1 Yahiya 2:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ Boꞌ ni sabana na, san sina kam yaꞌ na pinagpandoyan meꞌ soy maka soy na. Ndang-ndang lay na du kam bay pinaasokan Rū Sutsiꞌ meꞌ Almasi. Rū Sutsiꞌ ina tattog njawom atay bi. Maka iya magpandoyan kaam ni oy-oy ma talpaksaꞌ subay katoonan bi. Boꞌ na, oy-oy jaꞌ ina pamāꞌ na ningkaam bana jaꞌ, yaꞌ sina luu palsu. Sangkon bean bi jaꞌ suwara na mari yaꞌ maglumba meꞌ bi lungbid ka Almasi.

1 Yahiya 2:27 ပူးပေါင်းရင်းမြစ်များ

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Yahiya 14:16

San ku itu palakka, pakuhan ta sa kam man Mmaꞌ ku disu Tukang Nabang, gantiꞌ ku, nohoꞌ pinapitu. Iya ina mintu tattap dambuwaꞌ ka kaam saumu.

Yahiya 14:17

Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.

Yahiya 14:26

Kamasaꞌ, pag taabut ku yaꞌ na luntuu, pinapitu du sina meꞌ Mmaꞌ ku gantiꞌ ku, yana Tukang Nabang, hati na, Rū Sutsiꞌ. Iya sa mintu noan kaam mimon ma pataꞌ kinatoonan meꞌ bi sampay maintoman kaam mimon ma bay bāꞌ ku ningkaam.

Yahiya 16:13

Pag ina mintu takka na tukang malahil kabanahan, yana Rū Sutsiꞌ, binuwanan na du sina kam meꞌ na pangahati ni kabanahan. Boꞌ kabanahan ma pinasampay meꞌ na ina, saꞌ du silay mintu lakka man dī na, arapun masampay jaꞌ ya ilooy ma takale na lakka man aku. Maka malahil gi sina ya ningkaam siga pakaradjaan ma magkadarihan ni sinōng.

Yahiya 4:14

Boꞌ boheꞌ ma pamuwan ku, bong jama bay kainum, yaꞌ na tohoꞌ kallong na pabalik. Batan boheꞌ ma pamuwan ku padari meꞌ karuha poon boheꞌ njawom atay jama. Niyaꞌ sina kuhi kumattaꞌ, boꞌ muwanan manusiyaꞌ lagi kasampulnaan nyawa saumu-umu.”

Yahiya 6:45

Ndang luu bay sinuwatan njawom kitab kanabi-nabihan, ilooy ma yuk na, ‘Mimon sila tinoan meꞌ Tuhan bbos-bbos.’ Intong na, sagannap ma pakale ni Mmaꞌ ku maka nganna tōꞌ na, mastiꞌ mmeꞌ niyaku.

1 Korin 2:12

Boꞌ inaa na sina Rū ma bay pinaasok ningkitabi. Sabapan na, yaꞌ na sibuꞌ pamiki tabi ka siga jama ma mandang hāl junyaꞌ. Kon na ilay bay ndean supaya tahati tabi na siga supaat ma bay pamuwan Tuhan ningkitabi ni kaehe aseꞌ na.

1 Korin 2:13

Dari pag taabut kami masaplag, yaꞌ kami makoy bitsala ma bay ginuru lakka man manusiyaꞌ. Arapun iya pakoy kami yana bitsala ma lakka man Rū Sutsiꞌ.

2 Korin 1:21

Lagiꞌ na, Tuhan ina tattap nabangan kitabi mari kitabi tattog mmeꞌ ni Almasi. Maka iya na du sina bay meneꞌ kitabi binuwat sukuꞌ na.

Epesus 4:21

Saꞌ ba, lay na takale bi umanat mahap sampay lay na kam tinoan kabanahan lakka man si Isa?

Kolossa 2:6

Siga danganakan, pagka lay na kam mangando ni Papuꞌ tabi si Isa Almasi sibuwa bi bay pitsayaꞌ niiya, subay du kam mangando niiya ni mimon kahalan bi llaw pa dangallaw.

1 Tesaloneka 2:13

Tud yaꞌ na situ bakkat meꞌ kami magsuku pa Tuhan pasal meꞌ bi bay ngahasi umanat na ma bay pinasampay meꞌ kami ningkaam. Ndaꞌ kami, pag lay takale bi, magti bay tabista bi ilooy na palman Tuhan, saꞌ ga umanat bay jaꞌ tinulun-tulun meꞌ manusiyaꞌ. Boꞌ palman Tuhan ina, yaꞌ luu hantiꞌ na ngahalin pangatayan bi, sagannap ma pitsayaꞌ.

1 Tesaloneka 4:9

Na ni hāl meꞌ bi maasean siga danganakan bi sukuꞌ si Isa, san yaꞌ na patabeꞌ kami ni suwat tuu. Ndang-ndang lay na du kam tinoan meꞌ Tuhan sikaaseꞌ-kaaseꞌ.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.

1 Pitel 1:23

Batan sibuꞌ du sina kam ka lay na pinamaddihan pabalik. Sugaꞌ kaallum bi ina ma bahau saꞌ na meꞌ kaallum bi sibuwa ma lakka man induꞌ-mmaꞌ bi ma kuhi gi matoy. Arapun kaallum bi ina ma bahau lakka man Tuhan sabanna ma llum saumu-umu. Danan bi ilay bay koleꞌ kaallum bahau sabap meꞌ bi pitsayaꞌ ni palman Tuhan. Batan palman na ina muwan kaallum bahau maka yaꞌ kuhi baluba saumu-umu.

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.

2 Yahiya 1:2

Kaasean kami kam sabap saliꞌ-saliꞌ kitabi pitsayaꞌ ni kabanahan, boꞌ kabanahan naa ina, yaꞌ na kuhi lakka man jawom atay tabi saumu-umu.