1 Yahiya 2:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Ga jama ma nguntra ilay, lay du bay pingkaꞌ tabeꞌ ningkitabi, sugaꞌ lay na pasakkat. Bong ilay siꞌ tud bay dambuwaꞌ atay sila ka kitabi, yaꞌ du sila bay pasakkat. Sugaꞌ pagka lay na du sila pasakkat, tumatandaꞌ na saꞌ du sila pagkahi tabi sukuꞌ si Isa.

1 Yahiya 2:19 ပူးပေါင်းရင်းမြစ်များ

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Malkus 13:22

Luu sina mintu pōꞌ mangaku bahasa sila na Almasi atawa disu nabi. Boꞌ mōꞌ gi sina mintu sila siga pabuwatan kahaylan-haylan mari luu jama takoleꞌ da binoo mmeꞌ ni tōꞌ da ma yaꞌ tuwaꞌ. Bong siꞌ ina mintu takaya da, sampay sagannap ma bay pineneꞌ meꞌ Tuhan sukuꞌ na boo da du magsiꞌ.

Lukas 8:13

Kuwan tanaꞌ looy ma njawom kabatuhan man bani looy bay tumiluꞌ, tuwaꞌ pa sagannap ma bay kale umanat Tuhan sampay magti pitsayaꞌ ni kagāk da. Sugaꞌ pagka yaꞌ bay nganggamut pa lawom umanat looy njawom atay da, yaꞌ du hallom tatasan da pitsayaꞌ. Pag luu jaꞌ kabinsanaan atawa laug tuwaꞌ pa jataꞌ da, siglaꞌ du sila patatak.

Yahiya 15:2

Iya notoan mimon engas ku ma yaꞌ buwaꞌ. Kuwan sagannap engas ku ma pabuwaꞌ, llassahan meꞌ na mari magsasōng gi eka buwaꞌ da.

Yahiya 4:14

Boꞌ boheꞌ ma pamuwan ku, bong jama bay kainum, yaꞌ na tohoꞌ kallong na pabalik. Batan boheꞌ ma pamuwan ku padari meꞌ karuha poon boheꞌ njawom atay jama. Niyaꞌ sina kuhi kumattaꞌ, boꞌ muwanan manusiyaꞌ lagi kasampulnaan nyawa saumu-umu.”

Salsila siga Rasul 15:24

“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila.

Salsila siga Rasul 20:30

Minsan ina kaam, luu na du sina mintu kasohean ni baanan bi nabid umanat kabanahan. Bbuwatan da ina mintu moo-moo siga pagkahi bi magsiꞌ. Kainagon da ina mintu, luu na jama taboo-boo da mmeꞌ ni ntan da.

Suwat si Pol pa mman Baanan Sukuꞌ si Isa ndooy ni Rom 9:6

Siga pagkahi ku ilay bangsa Israil ma bay nuwak si Isa, sibuꞌ du sila ka bay nimanan mimon kabantugan looy siꞌ. Sugaꞌ san meꞌ looy, saꞌ ga hatiyan na yaꞌ na bay tinuman meꞌ Tuhan janjiꞌ na ni bangsa Israil. Sat na jaꞌ, saꞌ na mimon panubuꞌ si Israil taawnan bangsa Israil sabanna.

1 Korin 11:19

Kanna bi mareꞌ subay na pin kam magsulemaꞌ pamiki boꞌ tumatandaꞌ bong mamooy kam man Tuhan kasulutan.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

2 Timuti 2:19

Sugaꞌ san du ina dangoy tōꞌ palsu pinaantup, bong inawnan kabanahan man Tuhan, mastiꞌ taasahan jaꞌ. Sibuꞌ du sina karuha na ka pananggehan lumaꞌ ma yaꞌ takoleꞌ inusik. Maka luu gi sina duwa kabanahan bay sinuwatan ma subay iningat meꞌ ta. Disu, “Kinatoonan du sina meꞌ Tuhan bong soy sukuꞌ na,” kaduwa na, “Soysoy mangaku sukuꞌ Tuhan, subay tagongan da na buwat dusa.”

2 Timuti 3:9

Sugaꞌ tōꞌ jama meꞌ looy ilay, yaꞌ du sina hallom tatasan na. Batan tabista du sina mintu meꞌ sikamimon karupangan da, meꞌ bay karuha jaman ga si Jannes ka si Jambres.

Hibrani 10:39

Kahapan kuwan kitabi baw itu, yaꞌ tabeꞌ ni sagannap ma patatak. Jama meꞌ sila ilay, song hallom minulkaan du. Boꞌ kitabi itu tabeꞌ ni sagannap ma salamat sabap takkoꞌ pangando tabi.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.

Suwat Lakka man si Jūd 1:19

Na siga jama ma bay inawnan meꞌ siga rasul looy ilay siꞌ yana sagannap ma mōꞌ pagsaggaan ni baanan bi. Mas hagaan ninsila kahandak da man kahandak Tuhan batan yaꞌ luu Rū Sutsiꞌ njawom atay da.