1 Yahiya 1:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Sugaꞌ bong itu kitabi māꞌ yaꞌ bay pingkaꞌ buwat dusa, sibuꞌ du kitabi ka bay madustaꞌ Tuhan batan bay halling Tuhan mimon manusiyaꞌ magdusa. Boꞌ na, bong ilay kitabi māꞌ meꞌ looy, yaꞌ du luu pūs palman na ningkitabi.

1 Yahiya 1:10 ပူးပေါင်းရင်းမြစ်များ

Yahiya 3:33

Sugaꞌ soysoy baw ina pitsayaꞌ ni umanat na, malaingkan sibuꞌ du ya ka bay mangaku bana palman Tuhan.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

1 Yahiya 1:8

Na bong yuk tabi yaꞌ luu dusa tabi, ngandupang jaꞌ kitabi dī tabi maka lawak kitabi man kabanahan.

1 Yahiya 2:14

Siga anak, kon bi suwatan ku sabap katoonan bi na Mmaꞌ tabi Tuhan. Kaam pun siga matatoa, meꞌ halling sambat ku na siꞌ, suwatan ta na kam sabap katoonan bi ilooy ma ndang luu man awwal tagnaꞌ. Maka kaam ma siga anak-anak bahau, suwatan ta du kam sabap basag pangando bi ni si Isa maka lay na nganggamut palman Tuhan njawom atay bi. Boꞌ na, lay na kam tumanjataꞌ man ilooy ma poonan kalaatan.

1 Yahiya 2:4

Sugaꞌ soysoy mangaku katoonan na Tuhan, boꞌ yaꞌ baw ngasip ni siga panohoan na, malaingkan ngandustaꞌ ya, maka bong inawnan kabanahan, yaꞌ du binean meꞌ na.

1 Yahiya 4:4

Boꞌ kaam ina, siga anak, sukuꞌ Tuhan na kam. Lay na sina kam tumanjataꞌ man siga guru palsu batan yaꞌ kam bay takoleꞌ pinagsian. Kon meꞌ looy sabap mas mehe gi kawasa Rū Tuhan ningkaam man kawasa Ibilis ma magbayaan siga jama ma saꞌ sukuꞌ Tuhan.

1 Yahiya 5:10

Soysoy ina pitsayaꞌ ni Anak Tuhan, katoonan da njawom atay da tud bana du si Isa Anak Tuhan. Sugaꞌ sagannap ma yaꞌ pitsayaꞌ ni bay halling Tuhan pasal Anak na, malaingkan madustaꞌ sila Tuhan, batan yaꞌ sila kuhi pitsayaꞌ ni palman na.

2 Yahiya 1:2

Kaasean kami kam sabap saliꞌ-saliꞌ kitabi pitsayaꞌ ni kabanahan, boꞌ kabanahan naa ina, yaꞌ na kuhi lakka man jawom atay tabi saumu-umu.