1 Yahiya 2:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Dari aku tu nuwat ningkaam, saꞌ ga sabap meꞌ ku mista awam kam ni kabanahan pasal Almasi. Tabista ku du katoonan bi kabanahan. Maka katoonan bi du tiyap-tiyap dustaꞌ, yaꞌ luu kabigiꞌ-bigian na ni kabanahan.

1 Yahiya 2:21 ပူးပေါင်းရင်းမြစ်များ

Yahiya 18:37

Yuk Gubnul Pilatu baw siꞌ tu, “Bong meꞌ naa, tud sultan du bina hati ko!” Pag halling si Isa, “Kau na du baw bina bay māꞌ aku sultan. Kon ku itu bay pitu pa junyaꞌ ka pinamaddihan supaya ku kapasaplag kabanahan ni manusiyaꞌ. Soysoy doman toon kabanahan, mastiꞌ pakale sina niyaku.”

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

Yaꞌkub 1:19

Na siga danganakan, kakasi ku, indanan bi. Kitabi itu subay badja pakale. Daa hangat kitabi na jaꞌ mitsala. Maka daa kitabi os-os lasu.

2 Pitel 1:12

Na minsan ina ndang katoonan bi na mimon ma bay sabbut ku siꞌ, sampay tattog na kam mmeꞌ ni kabanahan, masi na pin situ ku maintoman kaam.

1 Yahiya 3:19

Bong ina kita maaseꞌ ni pagkahi ta manusiyaꞌ, inaa na man ta toon tud mmeꞌ kita ni kabanahan. Dari sannang atay ta pa Tuhan sabap katoonan ta pabuwatan ta nulut ni kahandak na.

Suwat Lakka man si Jūd 1:5

Siga danganakan, san katoonan bi na pakaradjaan tuu siꞌ sikamimon, paintoman ta na pin kam. Mastiꞌ luu jaꞌ sina mintu masa Tuhan midjalaꞌ siga baldusa. Pamintangan bi na jaman bangsa Yahudi bay pinahata ndooy ni Ejip mattoꞌ. San sila bay pinaddusan meꞌ Tuhan mandooy, song hallom, adak na sila bay katis sikamimon matoy sabap yaꞌ sila bay pitsayaꞌ ni janjiꞌ Tuhan.