1 Yahiya 1:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

1 Yahiya 1:3 ပူးပေါင်းရင်းမြစ်များ

Yahiya 17:11

Batnaa tu, yaꞌ na ku hallom taꞌ junyaꞌ tuu batan song pilu na ku pa mman nu. Sugaꞌ siga mulit ku, tamban na jaꞌ ntuu. Sangkon Maꞌ, kau Mahasutsiꞌ, tabangan nu sa sila supaya sila kanaalla ni awon nu yana awon ma bay dean nu aku. Meꞌ naa ina, meꞌ kita na du sila dambuwaꞌ atay.

Yahiya 17:21

Maꞌ, paku ku batnaa, pagsidambuwaun sa atay da sikamimon. Yana meꞌ kita dambuwaꞌ atay, kamura-murahan sila pun dambuwaꞌ atay du ka kita supaya pitsayaꞌ na manusiyaꞌ tud kau bay mapitu aku.

Yahiya 17:25

“Maꞌ, kau ma intong gi man intong, minsan ko yaꞌ kinatoonan meꞌ sagannap ma yaꞌ pitsayaꞌ niyaku, bong aku, mastiꞌ katoonan ta jaꞌ ko. Maka siga mulit ku pun itu, katoonan da na du kau bay mapitu aku.

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Yahiya 19:35

Na mimon pakaradjaan tuu siꞌ, makibana ku batan aku mismu bay kasakup. Sampay itu na tuntut ku ningkaam supaya pitsayaꞌ na du kam.

Salsila siga Rasul 13:32

“Kami pun itu, kon kami bay pitu, masampayan kaam na du umanat mahap meꞌ looy. Meꞌ tuu situ: Bay janjiꞌ Tuhan ni kabboꞌ-bboan tabi mattoꞌ,

Salsila siga Rasul 13:41

‘Kaam ma tigiꞌ ngaludjum, indanan bi. Luu du sina mintu pabuwat ku ni masa bi man bi haylan. Sugaꞌ pag toklas na, binasa jaꞌ sina kam sabap yaꞌ kam bay kuhi pitsayaꞌ san luu na bay mahatiyan kaam.’ ”

Salsila siga Rasul 2:42

Maka labba man llaw looy, sigi-sigi na sila pōꞌ pakale ni tōꞌ siga rasul si Isa. Dambuwaꞌ atay na sila maka daran na sila kumpo-kumpo mangan sampay maku duwaa.

Salsila siga Rasul 20:27

Batan yaꞌ ku bay paalang masampay ningkaam mimon ma katoonan ku pasal kahandak Tuhan.”

Salsila siga Rasul 4:20

Boꞌ kami baw tu, tunmanūn meꞌ kami patagong maan jama ilooy ma bay takita kami pinabuwat meꞌ si Isa ka bay takale kami man na.”

Suwat si Pol pa mman Baanan Sukuꞌ si Isa ndooy ni Rom 15:27

Boꞌ tud basag kainagon da nulung. Pangissahan da, subay ga sila jama utangan ni siga Yahudi ndooy ma pitsayaꞌ ni si Isa. Batan bong saꞌ bay sabapan siga Yahudi ndooy, yaꞌ sila bay kale umanat kasalamatan. Dari pagka siga bangsa saꞌ Yahudi bay koleꞌ balanjaꞌ nyawa man siga Yahudi, pataꞌ du baw sila nungbas san lasa ka balanjaꞌ baran.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 1:9

Tuhan ina taasahan. Boꞌ iya na sina bay ngaliyun kitabi supaya kitabi kapagrahasiyaꞌ na ka Anak na, yana Papuꞌ tabi si Isa Almasi.

1 Korin 15:1

Na siga danganakan, katoonan ku du tud hilas kam bay pitsayaꞌ ni umanat mahap ma bay pasaplag ku ningkaam. Boꞌ masi du bean bi ngabut sampay batnaa. Sugaꞌ paintoman ta doꞌ kam isi umanat mahap

Epesus 3:6

Na garaꞌ ma bay awnan ku ilay siꞌ yana ituu: Mimon ma bay hinalliꞌ meꞌ Tuhan ni sukuꞌ na, saꞌ du silay sat para ni bangsa Yahudi, arapun sampay ni mimon kabangsa-bangsahan. Batan sikamimon ma pitsayaꞌ ni umanat mahap tabilang na dambuwaꞌ baran sabap meꞌ da tibuuk ka si Isa Almasi. Maka saliꞌ-saliꞌ na sila hampit ni mimon bay njanjiꞌ meꞌ Tuhan.

