1 Timuti 6:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Ga jama meꞌ looy ilay, yaꞌ luu masayu da, boꞌ abbuhan lagi. Tigiꞌ jaꞌ sila magjawapan hatiyan bitsala ka hāl ma yaꞌ luu kapuspusan na. Sabapan tōꞌ da ina, sikadangkiꞌ-kadangkiꞌ na jama maka sasaꞌ-manasaꞌ na, sipitna-pitna na, sampay sitanggap-tanggap na.

1 Timuti 6:4 ပူးပေါင်းရင်းမြစ်များ

Salsila siga Rasul 15:2

Sugaꞌ pag takale si Pol ka si Balnabas tōꞌ da, lay sinulang meꞌ da. Boꞌ tud bay mehe pagjawapan da ka siga Yahudi looy. Dari honaꞌ-honaꞌ baanan sukuꞌ si Isa ndooy subay luu sohoꞌ da pilay pa Jerusalem mangaruha ni siga rasul ka siga pagkahi da pa-mmean pasal bay pagjawapan da siꞌ. Dari lay peneꞌ da ga si Pol ka si Balnabas sampay kasohean ndooy nohoꞌ pilay.

Salsila siga Rasul 18:15

Sugaꞌ bong ya du sat palkalaꞌ pasal kabtangan ka ga awon jama sampay saraꞌ agama bi, kaam na jaꞌ ba nalassay. Yaꞌ na ku doman palamud ngahukum bong sat hāl meꞌ naa.”

Salsila siga Rasul 8:9

Na ni daira looy siꞌ, luu disu lalla inawnan si Saymon. Iya ilay disu tukang mōꞌ jinisan majik. Hallom na ya bay mahaylan jama Samariya ni kapandoy na mōꞌ majik. Boꞌ tigiꞌ gi ya ngabbu bahasa iya pinakapandoy.

Suwat si Pol pa mman Baanan Sukuꞌ si Isa ndooy ni Rom 12:16

Maka ingatun bi dī bi pantay-pantay ka siga pagkahi bi. Daa kam maglangkaw atay, gam pin subay kam mangatas panun ka jama miskin. Maka daa kam mista halul-akka gi kam man kasohean.

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

Suwat si Pol pa mman Baanan Sukuꞌ si Isa ndooy ni Rom 14:1

Na kasohean pagkahi tabi yaꞌ gi sina basag pangando da ni si Isa. Sugaꞌ san meꞌ looy, subay sila hasiyun bi bong sila luu palamud pa jawom baanan bi. Maka san luu pamiki da ma yaꞌ numan ningkaam, san daa na kam magjawap.

Suwat si Pol pa mman Baanan Sukuꞌ si Isa ndooy ni Rom 2:8

Sugaꞌ luu baw sina kasohean ngulihal pa kaayaran ni dī da sadjaꞌ. Boꞌ nuwak gi sila kabanahan. Pagka doman jaꞌ sila pabingkok, mastiꞌ kalabuan jaꞌ sina sila mulkaꞌ Tuhan ni kaehe duga na ninsila.

1 Korin 11:16

Na bong luu doman nganjawap aku pasal tōꞌ tuu, subay tabista da ndang ituu tabiat pinag-ikut meꞌ kami sampay na mimon baanan sukuꞌ Tuhan nnoy-nnoy jaꞌ.

1 Korin 11:18

Duhuꞌ-duhuꞌ, bay taaka ku bila kam kumpo-kumpo numba, magsulemaꞌ pamiki bi dambaanan. Boꞌ kira ku mura mawjud.

1 Korin 3:18

Na bong luu kam nnaa mista halul-akka kam ni hāl junyaꞌ, boꞌ masi gi kam awam ni hāl Tuhan, ngandupang jaꞌ kam dī bi bong kam manganna halul-akka kam. Gam na kam milang dī bi dupang supaya kam pinabuwat halul-akka meꞌ Tuhan.

