1 Timuti 5:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Dari bong ina mintu yaꞌ na sila kanaalla ni bay janjiꞌ da, lay na baw mintu dari dusa ninsila.

1 Timuti 5:12 ပူးပေါင်းရင်းမြစ်များ

1 Korin 11:34

Bong hati kam ndang lingantu na, mangan na doꞌ kam duhuꞌ ni lumaꞌ. Ngilag kam, taggahaꞌ yaꞌ na baw mintu taagak bi dī bi sampay man bi na baw pinidjalaꞌ meꞌ Tuhan. Na ni kapasal bay tilaw bi kasohean, noy ku takka na pilu boꞌ bi baan ku.

Galatiya 1:6

Ngkon ku tu nuwat batnaa batan tud jayip ku ningkaam. Tud bay siglaꞌ kam nikutan Tuhan. Mingkan, iya gi silay bay ngaliyun kaam pa jawom okoman na man sabapan aseꞌ Almasi. Pag-anu, tatammu bi na baw ga mmeꞌ ni umanat sarī man umanat mahap ma ndang lay na kinapitsayaan meꞌ bi.

1 Timuti 5:11

Na bong luu ni baanan bi siga bawu danda ma yaꞌ gi toa, daa patabeun bi ni listahan. Batan bong ina sila bay nganjanjiꞌ ni Almasi yaꞌ na halla pabalik, taggahaꞌ baluba da na baw mintu bay janjiꞌ da pag taabut basag na dawom da halla.

1 Timuti 5:13

Lagiꞌ na, bong ina patabeꞌ bi sila ni listahan, adakala ngahūk na baw sila buwat. Ilooy ilagan ta taggahaꞌ maglanyawan na jaꞌ sila padisu-padisu lumaꞌ ngusiat kahalan jama atawa ngalimut sampay mōꞌ jinisan bitsala ma yaꞌ pataꞌ sinabbut.

Yaꞌkub 3:1

Siga danganakan ku, mas mahap gi sina bong yaꞌ kalanduꞌ eka bi dari guru. Batan kitabi itu siga guru, mas adil hukuman Tuhan njataꞌ tabi man sagannap ma saꞌ guru.

1 Pitel 4:17

Batnaa tu, taabut na masa man Tuhan ngahukum manusiyaꞌ. Boꞌ nagnaꞌ na ya ka kitabi siga sukuꞌ na. Na bong kitabi ma intong subay lumingkaꞌ njawom kamalasahiyan, bistahan bi oy na baw mintu katuwaꞌ ni sagannap ma yaꞌ kuhi mmeꞌ ni umanat mahap man Tuhan?