1 Yahiya 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.

1 Yahiya 1:7 ပူးပေါင်းရင်းမြစ်များ

Matiyu 6:12

Maka ampunun doꞌ kami ni dusa kami batan lay na du kami ngampun sagannap ma dusahan ningkami.

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 12:35

Pag tampung si Isa, lay jaꞌ ya ngandalil dī na pa sūꞌ, yuk na, “Dangkitiꞌ lasa situ waktu sūꞌ ninag. Sangkon, padpad masi ninag, tusun bi na lān ma sinūꞌ meꞌ dantaꞌ na, taggahaꞌ lay na baw kam mintu kalindoman. Batan jama ina ma lumān njawom lindom, yaꞌ katoonan da bong luꞌ paninggai sila.

Yahiya 5:4

Bbuwatan da ngagad boheꞌ looy usik batan tamūd luu malaikat Tuhan duwai mungka boheꞌ looy. Boꞌ soysoy bay kaparuhuꞌ pilay paaggom taabut boheꞌ looy binungka, mastiꞌ kaulian jaꞌ san lagi oy saki na.

Suwat si Pol pa mman Baanan Sukuꞌ si Isa ndooy ni Rom 13:12

Waktu itu batnaa, ibaratan sangom, agon katis na dambahangi, maka tapit na pakallat mataallaw. Sangkon, mimon pabuwatan maat, ibaratan badjuꞌ, urusan tabi na. Boꞌ saynan tabi na ka kaintongan. Batan kaintongan tabi ina, yana pakakas man tabi nalloban kalaatan.

1 Korin 6:11

Kaam pun ina maruhuꞌ, meꞌ naa du bay kadarihan bi kasohean. Lipara, lay na kam sinutsiꞌ, maka lay na kam binuwat sukuꞌ Tuhan sampay initung intong. Na mimon kaayaran looy siꞌ, yaꞌ silay bay takoleꞌ bi bong saꞌ sabapan pabuwatan Papuꞌ tabi si Isa Almasi ka Rū Tuhan.

Epesus 1:7

Sabapan lahaꞌ Almasi bay tumpa, ilooy na silay bay maddusan kitabi man pidjalaꞌ ni dusa tabi. Sangkon luu na kaampunan ningkitabi tandaꞌ landuꞌ ehe aseꞌ Tuhan ningkitabi.

Epesus 5:8

Bana na, maruhuꞌ sibuꞌ du kam ka sila njawom kalindoman, boꞌ batnaa luu na kam njawom karantaan sabap tibuuk na kam ka Papuꞌ Isa. Sangkon subay sikatuwaꞌ tangge-tingkōꞌ bi ka jama ma tattap njawom karantaan.

1 Timuti 6:16

Isu-isu iya yaꞌ luu kapatoy na. Maglahat ya njawom dantaꞌ saꞌ alang-alang ma yaꞌ tasōng leꞌ manusiyaꞌ ni kasilaw na. Yaꞌ luu manusiyaꞌ bay pingkaꞌ ngita iya batan ndang niyaꞌ ya takita. Maka iya du ngantanan kawasa magbayaꞌ saumu-umu. Tawop ya binuwanan kabantugan mehe. Amin.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 9:14

Na bong lahaꞌ hayop kasutsiꞌ, labi na bong lahaꞌ Almasi saꞌ kasutsiꞌ. Batan lahaꞌ Almasi ina kasutsiꞌ sampay ni honaꞌ-honaꞌ tabi ma bay tamakan sabap meꞌ tabi bay maabak jinisan ma katiksaꞌ ni nyawa tabi. Dari man kawasa Rū Sutsiꞌ ma luu saumu-umu, lay na Almasi nongan umu na pa Tuhan bilang kulban ma yaꞌ luu salla na. Kon na buwat meꞌ looy supaya bean tabi na kahandak Tuhan.

Yaꞌkub 1:17

Mmaꞌ tabi Tuhan ina tattap mahap. Mimon ladjikiꞌ sampay kaayaran ma takoleꞌ manusiyaꞌ lakka man ilooy ma bay mapayak mimon sūꞌ taꞌ langit, yana Tuhan. Yaꞌ luu meꞌ na baluba san dangkitiꞌ.

1 Pitel 1:19

Arapun gastus bay man maddusan kaam ilay yana lahaꞌ Almasi bay pinaduwai, boꞌ hagaan saꞌ alang-alang. Man maruhuꞌ lagi ilay ndang luu na sipat ni lahaꞌ na pinaduwai song hallom, yana lahaꞌ bili-bili ma bay kinulban meꞌ imam taun pa taun sabapan dusa. Yana meꞌ bili-bili looy yaꞌ dari luu salla na atawa tamak na, damikiyan Almasi pun yaꞌ du luu salla na. Hati na, yaꞌ luu dusa na.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

1 Yahiya 1:5

Batnaa pasampay ku na ningkaam umanat ma bay takale kami man si Isa Almasi, yana meꞌ tuu: Tuhan ina sūꞌ dantaꞌ. Yaꞌ luu lindom niiya samasakali.

1 Yahiya 5:6

Na si Isa ilay, luu buktiꞌ man tabi toon iya Anak Tuhan bay pinapitu pa junyaꞌ. Disu buktiꞌ yana jaman na bay tasakup meꞌ jama pinandi ka boheꞌ. Kaduwa na, jaman lahaꞌ na bay pinaduwai. Dari siꞌ, sarī man jaman si Isa bay pinandi, kapatoy na pun, buktiꞌ du iya yana Anak Tuhan. Katallu na, luu gi Rū Sutsiꞌ makitau ningkitabi. Boꞌ mimon ina ma pinakitau meꞌ Rū Sutsiꞌ, mastiꞌ bana sadjaꞌ.

1 Yahiya 5:8

Disu, yana Rū Sutsiꞌ, kaduwa na, jaman si Isa pinandi, katallu na yana lahaꞌ na bay pinaduwai. Ilooy ilay si sikatallu mag-uyun mōꞌ kabanahan si Isa yana Anak Tuhan.

2 Yahiya 1:4

Tud bay gāk ku sitammu ka kasohean anak nu batan ndaꞌ ku mmeꞌ du sila ni kabanahan ma bay sohoꞌ Mmaꞌ tabi Tuhan ningkitabi.

3 Yahiya 1:4

Gāk ku banahan tuktuk ku kale aka pasal siga anak ku njawman Almasi mmeꞌ ni kabanahan. Bong niyaku, yaꞌ luu kagakan labi gi man naa.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”

Siga Pakaradjaan bay Pinalahil 7:14

Pag tampung ku, “Tuwan, yaꞌ katoonan ku. Kau ya bina toon.” Dari yuk na niyaku, “Inaa na sina ga jama ma bay na lumingkaꞌ njawom kabinsanaan mehe. Labbasakayi sila bay mopoan juba da ka lahaꞌ Bili-bili looy supaya poteꞌ na, hati na, puwas na dusa da.