1 Korin 3:3

Man ku itu siꞌ halling meꞌ tuu batan masi gi pamiki bi meꞌ jama ma mandang hāl junyaꞌ. Batan taaka ku bbuwatan bi nnaa kasohean sikarangkiꞌ-karangkiꞌ sampay sasaꞌ-manasaꞌ. Sibuꞌ du karuha bi ka jama ma yaꞌ pitsayaꞌ ni si Isa

2 Korin 11:20

Ndaꞌ ku, san kam binuwat meꞌ kasohean nnaa subay ga ata da sampay kinugut lagi, kuhi-kuhi jaꞌ kam. San sila ngandakag ka malangkaw dī da, sampay nampa luwa bi lagi, sinaggaan na sadjaꞌ meꞌ bi.

Galatiya 5:15

Na bong ina kam yaꞌ sikaaseꞌ-kaaseꞌ sampay wā kam sasaꞌ-manasaꞌ, malaingkan buwat jaꞌ kam dī bi subay ga idoꞌ sitokob-tokob. Song hallom, sikalangkat-kalangkat na sina kam dambaanan.

Galatiya 5:26

Sangkon daa na kitabi takabbu. Maka daa na kitabi siparuga-paruga atawa sikadangkiꞌ-kadangkiꞌ.

Galatiya 6:3

Bong luu kam nnaa yaꞌ nabangan pagkahi bi sabap meꞌ bi mista lumabi kam man kasohean, ngandupang jaꞌ kam dī bi. Tud yaꞌ baw sina kam hagaan man pagkahi bi.

Pilipi 1:15

Sugaꞌ kasohean baw, yaꞌ hilas meꞌ da masaplag pasal Almasi. Ni kadangkiꞌ da, doman jaꞌ sila ngalabihan aku. Sugaꞌ kaekahan baw, mahap maksud da.

Pilipi 2:14

Batnaa junjung ku na ningkaam, ni mimon pabuwatan bi daa kam magdubdub atawa magjawap.

Pilipi 2:3

Daa subay na pin kam magpasanglit atawa malangkaw dī bi man siga soheꞌ bi. Gam pin subay kam magpadiyoꞌ maka ingatun bi pagkahi bi hagaan gi man dī bi.

Kolossa 2:18

Sangkon daa na kam hidjab bong luu māꞌ yaꞌ sā kasalamatan bi bong kam yaꞌ bay niksaꞌ dī bi ngikut jinisan aturan agama da. Maka daa kam mmeꞌ ni ilmuꞌ kasohean ma nohoꞌ jama numba siga malaikat. Ga jama meꞌ looy ilay tinagi nuntutan kaam kajinisan bahasa bay pinalahil meꞌ Tuhan ninsila. Mingkan, ilooy du mehe ninsila ngabbu, meꞌ ndang tabiat manusiyaꞌ ma mandang hāl junyaꞌ.

2 Tesaloneka 2:4

Bbuwatan na ngangkat dī na saula-ula patingkat ya man mimon ma pinag-awnan meꞌ manusiyaꞌ tuhan da atawa oy-oy sinumba meꞌ da. Boꞌ patabbaꞌ gi sina ya pa jawom lumaꞌ Tuhan, yana langga mehe, boꞌ na ningkōꞌ ndooy magladjaꞌ-ladjaꞌ ngawnan dī na Tuhan.

1 Timuti 1:4

Sohoun na sila patagong masensengan waktu da mitsala pasal siga pali-pali ka usuwan kabboꞌ-bboan. Siga hāl meꞌ naa ina yaꞌ luu kapuspusan na. Boꞌ na, inaa na sina poonan pagjawapan. Dari pada meꞌ naa, gam na sila mōꞌ tōꞌ ma katabang ni jama ngahati garaꞌ Tuhan pasal kasalamatan njataꞌ pangando ni si Isa.

1 Timuti 1:7

Angan-angan da dari guru tanyag na sila ni saraꞌ agama. Salla na, yaꞌ san katoonan da bong oy maksud saraꞌ. Kanna da, katuwaꞌ na sila nōꞌ, boꞌ ko, niyaꞌ san.

