1 Yahiya 2:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Sangkon amay-amay kannahun bi na pin tōꞌ ma bay takale bi jaman bi bahau jaꞌ bay pitsayaꞌ. Meꞌ looy ilay, mastiꞌ yaꞌ maglumba meꞌ bi lungbid ka Mmaꞌ tabi Tuhan ka Anak na.

1 Yahiya 2:24 ပူးပေါင်းရင်းမြစ်များ

Lukas 9:44

“Indanan bi bitsala ku. Yaꞌ na hallom, pina-ntan na situ ku, yana Anak Manusiyaꞌ, pa jawom komkoman siga jama ma manta aku.”

Yahiya 14:23

Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na.

Yahiya 15:7

Sugaꞌ basta kam langkit ka aku boꞌ kanna bi du bitsala ku, oy-oy paku bi man Mmaꞌ ku, basta nduwan jaꞌ du sina kam.

Yahiya 6:56

Soysoy mangan isi ku sampay nginum lahaꞌ ku, malaingkan tibuuk ka aku.

Yahiya 8:25

Yuk da baw siꞌ tu, “Kau tu! Bong siꞌ pinaamu soy doꞌ ina ko?” Yuk si Isa baw siꞌ tu, “Uy, yaꞌ bitu hati siꞌ luu pūs bay bitsala ku ningkaam!

Pilipi 4:15

Sibuwa ku masaplag umanat mahap nnaa ni Masidunya, taintom bi du silay, pag lakka ku, yaꞌ luu baanan sukuꞌ si Isa bay nulung aku sarī man kaam nnaa ni Pilipi.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.

1 Yahiya 2:7

Siga kakasi ku, bila kam sohoꞌ ku sikaaseꞌ-kaaseꞌ njawom suwat tuu, saꞌ sina ga panohoan bahau jaꞌ. Batan ndang lay na takale bi jaman bi bahau jaꞌ bay mmeꞌ ni si Isa.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.

1 Yahiya 4:13

Na man sabapan Rū Sutsiꞌ bay dean Tuhan kitabi, tatantu tabi na tattog na kitabi ni Tuhan maka Tuhan pun tattog na du ningkitabi.

1 Yahiya 4:15

Dari soysoy ina mangaku si Isa yana Anak Tuhan, malaingkan tattog Tuhan niiya maka iya pun tattog du ni Tuhan.

1 Yahiya 4:16

Kitabi itu, katoonan tabi maka manganna kitabi tud kinaasean kitabi meꞌ Tuhan. Na meꞌ halling sambat ku na siꞌ, tabiat Tuhan ina yana maaseꞌ. Sangkon soysoy ina tattap maaseꞌ, mastiꞌ tattog Tuhan niiya, maka iya pun tattog du ni Tuhan.

2 Yahiya 1:2

Kaasean kami kam sabap saliꞌ-saliꞌ kitabi pitsayaꞌ ni kabanahan, boꞌ kabanahan naa ina, yaꞌ na kuhi lakka man jawom atay tabi saumu-umu.

2 Yahiya 1:9

Batan soysoy yaꞌ tattap mmeꞌ ni tōꞌ Almasi, boꞌ magsiꞌ lagi, mastiꞌ yaꞌ ya tibuuk ka Tuhan. Sugaꞌ soysoy tattap mmeꞌ ni tōꞌ Almasi, malaingkan tibuuk ya ka Tuhan sampay Anak na.

3 Yahiya 1:3

Tud bay gāk ku ni katakka kasohean danganakan ta pitu batan bay sila nuntut pasal kau magkanaalla mmeꞌ ni kabanahan. Intong na, kawul-piil nu magbēꞌ jaꞌ ka kabanahan.

Siga Pakaradjaan bay Pinalahil 3:11

“Indanan bi. Basta tapit na sina katakka ku. Sangkon kuwangkutan bi na pin kabanahan ma ndang luu na ntanan bi mari yaꞌ luu kataban karuna bi. Hati na, mari yaꞌ lungay tungbas ayad ma bay hinalliꞌ meꞌ Tuhan ningkaam.

Siga Pakaradjaan bay Pinalahil 3:3

Kannahun bi na umanat ma bay takale bi sampay bay kinapitsayaan meꞌ bi sibuwa. Daa takupan bi. Maka tawbatan bi na dusa bi. Bong ina kam yaꞌ matiꞌ, malaingkan kakuratan sina kam mintu ni katakka ku ngahukum manusiyaꞌ. Sibuꞌ du sina mintu karuha bi ka jama kakuratan meꞌ sugaru batan yaꞌ katoonan bi bong sumilan katakka ku.