1 Yahiya 3:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Bong ina kita maaseꞌ ni pagkahi ta manusiyaꞌ, inaa na man ta toon tud mmeꞌ kita ni kabanahan. Dari sannang atay ta pa Tuhan sabap katoonan ta pabuwatan ta nulut ni kahandak na.

1 Yahiya 3:19 ပူးပေါင်းရင်းမြစ်များ

Yahiya 13:35

Bong ina kam sikaaseꞌ-kaaseꞌ du, inaa na sina pindoga man mimon jama toon mattan kaam mulit ku.”

Yahiya 18:37

Yuk Gubnul Pilatu baw siꞌ tu, “Bong meꞌ naa, tud sultan du bina hati ko!” Pag halling si Isa, “Kau na du baw bina bay māꞌ aku sultan. Kon ku itu bay pitu pa junyaꞌ ka pinamaddihan supaya ku kapasaplag kabanahan ni manusiyaꞌ. Soysoy doman toon kabanahan, mastiꞌ pakale sina niyaku.”

Suwat si Pol pa mman Baanan Sukuꞌ si Isa ndooy ni Rom 4:21

Tatantu na bong Tuhan bay nganjanjiꞌ, mastiꞌ tinuman jaꞌ.

Suwat si Pol pa mman Baanan Sukuꞌ si Isa ndooy ni Rom 8:38

Sangkon tatantu ku, kaallum-kapatoy tabi, mastiꞌ yaꞌ du luu kalakkahan aseꞌ Tuhan ningkitabi. San gi malaikat atawa seytan, maka san gi oy katuwaꞌ ningkitabi labba man batnaa sampay ni sinōng, basta yaꞌ sina luu kalakkahan aseꞌ na ningkitabi. San gi soy ngantanan kawasa, labba man taꞌ gumi sampay taꞌ langit, basta tud yaꞌ sina luu bay pinapayak kalakkahan aseꞌ Tuhan ningkitabi. Boꞌ lay na du bana tumatandaꞌ sabapan ilooy ma bay pabuwat Papuꞌ tabi si Isa Almasi ningkitabi.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

Hibrani 10:22

Patapit na kitabi pa Tuhan ni kahilas atay tabi ka ni kabasag pangando tabi niiya. Tatantu tabi na hinasi jaꞌ kitabi meꞌ Tuhan batan lay na sinutsiꞌ atay tabi ka lahaꞌ si Isa. Baran tabi pun, lay na du bay pinandi ka boheꞌ sutsiꞌ. Maka yaꞌ na du luu jawom honaꞌ-honaꞌ tabi ga masi kitabi dusahan pa Tuhan.

Hibrani 11:13

Na ga Nabi Ibrahim ilay ka ga anak-mpu na mangando na pin pa Tuhan ngabut sampay da bay matoy san yaꞌ gi bay takoleꞌ da ilooy ma bay njanjiꞌ meꞌ Tuhan ninsila. Sugaꞌ gāk baw sila batan tabista da bbos-bbos takoleꞌ da ilooy ma bay agad da. Sangkon meꞌ da ngingat, jama sampi sadjaꞌ sila pahās jaꞌ ni junyaꞌ tuu.

1 Yahiya 1:8

Na bong yuk tabi yaꞌ luu dusa tabi, ngandupang jaꞌ kitabi dī tabi maka lawak kitabi man kabanahan.

1 Yahiya 2:21

Dari aku tu nuwat ningkaam, saꞌ ga sabap meꞌ ku mista awam kam ni kabanahan pasal Almasi. Tabista ku du katoonan bi kabanahan. Maka katoonan bi du tiyap-tiyap dustaꞌ, yaꞌ luu kabigiꞌ-bigian na ni kabanahan.

1 Yahiya 3:14

Kitabi itu, katoonan tabi na lay na kitabi pinaddusan man katiksaan nyawa, sampay lay na tabi koleꞌ kaallum bahau sabap maaseꞌ na kitabi ni siga pagkahi tabi. Sugaꞌ soysoy ina yaꞌ maaseꞌ, tumatandaꞌ masi tiksaꞌ nyawa na.

1 Yahiya 3:20

Sugaꞌ bong ina honaꞌ-honaꞌ ta māꞌ luu laat ta pa Tuhan, labi na Tuhan saꞌ kabāꞌ batan katoonan na mimon-mimon.

1 Yahiya 3:21

Dari siga kakasi ku, bong yaꞌ du māꞌ honaꞌ-honaꞌ tabi ga luu laat tabi pa Tuhan, malaingkan sannang atay tabi sabap mahap jaꞌ kitabi niiya.