1 Yahiya 3:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Sugaꞌ bong ina honaꞌ-honaꞌ ta māꞌ luu laat ta pa Tuhan, labi na Tuhan saꞌ kabāꞌ batan katoonan na mimon-mimon.

1 Yahiya 3:20 ပူးပေါင်းရင်းမြစ်များ

Yahiya 21:17

Pag-anu siꞌ, lay gi pinamintallu meꞌ si Isa nilaw, yuk na, “Saymon, anak si Yahiya, tud kaasean nu du ku kina?” Si Pitel siꞌ tu, tud bay susa pagka min tallu na ya bay tinilaw. Dari yuk na, “Papuꞌ, katoonan nu du bina mimon-mimon. Maka katoonan nu du bina kaasean ta ko.” Yuk si Isa, “Bong meꞌ naa, basta pakanun sa siga bili-bili ku.

Yahiya 8:9

Pag takale siga Parisi ka ga guru looy siꞌ bay tampung si Isa, lay na sila magsunuꞌ-sunuꞌ palakka. Duhuꞌ, siga matatoa, boꞌ pauru ilooy kasohean ngabut sampay si Isa sa tamban ka danda looy ni tangngaan ga jama ndooy.

Salsila siga Rasul 5:33

Pag takale meꞌ baanan Sanhidrin bitsala siga rasul looy, tud bay sinalaputan tabbuk da maka doman na ga sila mapatoy sila.

Suwat si Pol pa mman Baanan Sukuꞌ si Isa ndooy ni Rom 8:34

Maka bong luu halling mastiꞌ pinidjalaꞌ jaꞌ kitabi bbos-bbos sabapan dusa tabi, magsāꞌ sila, batan lay na bay tinanggung meꞌ si Isa dusa tabi jaman na bay nongan umu na kalnaꞌ kitabi. Kahapan, lay na du ya pinakallum pabalik sampay lay na pinatingkōꞌ ni bihing Tuhan huwin pa kawnan. Boꞌ ndooy na ya wā makuhan kitabi tabang pa Tuhan.

1 Korin 4:4

Minsan yaꞌ luu tasayu ku kasaan ku, yaꞌ du baw tu ku kasiguru katuwaꞌ na sadjaꞌ ku. Isu-isu Papuꞌ kabāꞌ. Iya sa manding bong tuwaꞌ pabuwatan ku atawa niyaꞌ.

Taytus 3:11

Batan katoonan bi na du, jama meꞌ looy ilay bingkok maka ndang nabiat buwat dusa. Boꞌ na, muhung jaꞌ sila kalabuan hukuman Tuhan.

Hibrani 4:13

Tuhan ina yaꞌ talimbuhan. Mimon-mimon mastiꞌ takita na jaꞌ. Boꞌ na, iya na sina mintu man tabi paawop magsabanna ni mimon bay pabuwat tabi.

Hibrani 6:13

Intomun bi bay jaman Tuhan nganjanjiꞌ ni Nabi Ibrahim. Taabut Tuhan napa, pagka yaꞌ luu awon langkaw labi man niiya, lay na jaꞌ ya napa makoy awon na mismu.

1 Yahiya 3:19

Bong ina kita maaseꞌ ni pagkahi ta manusiyaꞌ, inaa na man ta toon tud mmeꞌ kita ni kabanahan. Dari sannang atay ta pa Tuhan sabap katoonan ta pabuwatan ta nulut ni kahandak na.

1 Yahiya 3:21

Dari siga kakasi ku, bong yaꞌ du māꞌ honaꞌ-honaꞌ tabi ga luu laat tabi pa Tuhan, malaingkan sannang atay tabi sabap mahap jaꞌ kitabi niiya.

1 Yahiya 4:4

Boꞌ kaam ina, siga anak, sukuꞌ Tuhan na kam. Lay na sina kam tumanjataꞌ man siga guru palsu batan yaꞌ kam bay takoleꞌ pinagsian. Kon meꞌ looy sabap mas mehe gi kawasa Rū Tuhan ningkaam man kawasa Ibilis ma magbayaan siga jama ma saꞌ sukuꞌ Tuhan.

Siga Pakaradjaan bay Pinalahil 2:23

Mimon ma mmeꞌ meꞌ uwahan na, papatoy ku du sina. Dari pag mintu meꞌ looy, tabista na sina meꞌ mimon baanan sukuꞌ ku, mastiꞌ tasayu ku jaꞌ bong oy njawom atay manusiyaꞌ ka pamiki da. Maka aku du nungbasan sila saliꞌ-saliꞌ magbēꞌ ka pabuwatan da mahap-maat.