1 Timuti 3:6

Maka subay ya jama saꞌ bahau jaꞌ bay mmeꞌ ni Papuꞌ Isa, taggahaꞌ takabbu na baw ya sampay man na na baw mintu tuwaꞌ hukuman meꞌ karuha ilooy ma bay katuwaꞌ ni Ibilis.

2 Timuti 2:14

Na pasal ilooy ma bay sabbut ku siꞌ, pasampayun sa ni sukuꞌ si Isa nnaa man nu maintoman sila. Maka baan nu sila, ilu na Tuhan pakale-kale, subay sila yaꞌ na palamud ni pagjawapan jama pasal hatiyan siga bitsala. Yaꞌ du sina luu sōng na. Gam pin, inaa na kaboo sagannap ma bay pakale magsiꞌ man kabanahan.

2 Timuti 2:23

Maka daa ko palamud ni pagjawapan ma yaꞌ luu kapuspusan na meꞌ ilooy ma pinaabak meꞌ jama awam ni kabanahan. Tasayu nu du sina, inaa na poonan jama sasaꞌ-manasaꞌ.

2 Timuti 3:4

Meka na sina mintu panipu ka os-os buwat karupangan ni kapondok pamiki da sampay takabbu lagi. Ilooy du ina mintu hagaan ninsila meꞌ da nganduwan jaꞌ oy-oy kinanapsuhan meꞌ da. Sugaꞌ bong aseꞌ pa Tuhan, yaꞌ luu ninsila.

Taytus 3:9

Sugaꞌ kasohean jama yaꞌ doman ngahasi bitsala ku. Iya karomanan da magjaw-jawap jaꞌ hāl ma yaꞌ luu pus na. Tigiꞌ sila maglangkaw-langkawan ni hāl usuwan kabboꞌ-bboan maka magsaggaꞌ pasal jinisan aturan agama Yahudi. Sangkon daa na ko palamud. Tud yaꞌ sina luu sōng na, gam pin kalāt gi ni waktu.

Yaꞌkub 1:19

Na siga danganakan, kakasi ku, indanan bi. Kitabi itu subay badja pakale. Daa hangat kitabi na jaꞌ mitsala. Maka daa kitabi os-os lasu.

2 Pitel 2:12

Boꞌ siga guru palsu meꞌ looy ilay, minsan pakaradjaan ma yaꞌ tahati da, binitsala du meꞌ da pa kalaatan. Sibuꞌ du sila ka sattuwa tawun, yaꞌ luu honaꞌ-honaꞌ da. Boꞌ sattuwa ina, ilooy du kasongan da sinungkuban sampay pinapatoy. Damikiyan, siga guru meꞌ looy ilay, sabap kabinasa tōꞌ da ni jama, mastiꞌ binasa jaꞌ du sila mintu meꞌ Tuhan.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

Suwat Lakka man si Jūd 1:10

Boꞌ ga jama naa ina siꞌ ma pasalluk ni baanan bi, oy-oy pakaradjaan ma yaꞌ tahati da inudjuꞌ jaꞌ meꞌ da. Sibuꞌ du sila ka siga sattuwa yaꞌ luu honaꞌ-honaꞌ da. Ilooy du paabak da meꞌ da nganduwan oy-oy kinanapsuhan meꞌ baran da. Boꞌ ilooy na silay mintu poonan man da binasa.

Suwat Lakka man si Jūd 1:16

Na sila ilay siꞌ ma bay inawnan baldusa ni bay tunaꞌ Nabi Idris, yana sagannap ma nabiat magdubdub ka nusunan jama. Boꞌ na, nabiat gi sila nganduwan napsu da ma maat. Basag sila malangkaw dī da. Maka tigiꞌ gi sila malambu tinga jama supaya luu tahīs da, meꞌ naa, meꞌ naa.

Siga Pakaradjaan bay Pinalahil 3:17

Kaam ina, baꞌ-bāꞌ bi dayahan na kam maka yaꞌ na luu kulang bi. Sugaꞌ bong pa Tuhan, miskin sina kam, kaluuy-luuy kam, buta kam, nantang kam, maka kasipin-sipin kam.