni siga panohoan na, malaingkan ngandustaꞌ ya, maka bong inawnan kabanahan, yaꞌ du binean meꞌ na.

1 Yahiya 2:9

Na soysoy mangaku njawom dantaꞌ, boꞌ lammis baw ni pagkahi na, malaingkan masi du ya njawom lindom.

1 Yahiya 3:17

Damikiyan, subay du kitabi nulung siga pagkahi tabi ma njawom sigpit. Bong luu pangabut tabi, boꞌ yaꞌ san kitabi nulung ninsila, pooy meꞌ tabi kabāꞌ maaseꞌ kitabi pa Tuhan?

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.