1 Timuti 5:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Na bong luu ni baanan bi siga bawu danda ma yaꞌ gi toa, daa patabeun bi ni listahan. Batan bong ina sila bay nganjanjiꞌ ni Almasi yaꞌ na halla pabalik, taggahaꞌ baluba da na baw mintu bay janjiꞌ da pag taabut basag na dawom da halla.

1 Timuti 5:11 ပူးပေါင်းရင်းမြစ်များ

1 Timuti 4:3

Dari njawom tōꞌ da, bong jama doman sutsiꞌ banahan, subay sila konoꞌ yaꞌ handa atawa halla. Maka baꞌ-bāꞌ da, luu lawuk yaꞌ dari kinakan. Mingkan ilay siꞌ, mimon lawuk ma pamāꞌ da haram bay pinapayak meꞌ Tuhan. Dari mimon ma pitsayaꞌ ni si Isa ka toon tōꞌ sabanna dari muwan pagsukuhan pa Tuhan sabapan lawuk looy sampay mangan.

1 Timuti 5:12

Dari bong ina mintu yaꞌ na sila kanaalla ni bay janjiꞌ da, lay na baw mintu dari dusa ninsila.

1 Timuti 5:14

Sangkon, meꞌ tuu situ palbiatan ku ni siga bawu danda ma yaꞌ gi umuhan: Gam na sila halla pabalik boꞌ da hanak sampay ngintu jama lumaꞌ da. Meꞌ looy ilay, yaꞌ na luu lawang man da tabitsala pa kalaatan meꞌ sagannap ma doman nulang kitabi.

1 Timuti 5:9

Na bong kam ngalista awon siga bawu danda nnaa ma pataꞌ tinulung, meꞌ tuu aturan na: Subay nnompūꞌ taun umu da atawa labi. Maka subay sila yaꞌ bay pingkaꞌ sapeꞌ ka lla da.

Yaꞌkub 5:5

Kaam ina, lay jaꞌ ngumpohan dī bi altaꞌ ka nganduwan oy-oy jaꞌ ma kinanapsuhan meꞌ bi ntuu ni junyaꞌ. Sibuꞌ du karuha bi ka sapiꞌ pinalammok yaꞌ san tabista na song sinumbaliꞌ na ya.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

Siga Pakaradjaan bay Pinalahil 18:3

Kon na binasa na sabap iya bay moo-moo manusiyaꞌ ni mimon kabangsa-bangsahan buwat jinisan kalaatan. Babilon ina tadalil pa disu puta ma bay moo-moo jama nginum alak na supaya sila mmeꞌ meꞌ uwahan na magjina. Sampay siga sultan ni sikaliput junyaꞌ, bay du mmeꞌ magjina ka iya. Ni kamulakab napsu danda looy, yaꞌ na taambat altaꞌ bay balli na para dī na. Sangkon lay na magkadayahan siga tukang maglilitu ni sikaliput junyaꞌ.”

Siga Pakaradjaan bay Pinalahil 18:7

Babilon, kau ma induꞌ siga puta, bay jaꞌ ko ngumpohan dī nu altaꞌ sakiyan, boꞌ tud abbuhan lagi ko. Dari pooy-pooy eka altaꞌ nu ka ehe abbu nu, mastiꞌ meꞌ naa du eka kamalasahiyan ka ehe dukka labuꞌ pa jataꞌ nu. Batan ni kabasag abbu nu, halling njawom atay nu, ‘Aku bitu disu danda ma magpanghuluꞌ ngantanan kawasa mehe. Basta yaꞌ na bitu luu masa ku malasahi atawa maglindu meꞌ kadari bawu.’

Siga Pakaradjaan bay Pinalahil 18:9

Kuwan siga sultan ni sikaliput junyaꞌ ma bay pingkaꞌ magjina ka Babilon sampay bay hampit ni altaꞌ na sakiyan, nangis banahan na sina mintu pag takita da dutai na humbu lakka man daira looy tutung.