1 Yahiya 3:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Kitabi itu, katoonan tabi na lay na kitabi pinaddusan man katiksaan nyawa, sampay lay na tabi koleꞌ kaallum bahau sabap maaseꞌ na kitabi ni siga pagkahi tabi. Sugaꞌ soysoy ina yaꞌ maaseꞌ, tumatandaꞌ masi tiksaꞌ nyawa na.

1 Yahiya 3:14 ပူးပေါင်းရင်းမြစ်များ

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Lukas 15:24

Batan anak ku itu subay ga lay na matoy, pag batnaa llum na pabalik. Bay na ya lungay, pag batnaa luu na ya tatammu.’ Dari siꞌ, lay na sila ballang maglami-lami.

Lukas 15:32

Pasal ariꞌ nu ina, pataꞌ subay paglami-lamihan ta ka ballang mehe sabap iya ina, sibuꞌ du kadari na ka jama bay na matoy llum na pabalik. Bay na ya lungay, pag batnaa luu na tatammu.’ ”

Lukas 7:5

Iya ilay maaseꞌ du ningkitabi bangsa Yahudi sampay lay gi ya matanggehan kami langga.”

Yahiya 13:35

Bong ina kam sikaaseꞌ-kaaseꞌ du, inaa na sina pindoga man mimon jama toon mattan kaam mulit ku.”

Yahiya 15:12

“Ituu panohoan ku ningkaam: Subay kam sikaaseꞌ-kaaseꞌ meꞌ kadari aseꞌ ku ningkaam.

Yahiya 15:17

Pagsibalik-balik ku na bay panohoan ku siꞌ ningkaam: Subay kam sikaaseꞌ-kaaseꞌ.”

Yahiya 5:24

“Baan ta kam banahan, soysoy ina nganna bitsala ku saltaꞌ na pitsayaꞌ ni ilooy ma bay mapitu aku, malaingkan luu na kasampulnaan nyawa na saumu-umu. Yaꞌ na ya kalabuan hukuman. Dari ko ngawon, sibuꞌ na karuha na ka jama bay matoy lay na pinakallum pabalik. Batan luu na kaallum na bahau.

2 Korin 5:1

Na baran tabi itu meꞌ sapantun lumaꞌ sandaꞌ-sandaꞌ jaꞌ man tabi pahantiꞌ halloman tabi taꞌ junyaꞌ. Maka katoonan tabi du, bong lay na langkat, mastiꞌ luu du gantiꞌ na lumaꞌ bahau ndooy ni sulgaꞌ. Intong na, baran bahau. Boꞌ lumaꞌ looy ilay mintu saꞌ na meꞌ hantang lumaꞌ ma pinabuwat meꞌ manusiyaꞌ, batan lakka man Tuhan ka natas saumu-umu.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 1:15

Siga danganakan, lay du silay taaka ku habal pasal pangando bi ni Papuꞌ Isa ka aseꞌ bi ni mimon pagkahi bi sukuꞌ Tuhan.

Epesus 2:1

Na maruhuꞌ, kaam ina, bong pa Tuhan, matoy jaꞌ kam sabapan dusa bi hangat ngalangga kahandak na. Yaꞌ gi luu kaallum bi bahau.

Epesus 2:5

Batan minsan kitabi meꞌ karuha jama matoy sibuwa ni mata Tuhan sabapan dusa tabi, lay na du kitabi tabeꞌ ni Almasi pinakallum. Dari salamat na kitabi isu-isu sabapan aseꞌ Tuhan.

Kolossa 1:4

Batan lay situ kami kaakahan pasal pangando bi ni si Isa Almasi ka aseꞌ bi ni mimon sukuꞌ Tuhan.

1 Tesaloneka 4:9

Na ni hāl meꞌ bi maasean siga danganakan bi sukuꞌ si Isa, san yaꞌ na patabeꞌ kami ni suwat tuu. Ndang-ndang lay na du kam tinoan meꞌ Tuhan sikaaseꞌ-kaaseꞌ.

Hibrani 13:1

Na meꞌ kaam ina magdanganakan pitsayaꞌ ni si Isa, daa maglumba meꞌ bi sikaaseꞌ-kaaseꞌ.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 3:8

Na dambuli man inaa, meꞌ kaam sukuꞌ si Isa sikamimon, subay kam dambuwaꞌ atay maka sikaddoꞌ-kaddoꞌ parasahan. Subay kam sikaaseꞌ-kaaseꞌ meꞌ karuha jama magdanganakan. Sipanimbang-panimbang kam maka subay diyoꞌ pangatayan bi saliꞌ-saliꞌ.

2 Pitel 1:7

Njawom bi ngikut arat-tabiat Tuhan, kaasean bi du siga pagkahi bi sukuꞌ si Isa sampay na mimon manusiyaꞌ.

1 Yahiya 2:3

Na bong itu kitabi ngasip ni siga panohoan Tuhan, malaingkan tatantu tabi na katoonan tabi Tuhan.

1 Yahiya 3:23

Ga panohoan na ina meꞌ tuu: Subay kitabi pitsayaꞌ ni Anak na si Isa Almasi. Maka subay kitabi sikaaseꞌ-kaaseꞌ batan ndang inaa bay sohoꞌ si Isa ningkitabi.

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.

1 Yahiya 5:13

Ituu tu siꞌ man ku nuwat pa mman bi ma pitsayaꞌ ni Anak Tuhan supaya katoonan bi na tud luu na kasampulnaan nyawa bi ma yaꞌ luu katapusan na.

1 Yahiya 5:2

Sangkon man tabi katantu maaseꞌ kitabi pa Tuhan ka mean siga panohoan na, bong kitabi maaseꞌ ni siga pagkahi tabi anak Tuhan.