1 Yahiya 2:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Siga anak, kon bi suwatan ku sabap katoonan bi na Mmaꞌ tabi Tuhan. Kaam pun siga matatoa, meꞌ halling sambat ku na siꞌ, suwatan ta na kam sabap katoonan bi ilooy ma ndang luu man awwal tagnaꞌ. Maka kaam ma siga anak-anak bahau, suwatan ta du kam sabap basag pangando bi ni si Isa maka lay na nganggamut palman Tuhan njawom atay bi. Boꞌ na, lay na kam tumanjataꞌ man ilooy ma poonan kalaatan.

1 Yahiya 2:14 ပူးပေါင်းရင်းမြစ်များ

Yahiya 15:7

Sugaꞌ basta kam langkit ka aku boꞌ kanna bi du bitsala ku, oy-oy paku bi man Mmaꞌ ku, basta nduwan jaꞌ du sina kam.

Yahiya 5:38

Palman na pun, yaꞌ du bay kinanna meꞌ bi sabap yaꞌ kam kuhi pitsayaꞌ ni ilooy ma bay papitu na.

Yahiya 8:31

Pag-anu, yuk si Isa ni siga Yahudi ndooy ma pitsayaꞌ niiya, “Bong ina kam tattap mmeꞌ ni tōꞌ ku, malaingkan kaam na mulit ku sabanna

Yahiya 8:37

“Pasal kaam, ndang tasayu ku du sina panubuꞌ Nabi Ibrahim kam. Salla na, yaꞌ kam nutu arat-tabiat na. Batan kaam, doman kam mapatoy aku sabap meꞌ bi dugahan ni tōꞌ ku.

Epesus 6:10

Na katapusan bitsala ku, pabasag kam mangasa ni kawasa Papuꞌ nganggaosan kaam mari taggu iman bi.

Pilipi 4:13

batan man sabapan Papuꞌ Isa nganggaosan aku, yaꞌ luu saꞌ yaꞌ takaya ku.

Kolossa 1:11

Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

2 Timuti 2:1

Na Timuti, anak, mangasa jaꞌ ko ni aseꞌ-tabang si Isa Almasi nganggaosan kau.

Hibrani 8:10

Na pagsulutan kami ina mintu ka siga panubuꞌ si Israil meꞌ tuu karuha na: Nnaꞌ ku na sina mintu siga saraꞌ ku njawom pamiki da. Maka suwatan ku na njawom atay da. Aku na sina mintu Tuhan da maka sukuꞌ ku na sila.

1 Yahiya 1:1

Itu suwat ku ningkaam pasal si Isa Almasi, yana Palman Tuhan ma nampulnaꞌ nyawa manusiyaꞌ saumu-umu. Yaꞌ gi luu oy maka oy na, ndang luu na ya mman Mmaꞌ na Tuhan. Pag-anu, lay ya dari manusiyaꞌ sampay bay maglahat ntuu ni junyaꞌ. Maka lay gi ya takita kami ka mata kami ma duwa. Damikiyan, lay du ya takale kami mitsala. Maka lay gi ya tapurut kami ka tangan kami mismu.

1 Yahiya 1:10

Sugaꞌ bong itu kitabi māꞌ yaꞌ bay pingkaꞌ buwat dusa, sibuꞌ du kitabi ka bay madustaꞌ Tuhan batan bay halling Tuhan mimon manusiyaꞌ magdusa. Boꞌ na, bong ilay kitabi māꞌ meꞌ looy, yaꞌ du luu pūs palman na ningkitabi.

1 Yahiya 2:13

Kaam ma matatoa, kon bi ina suwatan ku sabap katoonan bi na ilooy ma ndang luu man awwal tagnaꞌ. Maka kaam ma anak-anak bahau, suwatan ta du kam batan lay na kam tumanjataꞌ man ilooy ma poonan mimon kalaatan, yana Ibilis.

2 Yahiya 1:2

Kaasean kami kam sabap saliꞌ-saliꞌ kitabi pitsayaꞌ ni kabanahan, boꞌ kabanahan naa ina, yaꞌ na kuhi lakka man jawom atay tabi saumu-umu.

3 Yahiya 1:3

Tud bay gāk ku ni katakka kasohean danganakan ta pitu batan bay sila nuntut pasal kau magkanaalla mmeꞌ ni kabanahan. Intong na, kawul-piil nu magbēꞌ jaꞌ ka kabanahan.

Siga Pakaradjaan bay Pinalahil 2:3

Damikiyan, katoonan ku du basag kam natasan jinisan laug kalnaꞌ awon ku. Maka ndaꞌ ku, yaꞌ kam jamu nanggehan aku.

Siga Pakaradjaan bay Pinalahil 2:7

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan buwanan ku ya kapatut mangan buwaꞌ kayu looy ma muwan kaallum ma yaꞌ luu katapusan na ndooy ni sulgaꞌ.”