1 Yahiya 3:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Dari sagannap ma ngagad kajatuhan meꞌ looy bbos-bbos, malaingkan labbahan da na mimon kawul-piil ma yaꞌ mahap mari sila meꞌ Almasi na du sutsiꞌ.

1 Yahiya 3:3 ပူးပေါင်းရင်းမြစ်များ

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Lukas 6:36

Sangkon, subay du kam manimbang ni jama meꞌ karuha Mmaꞌ bi Tuhan.”

Yahiya 17:19

Kalnaꞌ sila, paglillaꞌ ku na umu ku supaya dari sukuꞌ nu na sila mmeꞌ ni kabanahan.

Salsila siga Rasul 15:9

Hantak bitsala ku ilay siꞌ, labba man kitabi bangsa Yahudi sampay na sila ma saꞌ Yahudi, yaꞌ pinagsitingka meꞌ Tuhan. Lay na du sinutsiꞌ atay da sabapan pangando da ni si Isa meꞌ bay karuha ningkitabi du.

Suwat si Pol pa mman Baanan Sukuꞌ si Isa ndooy ni Rom 15:12

Maka luu gi tunaꞌ bay sinuwatan meꞌ Nabi Isaya, yuk na, “Bbos-bbos luu du sina pōꞌ panubuꞌ si Jesse. Inuwakilan ya nohoꞌ magbayaꞌ ni mimon kabangsa-bangsahan. Sampay iya na sina mintu asahan da man da koleꞌ mimon ma bay janjiꞌ Tuhan ni sukuꞌ na.”

2 Korin 7:1

Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.

2 Tesaloneka 2:16

Na siga danganakan, kakasi Tuhan, kamura-murahan pinagamgaman na pin atay bi meꞌ Mmaꞌ tabi Tuhan ka Papuꞌ tabi si Isa Almasi. Kamura-murahan ginaosan na pin kam meꞌ Tuhan mari mahap jaꞌ mimon tangge-tingkōꞌ bi ka bitsala bi. Batnaa, sabap Tuhan poonan tabang mehe ningkitabi, luu na kagakan njawom atay tabi saumu sampay holat ayad saꞌ alang-alang.

Taytus 3:7

Ni kaehe aseꞌ Tuhan, lay na kitabi initung meꞌ na intong supaya tatantu tabi luu na kasampulnaan nyawa tabi saumu-umu.

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

Hibrani 6:18

Dari luu duwa pakaradjaan ma yaꞌ tabaluba saumu, yana janjiꞌ Tuhan ka sapa na. Batan tunmanūn meꞌ Tuhan karapatan. Sangkon kitabi ma lay na paasok pa jawom okoman Tuhan, yaꞌ na maglumba meꞌ tabi ngaholat koleꞌ mimon ma bay janjiꞌ Tuhan ningkitabi.

Hibrani 7:26

Danan si Isa ilay tawop binuwat panghuluꞌ imam ma asahan tabi sabap sutsiꞌ ya. Yaꞌ luu sutsutan njataꞌ na maka yaꞌ luu tamak na. Yaꞌ ya bay pingkaꞌ mmeꞌ meꞌ uwahan siga baldusa. Maka sa langkaw-langkaw langit, mas langkaw gi kabantugan na ka kapatut na.

Yaꞌkub 4:8

Patapit na kam pa Tuhan, boꞌ na patapit pa mman bi. Kaam ma amu-amu buwat dusa, labbahan bi na dusa bi. Kaam ma duwa-duwa pikilan bi, patattogun bi na pamiki bi mmeꞌ ni Papuꞌ.

1 Pitel 1:15

Sugaꞌ batnaa, yana meꞌ Tuhan ma bay ngaliyun kaam sutsiꞌ, subay du kam sutsiꞌ ni mimon tangge-tingkōꞌ bi.

1 Pitel 1:3

Pudji tabi Tuhan, Mmaꞌ Papuꞌ tabi si Isa Almasi. Ni kabasag timbang na, lay na ya bay muwanan kitabi kaallum bahau. Lay na kapakitabi kaallum bahau sabap meꞌ tabi tabeꞌ ni Almasi pinakallum pabalik. Sangkon tatantu tabi na

2 Pitel 1:4

Dari man sabapan ehe kabantugan na ka kaayaran na, lay na kitabi buwanan na siga supaat tud hagaan ka ayad banahan ma ndang bay janjiꞌ na. Maksud Tuhan ilay bay ngandean siga supaat meꞌ looy supaya taikut tabi arat-tabiat na. Maka maksud na supaya yaꞌ na tabi pinagbayaan meꞌ napsu tabi buwat dusa ma kabinasa ningkitabi.

2 Pitel 3:14

Sangkon, siga kakasi ku, halloman bi ngagad siga pakaradjaan looy mintu binakbul, subay kam tattap paintong. Maka subay yaꞌ luu sutsutan njataꞌ bi supaya mahap na jaꞌ kam pa Tuhan.

1 Yahiya 2:6

Na soysoy mangaku tibuuk ka Tuhan, subay nabiat mōꞌ arat-tabiat meꞌ kadari ni si Isa Almasi.

1 Yahiya 4:17

Bong ina tattap aseꞌ tabi ni manusiyaꞌ, tumatandaꞌ du tattap aseꞌ tabi pa Tuhan. Maka tatantu tabi na pag mintu taabut llaw hukuman, yaꞌ na luu katawuhan tabi sabap lay na taakig tabi tabiat si Isa ntuu ni junyaꞌ.