1 Yahiya 4:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Bong kita maasean Tuhan ka pagkahi ta manusiyaꞌ, yaꞌ na sina luu tawu ta pa Tuhan. Ilooy ya ilay man jama tawu bong bistahan da luu pidjalaꞌ Tuhan ngagad sila. Sangkon soysoy tawu pinidjalaꞌ, tarang-tarang kulang meꞌ na maaseꞌ.

1 Yahiya 4:18 ပူးပေါင်းရင်းမြစ်များ

Matiyu 9:34

Sugaꞌ yuk siga Parisi baw, “Panghuluꞌ seytan bilay bay muwanan iya kawasa man na mapōꞌ siga seytan.”

Suwat si Pol pa mman Baanan Sukuꞌ si Isa ndooy ni Rom 8:15

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

2 Timuti 1:7

Daa ko tawu buwat ma bay sinukuꞌ meꞌ Tuhan ningkau. Batan Tuhan ilay bay matannaꞌ Rū na njataꞌ ta supaya luu na gaos ta ka aseꞌ sampay tabang ngagak dī ta. Saꞌ ga silay supaya kita subay na pin tawu.

Hibrani 12:28

Sangkon, pagka Tuhan bay matabeꞌ kitabi ni pamarinta na ma yaꞌ tajogjog, subay kitabi magsuku niiya sampay kinanna meꞌ tabi ehe aseꞌ na ningkitabi. Maka sumba tabi ya ni lanan magpataꞌ niiya, hati na, ni kaehe maltabat tabi ka tawu tabi niiya.

Yaꞌkub 2:19

Maka baan ku ya, “Bong ina sat pitsayaꞌ, yaꞌ sukup. Pamikihan doꞌ paayad. Saꞌ ba, pitsayaꞌ ko disu du Tuhan? Mahap sina. Sugaꞌ minsan ina siga seytan, pitsayaꞌ du meꞌ looy sampay mipig na sila ni katawu da minulkaan bbos-bbos.”

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.