1 Yahiya 4:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Kitabi itu, katoonan tabi maka manganna kitabi tud kinaasean kitabi meꞌ Tuhan. Na meꞌ halling sambat ku na siꞌ, tabiat Tuhan ina yana maaseꞌ. Sangkon soysoy ina tattap maaseꞌ, mastiꞌ tattog Tuhan niiya, maka iya pun tattog du ni Tuhan.

1 Yahiya 4:16 ပူးပေါင်းရင်းမြစ်များ

Yahiya 6:69

Kami itu pitsayaꞌ jaꞌ ningkau maka katoonan kami kau na ilooy ma bay tinunaꞌ Mahasutsiꞌ lakka man Tuhan.”

Yahiya 9:3

Pag tampung si Isa, “Saꞌ bina man dusa na atawa dusa induꞌ-mmaꞌ na, arapun kon na meꞌ naa supaya takita meꞌ jama kawasa Tuhan ngulian iya.

1 Korin 2:9

Kahapan, sabapan kapatoy na, lay na bukisan Tuhan lawang man manusiyaꞌ koleꞌ jinisan supaat. Boꞌ magbēꞌ bana ka bay tunaꞌ njawom kitab, ilooy ma yuk na, “Luu siga supaat ma ndang bay hinalliꞌ meꞌ Tuhan ni sagannap ma maaseꞌ niiya. Siga supaat looy ilay yaꞌ gi bay pingkaꞌ takita maka yaꞌ gi bay takale sampay yaꞌ san bay taingat meꞌ pamiki manusiyaꞌ.”

1 Yahiya 3:1

Bistahun bi doꞌ ehe aseꞌ Mmaꞌ tabi Tuhan njataꞌ tabi. Lay na ga tabi awnan na anak na. Boꞌ tud bana du baw situ kitabi anak na. Sugaꞌ kuwan siga jama ma mandang jaꞌ hāl junyaꞌ, yaꞌ tahati da ga anak Tuhan na kitabi batan yaꞌ katoonan da Tuhan.

1 Yahiya 3:16

Na man tabi toon bong oy aseꞌ sabanna, mindoga jaꞌ tabi ni si Isa, batan lay na ga ya nongan umu na kalnaꞌ kitabi. Sangkon kitabi pun subay du mangatas nongan umu tabi kalnaꞌ siga pagkahi tabi sukuꞌ si Isa.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.

1 Yahiya 4:7

Siga kakasi ku, subay kitabi sikaaseꞌ-kaaseꞌ sabap inaa tabiat Tuhan. Jama ma maaseꞌ ina, tarang-tarang anak Tuhan maka katoonan na Tuhan.