Pilipi 1:7

Pataꞌ du baw situ ku mamiki meꞌ looy siꞌ pasal kaam sabap yaꞌ kam kuhi lakka man jawom atay ku. Batan man maruhuꞌ lagi ngabut sampay batnaa, yaꞌ kam bay jamu nabangan aku. Njawom jīl ku atawa ni poan masaplag sampay nampungan jama ma nual pasal umanat mahap, basta mehe du bay tabang bi niyaku.

Pilipi 2:1

Siga danganakan, saꞌ ba, gāk kam sabap tibuuk na kam ka Almasi maka kagamgaman na kam sabapan aseꞌ na ningkaam? Maka saꞌ ba, lungbid na kam ka Rū Sutsiꞌ sampay luuy na kam ni jama? Pagka meꞌ naa,

Pilipi 3:10

Kainagon ku magsasōng na pin meꞌ ku toon Almasi. Maka kainagon ku luu na pin kawasa Tuhan njataꞌ ku ngahalin pangatayan ku, meꞌ karuha basag kawasa na bay makallum Almasi pabalik. Maka doman du ku nūs limpaꞌ Almasi bay lumingkaꞌ ni jinisan kamalasahiyan kalnaꞌ Tuhan. Maka doman du ku ngikut tabiat na. Dari meꞌ iya na du ku yaꞌ mean kahandak ku supaya tabean ku na kahandak Tuhan san gi man ku patuhut meꞌ bay kapatoy Almasi.

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.

1 Tesaloneka 1:10

Maka lay gi sila māꞌ ngagad na kam ni Anak na, yana si Isa, pabeleng pa junyaꞌ man sulgaꞌ. Maka yuk da, pitsayaꞌ kam pus si Isa bay pinapatoy, lay na ya pinakallum meꞌ Mmaꞌ na Tuhan. Maka pitsayaꞌ na du kam iya tukang maddusan siga sukuꞌ na man mulkaꞌ Tuhan ma takka bbos-bbos.

1 Timuti 6:2

Kuwan siga ata ma luu papuꞌ da pitsayaꞌ du ni si Isa, daa subay na pin kulangan da meꞌ da magmaltabat ni papuꞌ da sukat sila magdanganakan na pantay-pantay njawman si Isa. Gam pin subay duhunan da lagi kanaalla da ngintu. Batan papuꞌ da ina ma tinabangan meꞌ da yana sibuꞌ pagkahi da sukuꞌ si Isa maka kakasi Tuhan na du sila. Na Timuti, pasampayun sa tugun ku ni siga sukuꞌ si Isa nnaa boꞌ sohoun inasip ninsila.

Hibrani 2:12

Buktiꞌ na, luu njawom kitab bay halling na ni Mmaꞌ na, ilooy ma yuk na, “Baan ku siga danganakan ku pasal ehe kaayaran nu. Bila kami kumpo-kumpo, ngalang ku siga kalangan pudji ningkau.”

Hibrani 3:1

Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

2 Pitel 1:16

Na mimon ilay bay bāꞌ kami ningkaam maruhuꞌ pasal kawasa Papuꞌ tabi si Isa Almasi maka ni bay kalahil na pa junyaꞌ, bana jaꞌ silay labbasakayi. Saꞌ silay ga aka bay jaꞌ pinabuwat-buwat meꞌ jama ma alistu buwat kana-kana. Arapun tud mata kami mismu bay ngita ehe kawasa-kapatut na ma yaꞌ luu sibuꞌ sabanding na.

1 Yahiya 1:1

Itu suwat ku ningkaam pasal si Isa Almasi, yana Palman Tuhan ma nampulnaꞌ nyawa manusiyaꞌ saumu-umu. Yaꞌ gi luu oy maka oy na, ndang luu na ya mman Mmaꞌ na Tuhan. Pag-anu, lay ya dari manusiyaꞌ sampay bay maglahat ntuu ni junyaꞌ. Maka lay gi ya takita kami ka mata kami ma duwa. Damikiyan, lay du ya takale kami mitsala. Maka lay gi ya tapurut kami ka tangan kami mismu.

1 Yahiya 1:5

Batnaa pasampay ku na ningkaam umanat ma bay takale kami man si Isa Almasi, yana meꞌ tuu: Tuhan ina sūꞌ dantaꞌ. Yaꞌ luu lindom niiya samasakali.

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.