1 Yahiya 4:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Bong ina tattap aseꞌ tabi ni manusiyaꞌ, tumatandaꞌ du tattap aseꞌ tabi pa Tuhan. Maka tatantu tabi na pag mintu taabut llaw hukuman, yaꞌ na luu katawuhan tabi sabap lay na taakig tabi tabiat si Isa ntuu ni junyaꞌ.

1 Yahiya 4:17 ပူးပေါင်းရင်းမြစ်များ

Matiyu 10:15

Baan ta kam banahan, pag ina mintu taabut llaw hukuman Tuhan, bohat gi sina mintu mulkaꞌ njataꞌ da man ilooy ma bay katuwaꞌ ni siga jama Sodom ka Gomora.”

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Matiyu 11:22

Sangkon, baan ta kam banahan, pag ina mintu taabut llaw hukuman Tuhan, bohat gi sina mulkaꞌ njataꞌ bi man mulkaꞌ Tuhan njataꞌ siga jama man Tayil ka Saydon.

Matiyu 11:24

Sangkon, baan ta kam banahan, pag ina taabut llaw hukuman Tuhan, bohat gi sina mintu mulkaꞌ njataꞌ bi man bay mulkaꞌ njataꞌ siga jama Sodom.”

Matiyu 12:36

Baan ta kam banahan, pag taabut llaw hukuman, mimon ina mintu manusiyaꞌ paawop na pa Tuhan magsabanna ni mimon bitsala da ma yaꞌ bay pataꞌ pinōꞌ.

Yahiya 15:20

Ingatun bi meꞌ halling sambat ku na siꞌ, ‘Yaꞌ sina luu ata patingkat labi gi man papuꞌ na.’ Sangkon, pagka aku bay nilaugan meꞌ da, kaam pun ina mastiꞌ nilaugan du. Bong siꞌ ilay ndang bay kinanna meꞌ da tōꞌ ku, malaingkan ningkaam pun ina, kinanna du.

Yahiya 17:22

“Kawasa-kapatut ma bay dean nu aku, lay na pasayin ku pajataꞌ siga mulit ku supaya meꞌ kita na du sila dambuwaꞌ atay.

Suwat si Pol pa mman Baanan Sukuꞌ si Isa ndooy ni Rom 8:29

Labba man sibuwa, ndang katoonan Tuhan na bong soy tumabeꞌ ni sukuꞌ na. Boꞌ ndang luu na silay garaꞌ na ngahalin arat-tabiat da supaya sumibuꞌ na du ka arat-tabiat Anak na, yana si Isa. Kon na ilay buwat meꞌ looy supaya sila pataꞌ inawnan siyali si Isa ma ginalla Anak Siyaka.

Hibrani 9:27

Na bong inawnan manusiyaꞌ, ndang lay na sina ginantaꞌ ninsila matoy sakayi du. Pag-anu, boꞌ da hinukum meꞌ Tuhan.

Yaꞌkub 2:13

Batan pag ina mintu taabut llaw hukuman, soysoy yaꞌ bay manimbang ni pagkahi na manusiyaꞌ, yaꞌ du ya pinanimbangan meꞌ Tuhan. Sugaꞌ sagannap ma bay manimbang, yaꞌ na luu katawuhan da ni llaw hukuman.

Yaꞌkub 2:22

Mandooy ilay tabista tabi na bay jaman Nabi Ibrahim pitsayaꞌ pa Tuhan, lay du bay gapiꞌ ka siga pabuwatan na. Sampay ilooy na man tabi toon tud bana-bana ya pitsayaꞌ.

2 Pitel 2:9

Sangkon ni mimon bay sabbut ku siꞌ, tumatandaꞌ na pandoy Tuhan maddusan jama ma ngisbat iya man jawom kasusahan. Damikiyan, pandoy du baw ya niksaꞌ jama ma yaꞌ intong njawom tahanan ngabut sampay sila pinidjalaꞌ ni llaw hukuman.

2 Pitel 3:7

Damikiyan, gumi ka langit ma luu ni batnaa, ampud leꞌ api bbos-bbos man sabapan palman Tuhan du. Sugaꞌ nilantan gi sina ngkod-ngkoran yaꞌ gi taabut llaw hukuman, yana llaw man Tuhan makaat sagannap ma yaꞌ luu tawu da niiya.

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.

1 Yahiya 2:5

Sugaꞌ soysoy ngasip ni siga panohoan Tuhan, tumatandaꞌ tattap aseꞌ na pa Tuhan. Maka sabap meꞌ tabi ngasip, inaa na man tabi katantu tibuuk kitabi ka Tuhan.

1 Yahiya 2:6

Na soysoy mangaku tibuuk ka Tuhan, subay nabiat mōꞌ arat-tabiat meꞌ kadari ni si Isa Almasi.

1 Yahiya 3:1

Bistahun bi doꞌ ehe aseꞌ Mmaꞌ tabi Tuhan njataꞌ tabi. Lay na ga tabi awnan na anak na. Boꞌ tud bana du baw situ kitabi anak na. Sugaꞌ kuwan siga jama ma mandang jaꞌ hāl junyaꞌ, yaꞌ tahati da ga anak Tuhan na kitabi batan yaꞌ katoonan da Tuhan.

1 Yahiya 3:3

Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.

1 Yahiya 3:7

Siga anak, daa kam kuhi pinagsian meꞌ jama bong sila māꞌ bahasa dari san kitabi buwat dusa. Arapun ituu ya kannahun bi: Sagannap ma tattap buwat kaintongan, sila na jama intong meꞌ karuha Almasi.

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.