1 Yahiya 3:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Boꞌ na, oy-oy paku tabi pa Tuhan, nduwan jaꞌ sina kitabi batan asip tabi jaꞌ siga panohoan na maka pabuwat tabi ilooy ma kasulut niiya.

1 Yahiya 3:22 ပူးပေါင်းရင်းမြစ်များ

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Matiyu 21:22

Oy-oy paku bi njawom duwaa bi pa Tuhan, nduwan jaꞌ sina kam basta kam pitsayaꞌ jaꞌ.”

Malkus 11:24

Sangkon ituu jaꞌ meꞌ ku ka kaam: Bila kam maku duwaa pa Tuhan, oy-oy paku bi, subay kam manganna lai na takoleꞌ bi. Bong siꞌ ilay meꞌ looy jaꞌ pangando bi, mastiꞌ nduwan jaꞌ sina kam.

Yahiya 14:13

Maka oy-oy paku bi ni awon ku, duwan ta jaꞌ sina kam supaya Mmaꞌ ku koleꞌ kabantugan mehe ni jataꞌ ku.

Yahiya 15:10

Bong ina bean bi jaꞌ siga panohoan ku, kasengan bi sina aseꞌ ku. Aku pun, wā du bean ku siga panohoan Mmaꞌ ku sabap kasengan ku aseꞌ na.

Yahiya 15:7

Sugaꞌ basta kam langkit ka aku boꞌ kanna bi du bitsala ku, oy-oy paku bi man Mmaꞌ ku, basta nduwan jaꞌ du sina kam.

Yahiya 6:29

Pag tampung si Isa, “Pabuwatan ma numan ni kahandak Tuhan yana pitsayaꞌ ni ilooy ma bay papitu na, yana aku.”

Yahiya 8:29

Ilooy ma bay sabbut ku siꞌ bay mapitu aku, luu na pin ya ngunungan aku. Yaꞌ situ ya nakkatan aku batan wā ku buwat ilooy ma nulut ni kahandak na.”

Yahiya 9:31

Lalla looy bilay, bong ya saꞌ lakka man Tuhan, mastiꞌ yaꞌ ya kapabuwat meꞌ tuu. Labba man panagnaan junyaꞌ, yaꞌ gi baw luu bay taaka jama lay kasay buta man jawom kūn induꞌ na lagi. Boꞌ na, saliꞌ-saliꞌ du tabi toon, tiyap-tiyap baldusa, yaꞌ nduwan meꞌ Tuhan. Ilooy du nduwan, yana sagannap ma ngisbat iya ka buwat kahandak na.”

Salsila siga Rasul 17:30

“Maruhuꞌ, ni kaawam manusiyaꞌ pasal Tuhan, lay gi pabiya na karupangan da. Sugaꞌ batnaa, sohoꞌ na na mimon jama ni sikaliput junyaꞌ nawbatan dusa da.

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Pilipi 4:18

Batnaa, sabapan tulung ma bay pokonan bi man si Epaproditus, luu na labi man balanjaꞌ ku. Tulung bi ilay niyaku binilang jakat ma kasulut banahan pa Tuhan. Bong ibaratan bawu, kahamutan ya.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

Yaꞌkub 4:3

Pun sakali lay na kam maku, boꞌ kam yaꞌ bay kabuwanan, pin ilay meꞌ looy sabap yaꞌ mahap niyat atay bi maku. Iya paku bi yana isu-isu pakaradjaan ma masannang dī bi sadjaꞌ.

Yaꞌkub 5:16

Sangkon bong kam bay kapabuwat dusa, subay du kam mangaku ni pagkahi bi sampay sipaku-paku duwaa supaya kam kaulian meꞌ Tuhan. Na bong ina jama intong maku duwaa pa Tuhan, mastiꞌ kawasahan jaꞌ duwaa na.

1 Yahiya 2:3

Na bong itu kitabi ngasip ni siga panohoan Tuhan, malaingkan tatantu tabi na katoonan tabi Tuhan.

1 Yahiya 5:14

Dari tatantu tabi na oy-oy paku tabi man Tuhan, bong ina saꞌ du paku ma nguntra ni kahandak na, mastiꞌ pinakale jaꞌ sina kitabi meꞌ na.