1 Yahiya 4:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

1 Yahiya 4:1 ပူးပေါင်းရင်းမြစ်များ

Malkus 13:21

Maka yuk si Isa, “Ni waktu looy ilay mintu, bong luu maan kaam, ‘Ndaun ba, atu na Almasi,’ atawa ‘Alay na ndooy,’ amay-amay daa kam pitsayaꞌ.

Lukas 12:57

“Pamikihan bi na bong oy pataꞌ pabuwat bi padpad yaꞌ gi kam kalabuan hukuman Tuhan.

Lukas 21:8

Tampung si Isa, “Iyakin kam mari kam yaꞌ takoleꞌ binoo magsiꞌ. Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Maka yuk da ina, ‘Taabut na waktu.’ Sugaꞌ daa kam hidjab. Daa kam mmeꞌ ninsila.

Salsila siga Rasul 17:11

Na siga Yahudi ndooy ni Bereya, mas mahap baw arat-tabiat da man siga Yahudi ndooy ni Tesaloneka. Tinagi sila pakale ni umanat ga si Pol sampay lay du hinasi meꞌ da. Dari llaw pa dangallaw, wā sila maliksaꞌ njawom kitab man da masā bong tud mawjud du bitsala ga si Pol.

Salsila siga Rasul 20:29

Tasiguru ku, lay jaꞌ ku ina mintu palakka, bbos-bbos luu na baw sina pasunuꞌ siga guru palsu palamud ningkaam. Mehe sina mintu meꞌ bi magkaat meꞌ tōꞌ da. Sila ilay mintu meꞌ karuha siga idoꞌ tawun patabbaꞌ pa jawom tangngaan baanan bili-bili nabbat.

1 Korin 12:10

Maka kasohean, kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian masampay siga umanat ma bay pinalahil meꞌ Tuhan ninsila. Kasohean kaladjikian nilang bong bitsala jama bana-bana lakka man Rū Sutsiꞌ atawa niyaꞌ. Kuwan kasohean, kaladjikian mitsala ni jinisan pallun ma yaꞌ san bay pingkaꞌ kapandoyan da. Boꞌ luu gi kasohean kaladjikian muwan maana ni siga pallun meꞌ looy.

1 Korin 14:29

Ni kapasal jama ni baanan bi ma bay kaladjikian masampay siga umanat lakka man Tuhan, bong sila masampay, sapatut na subay meꞌ looy du siꞌ ga duwa-tallu jaꞌ du sila. Maka umanat da subay binanding paayad meꞌ sikamimon bong magbēꞌ du ka tōꞌ si Isa atawa niyaꞌ.

1 Tesaloneka 5:20

Bila luu danganakan bi māꞌ luu umanat karomanan na pinasampay lakka man Rū Sutsiꞌ, padarihun bi na ya. Daa ya sohoun bi diyam-diyam.

1 Tesaloneka 5:21

Sugaꞌ pus na masampay, pindogahan bi doꞌ bong pataꞌ hinasi umanat na atawa niyaꞌ. Bong hati bistahan bi tud mattan lakka man Rū Sutsiꞌ, malaingkan kannahun bi; bong niyaꞌ, san daa na.

2 Tesaloneka 2:2

Bong mintu luu māꞌ ningkaam llaw Papuꞌ pabeleng lai na pingkaꞌ, daa doꞌ lingog pamiki bi maka daa kam kuhi njadjuꞌ iman bi batan yaꞌ luu kabanahan na. San gi ina sila māꞌ Rū Sutsiꞌ mismu bay malahil ninsila, daa kam hidjab. Damikiyan, bong luu māꞌ bay taaka da atawa bay tabatsa da njawom suwat ma bay lakka man kami, daa du kam pitsayaꞌ.

1 Timuti 4:1

Na Timuti, luu silay bay pinalahil meꞌ Rū Sutsiꞌ meꞌ tuu: Bbos-bbos ina meka na jama nimanan tōꞌ sabanna ma kinapitsayaan meꞌ tabi. Kon meꞌ looy sabap meꞌ da maruli tōꞌ palsu lakka man siga seytan.

2 Timuti 3:13

Batan jama maat ina ka jama pangakka, magsasōng na pin sina mintu kalaatan da. Ngakkahan sila jama, sugaꞌ sila pun inakkahan du.

2 Pitel 2:1

Na kanabi-nabihan looy ilay siꞌ intong. Sugaꞌ ni jaman looy, luu du baw ndooy ni Israil jama magnabi-nabihan. Damikiyan, luu na du sina mintu siga guru palsu ni baanan bi masalluk tōꞌ bingkok ma kabinasa ningkaam. Boꞌ tuwak da lagi Papuꞌ tabi. Padahal, lay na ga ya nongan umu na bong pin tapaddusan na jaꞌ sila man jawom komkoman Ibilis. Sangkon, saꞌ ga bina oy, miha jaꞌ sila man da deꞌ-dēꞌ binasa.

1 Yahiya 2:18

Na siga anak, saꞌ ba, ndang lay na kam binaan maruhuꞌ, pag mintu tapit na llaw dambuli, luu disu pōꞌ inawnan Tukang Nguntra Almasi? Boꞌ ni sabana na, meka na sina pōꞌ nguntra Almasi ni batnaa. Sangkon katoonan tabi na bong inawnan llaw dambuli, basta tapit na.

1 Yahiya 2:7

Siga kakasi ku, bila kam sohoꞌ ku sikaaseꞌ-kaaseꞌ njawom suwat tuu, saꞌ sina ga panohoan bahau jaꞌ. Batan ndang lay na takale bi jaman bi bahau jaꞌ bay mmeꞌ ni si Isa.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.

Siga Pakaradjaan bay Pinalahil 2:2

“Kaam ina, katoonan ku du kadarihan bi nnaa. Ndaꞌ ku, basag kam maghulas-sangsāꞌ kalnaꞌ awon ku sampay basag kam natasan jinisan kamalasahiyan. Maka katoonan ku du nulang kam jama maat. Sampay lay na tatongkad bi niyat atay siga jama nnaa ma buwat dī da rasul ku, maka tabistu bi na ngandustaꞌ jaꞌ sila.