1 Timuti 5:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

1 Timuti 5:10 ပူးပေါင်းရင်းမြစ်များ

Panagnaan 18:4

Pahali-hali na doꞌ kam ni poon kayu naa. Sohoꞌ ta doꞌ kam binoonan boheꞌ man ngosoan battis bi.

Panagnaan 19:2

Pag-anu, yuk si Lut ninsila, “Ga Tuwan, meꞌ aku disu ata bi, pahās doꞌ kam ni lumaꞌ kami. Luu du boheꞌ ndooy man ngosoan battis bi maka ndooy na doꞌ kam tuli. Sumawung sayu sa, boꞌ bi palanja ni palanan bi.” Iya tampung da baw siꞌ tu, “Daa na doꞌ ba. Ndē jaꞌ kami tuli ni plasa.”

Panagnaan 24:32

Dari lay na mmeꞌ lalla looy siꞌ ka ga soheꞌ na. Takka jaꞌ siꞌ sila, lay na hawasan ga si Laban ninsila uwanan da boꞌ lay na pinakan untaꞌ da. Boꞌ lay gi pinatanam meꞌ da lugar man da ngannaꞌ untaꞌ da. Pag-anu siꞌ, lay na boonan da ga lalla looy boheꞌ man da ngosoan battis da.

Panagnaan 43:24

Pag-anu siꞌ, lay na sila binuwanan boheꞌ man da ngosoan battis da sampay lay na pinakan kuraꞌ da. Pag lupus, lay na sila binoo meꞌ tindog looy paasok.

Matiyu 25:17

Damikiyan, ilooy ma bay inambanan duwampūꞌ libu, meꞌ looy du meꞌ na bay buwat sampay lay ya nguntung duwampūꞌ libu.

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Lukas 7:38

Takka ndooy, lay ya nangge ka tuut na ni bihing battis si Isa sambayan na nangis. Sampay lay na ga baseꞌ battis si Isa kakattapan meꞌ boheꞌ mata na. Pag-anu siꞌ, lay puusan na battis si Isa ka dūn kōk na. Pus meꞌ looy, lay ūk na battis na, boꞌ lay gi nnaan na insallan hamut.

Lukas 7:44

Pag-anu, tineleꞌ na meꞌ si Isa danda looy siꞌ sambayan na maan si Saymon, yuk na, “Saymon, ndaun doꞌ ba danda tuu. Aku siꞌ dutai taꞌ lumaꞌ bi, yaꞌ ku bay buwanan nu boheꞌ man ku ngosoan battis ku. Boꞌ danda tuu, bay gi maseꞌ battis ku ka boheꞌ mata na, boꞌ pinuusan ka dūn kōk na.

Salsila siga Rasul 10:22

Pag tampung da, “Tuwan, kami tu la siga sosohoan disu kapitan sundalu inawnan si Kolniliyus. Iya ilay jama intong maka tawu pa Tuhan. Pinagmaltabatan ya meꞌ mimon pagkahi bi Yahudi ni lahat kami. Bahau jaꞌ silay ya bay tinammuhan meꞌ disu malaikat man Tuhan. Tugun malaikat looy niiya nohoꞌ doꞌ ko kinaddoꞌ pa lumaꞌ na supaya takale na na umanat nu.”

Salsila siga Rasul 22:12

“Na ndooy siꞌ ni Damaskus, luu disu lalla inawnan si Ananiyas. Iya ilay lalla basag mmeꞌ ni siga saraꞌ agama tabi maka pinagmaltabatan meꞌ mimon bangsa Yahudi ndooy.

Salsila siga Rasul 6:3

Sangkon siga danganakan, meneꞌ kam ni baanan tabi pituꞌ jama ma ndang taindan meꞌ sikamimon mahap arat-tabiat da. Maka subay sila halul-akka sampay wā mmeꞌ ni kahandak Rū Sutsiꞌ. Bong luu na bay peneꞌ bi, sila na buwanan kami kapatut nohoꞌ mahampitan siga bawu balanjaꞌ.

Salsila siga Rasul 9:36

Na ni lahat looy siꞌ, luu gi disu daira inawnan Joppa. Ndooy siꞌ, luu disu danda ma mmeꞌ ni si Isa inawnan si Tabita. Bong ni pallun Greek, si Dolkas. Iya ilay wā buwat mahap ni jama sampay nulung jama miskin.

Salsila siga Rasul 9:39

Dari lay na du si Pitel mmeꞌ ninsila. Takka jaꞌ siꞌ, lay na ya binoo pa jataꞌ pa jawom bilik man mayat looy. Ndooy siꞌ, meka bawu danda nangis sambayan da makitahan si Pitel jinisan pakayan ma bay tinahiꞌ meꞌ si Dolkas ninsila jaman na llum lagi.

Suwat si Pol pa mman Baanan Sukuꞌ si Isa ndooy ni Rom 12:13

Maka bong pagkahi tabi sukuꞌ Tuhan kabus, subay tulung tabi. Maka daa kitabi paalang ngahulmat jama bong sila pa lumaꞌ tabi.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

1 Timuti 2:10

Arapun ilooy ya pataꞌ pakutuꞌ da meꞌ da buwat kaayaran ni jama. Inaa ya sina arat tawop ni karandahan ma ngingat dī da ngisbat Tuhan.

1 Timuti 3:2

Sangkon, bila kam meneꞌ pa-mmean, subay ya jama ma yaꞌ luu sutsutan njataꞌ na maka subay disu du nda na. Boꞌ na, subay ya jama pandoy ngagak dī na. Maka subay ya patong mamiki maka hatu. Subay ya pangahulmat maka alistu noan jama.

