1 Yahiya 4:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Na siga kakasi ku, pagka meꞌ naa aseꞌ Tuhan ningkitabi, subay du kitabi sikaaseꞌ-kaaseꞌ.

1 Yahiya 4:11 ပူးပေါင်းရင်းမြစ်များ

Lukas 10:37

Pag tampung na, “Ilooy ma bay kapaluuy nabang iya.” Yuk si Isa, “Katuwaꞌ ko. Bong meꞌ looy, ilooy jaꞌ akigun.”

Yahiya 13:34

Batnaa mbanan ta na kam panohoan bahau: Subay kam sikaaseꞌ-kaaseꞌ. Yana meꞌ ku maaseꞌ ningkaam, subay meꞌ naa du meꞌ bi maaseꞌ ni pagkahi bi.

Epesus 4:31

Sangkon sapatut na, labbahan tabi na mimon kato tabbuk tabi ka lasu tabi sampay lammis tabi. Ddong na tabi ngalebeꞌ-lebean jama atawa mitna. Intong na, mimon kalaatan tabi ni pagkahi tabi manusiyaꞌ, labbahan tabi na.

Kolossa 3:13

Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.

1 Yahiya 2:7

Siga kakasi ku, bila kam sohoꞌ ku sikaaseꞌ-kaaseꞌ njawom suwat tuu, saꞌ sina ga panohoan bahau jaꞌ. Batan ndang lay na takale bi jaman bi bahau jaꞌ bay mmeꞌ ni si Isa.

1 Yahiya 3:11

Na pagka anak Tuhan na kam, yaꞌ dari yaꞌ bean bi panohoan njawom umanat bay takale tabi labba man sibuwa. Panohoan ma awnan ku ilay siꞌ yana subay kitabi sikaaseꞌ-kaaseꞌ.

1 Yahiya 3:23

Ga panohoan na ina meꞌ tuu: Subay kitabi pitsayaꞌ ni Anak na si Isa Almasi. Maka subay kitabi sikaaseꞌ-kaaseꞌ batan ndang inaa bay sohoꞌ si Isa ningkitabi.

1 Yahiya 4:7

Siga kakasi ku, subay kitabi sikaaseꞌ-kaaseꞌ sabap inaa tabiat Tuhan. Jama ma maaseꞌ ina, tarang-tarang anak Tuhan maka katoonan na Tuhan.

2 Yahiya 1:5

Na kuwan kau Nang, paku ku ningkau subay kitabi sikaaseꞌ-kaaseꞌ. Inaa ina saꞌ panohoan bahau, batan ndang bay na takale tabi man maruhuꞌ lagi, jaman tabi bohoꞌ bay mmeꞌ ni si Isa.