1 Yahiya 2:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Na siga anak, saꞌ ba, ndang lay na kam binaan maruhuꞌ, pag mintu tapit na llaw dambuli, luu disu pōꞌ inawnan Tukang Nguntra Almasi? Boꞌ ni sabana na, meka na sina pōꞌ nguntra Almasi ni batnaa. Sangkon katoonan tabi na bong inawnan llaw dambuli, basta tapit na.

1 Yahiya 2:18 ပူးပေါင်းရင်းမြစ်များ

Matiyu 24:11

Meka sina mintu nabi palsu pōꞌ, boꞌ meka du takoleꞌ da binoo magsiꞌ.

Matiyu 24:24

batan luu sina mintu pōꞌ siga pangandustaꞌ māꞌ bahasa sila na Almasi atawa nabi. Boꞌ pandoy gi sina mintu mōꞌ siga pabuwatan kahaylan-haylan bong pin meka jaꞌ jama takoleꞌ da binoo magsiꞌ. Bong siꞌ ilay mintu takaya da, kainagon da sampay sagannap ma bay peneꞌ Tuhan sukuꞌ na taboo da du magsiꞌ.

Matiyu 24:5

Batan bbos-bbos, meka sina mintu pasunuꞌ māꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Boꞌ meka jama taboo da magsiꞌ.

Malkus 13:6

Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Boꞌ meka jama taboo da magsiꞌ.

Yahiya 21:5

Pag-anu siꞌ, lay na ya nginganan sila, yuk na, “Ū siga anak, luu du takoleꞌ bi?” Pag tampung da siꞌ, “Niyaꞌ la luu.”

Suwat si Pol pa mman Baanan Sukuꞌ si Isa ndooy ni Rom 13:11

Sangkon, darahan bi na meꞌ bi maasean jama, labi na pagka katoonan bi na ituu na masa man jama nammu kasalamatan. Ddong na kam tuli-tuli. Matiꞌ na teꞌ kam batan mas tapit na sina kajatuhan kasalamatan tabi man sibuwa tabi bay pitsayaꞌ ni Papuꞌ Isa.

Suwat si Pol pa mman Baanan Sukuꞌ si Isa ndooy ni Rom 13:12

Waktu itu batnaa, ibaratan sangom, agon katis na dambahangi, maka tapit na pakallat mataallaw. Sangkon, mimon pabuwatan maat, ibaratan badjuꞌ, urusan tabi na. Boꞌ saynan tabi na ka kaintongan. Batan kaintongan tabi ina, yana pakakas man tabi nalloban kalaatan.

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.

1 Pitel 1:20

Halloman junyaꞌ yaꞌ gi bay pinapayak, ndang lay na bay ginantaꞌ meꞌ Tuhan Almasi maddusan kitabi man komkoman Ibilis. Sugaꞌ noy ni timpu batnaa na, ni ahil jaman, boꞌ luu na Almasi bay pinalahil meꞌ Tuhan ningkaam.

1 Pitel 1:5

Maka man sabapan pangando bi ni si Isa, agpangan Tuhan na pin sina kam ni kaehe kawasa na ngkod-ngkoran yaꞌ gi bay takoleꞌ bi kasalamatan ma song pinalahil ni llaw dambuli.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

2 Pitel 2:1

Na kanabi-nabihan looy ilay siꞌ intong. Sugaꞌ ni jaman looy, luu du baw ndooy ni Israil jama magnabi-nabihan. Damikiyan, luu na du sina mintu siga guru palsu ni baanan bi masalluk tōꞌ bingkok ma kabinasa ningkaam. Boꞌ tuwak da lagi Papuꞌ tabi. Padahal, lay na ga ya nongan umu na bong pin tapaddusan na jaꞌ sila man jawom komkoman Ibilis. Sangkon, saꞌ ga bina oy, miha jaꞌ sila man da deꞌ-dēꞌ binasa.

2 Pitel 3:3

Sugaꞌ ilooy duhuꞌ subay tahati bi meꞌ tuu: Ni ahil jaman, meka sina mintu pangaludjum. Ilooy du meꞌ punu njawom atay da nganduwan napsu da sadjaꞌ.

1 Yahiya 2:22

Sangkon bong luu māꞌ si Isa saꞌ Almasi bay njanjiꞌ meꞌ Tuhan pinapitu nalamat, malaingkan pangandustaꞌ ya. Siga jama meꞌ looy ilay nguntra Almasi. Sarī man Almasi, sampay Mmaꞌ na Tuhan, tuwak da du.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

1 Yahiya 4:3

Sugaꞌ sagannap ma nuwak kabanahan pasal si Isa, yaꞌ sina luu Rū Tuhan mman da. Pikilan da ina sibuꞌ du ka pikilan ilooy ma Tukang Nguntra Almasi. Man maruhuꞌ lagi, saꞌ ba, ndang bay na takale bi bbos-bbos luu takka disu Tukang Nguntra Almasi magsian jama? San pun batnaa, luu na du siga jama meꞌ karuha iya nguntra kabanahan pasal Almasi.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.

Suwat Lakka man si Jūd 1:18

Saꞌ ba, ndang lay sila halling ningkaam, luu ni sinōng pōꞌ siga pangaludjum ma nganduwan napsu da sadjaꞌ ni jinisan hāl tagga pa Tuhan?