1 Timuti 3:7

Maka soysoy magpa-mmean, subay du mahap kawul-piil na sampay ni bandingan jama ma saꞌ sukuꞌ Papuꞌ Isa. Meꞌ naa ina, yaꞌ na luu man na tabitsala pa kalaatan sampay yaꞌ na luu lawang man na tadallot leꞌ Ibilis.

1 Timuti 5:16

Na bong luu danda sukuꞌ si Isa ma luu kampung na bawu danda, subay iya mangatas ngipat. Yaꞌ sina sikatuwaꞌ bong subay na pin baanan sukuꞌ si Isa mangatas malanjaan siga bawu meꞌ looy. Ilooy ya subay inipat meꞌ siga sukuꞌ si Isa yana sagannap bawu danda ma yaꞌ luu lūng-kampung da.

1 Timuti 5:25

Damikiyan kasohean ina jama, ndang tumatandaꞌ na sila buwat mahap. Boꞌ kasohean, san sila buwat mahap, hallom-hallom gi boꞌ tasayu.

1 Timuti 6:18

Maka baan nu sila subay sila tigiꞌ buwat mahap ni jama. Mangkin meka na pilak da, mangkin subay meka na kaayaran pabuwat da. Daa sila sohoun sēng nulung jama njawom tiksaꞌ, gam pin subay sila mahampitan jama tiksaꞌ paeka.

2 Timuti 1:5

Niyaꞌ takupan ku hilas pangando nu ni Papuꞌ Isa. Pangando nu ina, sibuꞌ du hantang na ka pangando bboꞌ nu Daꞌ Lowis ka nneꞌ nu si Yunis. Tumatandaꞌ na niyaku meꞌ bay na sinaynan pangando da ni jataꞌ nu.

2 Timuti 2:21

Na mimon manganan looy siꞌ tuwaꞌ pa siga sukuꞌ Tuhan. Sagannap ma lay na ngalabbahan mimon kalaatan, sibuꞌ na sina karuha da ka ga manganan looy ma hinalliꞌ ni siga llaw mulliya. Sutsiꞌ sila maka kaboo kabantugan pa Tuhan. Tawop na sila pinakoy meꞌ na man majatu jinisan pabuwatan ayad.

2 Timuti 3:15

Man kadikiꞌ nu lagi, ndang lay na ko tinoan kabanahan njawom kitab. Inaa na sina man nu bay koleꞌ pangahati pasal kasalamatan para ni soysoy pitsayaꞌ ni si Isa Almasi.

2 Timuti 3:17

Bong ina tud kinanna du meꞌ siga sukuꞌ Tuhan isi kitab, malaingkan yaꞌ na luu kulang da man da majatu mimon pabuwatan mahap bay sinukuꞌ ninsila.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Taytus 2:7

Labi na kau Taytus, subay bogbogan nu hāp kawul-piil nu mari luu suntuan ayad inakig meꞌ siga soheꞌ nu. Maka mimon tangge-tingkōꞌ nu subay magbēꞌ jaꞌ ka kabanahan ma tinōꞌ meꞌ nu.

Taytus 3:1

Paintoman nu siga danganakan ta nnaa nohoꞌ maglillaꞌ ni siga pa-mmean parinta sampay ngasip ni sagannap ma ngantanan saraꞌ. Maka subay sila pinaintoman nohoꞌ wā saddiya buwat mahap.

Taytus 3:14

Kuwan siga pagkahi ta sukuꞌ si Isa nnaa, sohoun sila makutuꞌ meꞌ da buwat kaayaran. Maka sohoun sila nulung jama tiksaꞌ. Meꞌ naa ina, mehe kapansahaliyan da ni manusiyaꞌ.

Taytus 3:8

Na siga tōꞌ ku itu tud kanaalla. Sangkon Taytus, sohoun na kinanna ni mimon nnaa ma mangando pa Tuhan. Meꞌ looy ilay, inisbat na meꞌ da buwat jinisan kaayaran ni siga pagkahi da manusiyaꞌ. Na bitsala ku itu, mahap jaꞌ labbasakayi, boꞌ kasampulnaꞌ ni jama.

Hibrani 10:24

Sarī man naa siga danganakan, subay kitabi basag sipaintom-paintom mari pasōng na pin meꞌ tabi sikaaseꞌ-kaaseꞌ sampay buwat kaayaran.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

1 Pitel 2:12

Tamūd ina, sagannap ma yaꞌ pitsayaꞌ ni si Isa mitsala kaam pa kalaatan san yaꞌ luu dusa bi. Sangkon, amay-amay subay kam mogbogan kawul-piil ayad ni pag-awpan da. Kawu-kawu bukaꞌ na puad da pitsayaꞌ hangat sila ngita hāp tangge-tingkōꞌ bi. Dari pag taabut masa man Tuhan marantaan pamiki da, pudji da na du sina ya.

1 Pitel 4:9

Bong luu pagkahi bi sukuꞌ si Isa pahās pa lumaꞌ bi, hulmatun bi. Daa kam magdubdub.

3 Yahiya 1:12

Disu danganakan ma arat na mahap inakig, yana si Demetiri. Mimon danganakan ta nanglitan iya batan kawul-piil na magbēꞌ jaꞌ ka kabanahan. Kami pun ntuu kabāꞌ du mawjud iya jama mahap. Boꞌ bong itu kami māꞌ, katoonan nu na du, yaꞌ kami ngandustaꞌ.