1 Yahiya 3:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Boꞌ na, soysoy ina lammis ni pagkahi na, initung meꞌ Tuhan pamonoꞌ. Boꞌ katoonan bi na du, tiyap-tiyap ina pamonoꞌ, yaꞌ luu kasampulnaan nyawa na.

1 Yahiya 3:15 ပူးပေါင်းရင်းမြစ်များ

Panagnaan 27:41

Dari labba man llaw looy na siꞌ, lammis na si Esaw ni si Yaꞌkub sabap supaat man mmaꞌ na para niiya, lay na takoleꞌ meꞌ si Yaꞌkub. Dari siꞌ jawom atay si Esaw, “Biyahun na, yaꞌ na du situ hallom, matoy na du Simmaꞌ. Pag mintu lay na ya limbu, papatoy ku sa si Yaꞌkub.”

Matiyu 5:28

Sugaꞌ batnaa ituu jaꞌ meꞌ ku maka kaam: Soysoy ina ngita danda boꞌ luu njawom pamiki na magkainagon ubay ka iya, bong pa Tuhan, saliꞌ du ya ka bay magjina ka iya.

Malkus 6:19

Dari sabap si Yahiya bay halling meꞌ looy, tud maat atay si Herodiyas niiya sampay kainagon na nohoꞌ na ya pinapatoy. Sugaꞌ yaꞌ gi bay luu dapat na

Yahiya 4:14

Boꞌ boheꞌ ma pamuwan ku, bong jama bay kainum, yaꞌ na tohoꞌ kallong na pabalik. Batan boheꞌ ma pamuwan ku padari meꞌ karuha poon boheꞌ njawom atay jama. Niyaꞌ sina kuhi kumattaꞌ, boꞌ muwanan manusiyaꞌ lagi kasampulnaan nyawa saumu-umu.”

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

Salsila siga Rasul 23:12

Pag taabut sayu, lay na baw kumpo-kumpo kasohean Yahudi isun mapatoy si Pol. Boꞌ lay gi subalihan da basta yaꞌ doꞌ sila nginum atawa mangan ngkod-ngkoran yaꞌ gi bay tapapatoy da si Pol.

Salsila siga Rasul 23:14

Dari lay na sila pilay pa mman siga imam langkaw ka ga matatoa ni agama mahati, yuk da, “Kami itu lay na nubali basta yaꞌ na doꞌ kami nginum atawa mangan ngkod-ngkoran yaꞌ gi bay tapapatoy kami si Pol.

Yaꞌkub 1:15

Bong ina duwan da napsu da buwat kalaatan, malaingkan dari dusa ninsila. Maka bong kala meꞌ da buwat dusa, pag toklas na, tiksaꞌ nyawa da.

1 Pitel 1:23

Batan sibuꞌ du sina kam ka lay na pinamaddihan pabalik. Sugaꞌ kaallum bi ina ma bahau saꞌ na meꞌ kaallum bi sibuwa ma lakka man induꞌ-mmaꞌ bi ma kuhi gi matoy. Arapun kaallum bi ina ma bahau lakka man Tuhan sabanna ma llum saumu-umu. Danan bi ilay bay koleꞌ kaallum bahau sabap meꞌ bi pitsayaꞌ ni palman Tuhan. Batan palman na ina muwan kaallum bahau maka yaꞌ kuhi baluba saumu-umu.

1 Yahiya 2:11

Sugaꞌ soysoy ina lammis ni pagkahi na, malaingkan masi ya njawom lindom. Ni kaawam na, meꞌ karuha jama buta ya bagagap njawom lindom. Yaꞌ san katoonan na luꞌ paninggai ya.

1 Yahiya 2:9

Na soysoy mangaku njawom dantaꞌ, boꞌ lammis baw ni pagkahi na, malaingkan masi du ya njawom lindom.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”