1 Timuti 5:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na bong luu nnaa ni baanan bi lalla bay magsāꞌ, boꞌ umuhan gi man kau, daa doꞌ kasla meꞌ nu naup iya. Buwatun ya meꞌ saparati mmaꞌ nu sinaup hanunut-hanunut. Kuwan kalallahan ma sumiyali man kau, bong luu magsāꞌ, bila ko naup, buwatun sila meꞌ saparati danganakan nu.

1 Timuti 5:1 ပူးပေါင်းရင်းမြစ်များ

Matiyu 23:8

“Sugaꞌ kaam, daa kam magsitingka pagkahi bi ma pitsayaꞌ niyaku. Daa subay na pin kam nganggalla pagkahi bi ‘Tuwan Guru,’ atawa ‘Maꞌ,’ atawa ‘Papuꞌ,’ batan saliꞌ-saliꞌ du kam magdanganakan, boꞌ disu du guru bi ka Papuꞌ bi, yana aku, Almasi. Damikiyan, disu du Mmaꞌ bi sikamimon, yana Tuhan ni sulgaꞌ.

Salsila siga Rasul 14:23

Na ni siga daira looy siꞌ man da bay pilay, ninggai-ninggai luu baanan sukuꞌ si Isa, lay sila binoo meꞌ si Pol ka si Balnabas kumpo-kumpo. Boꞌ lay gi sila puwasa ka maku duwaa pa Tuhan. Pus meꞌ looy, lay na baw ga si Pol nguwakilan kasohean sila binuwat siga pa-mmean. Pag-anu, boꞌ ga si Pol makuhan siga pa-mmean looy ka sikamimon ndiyoan da duwaa mari sila inayaran meꞌ Papuꞌ Isa ma kinapitsayaan na meꞌ da.

Salsila siga Rasul 15:4

Pag takka ga si Pol pa Jerusalem, lay du sila hinasi meꞌ siga rasul ka siga pagkahi da pa-mmean sampay mimon ma mmeꞌ ni si Isa ndooy. Pag-anu siꞌ, nuntut na ga si Pol ilooy ma bay pabuwat da man tabang Tuhan sasang da bay ngalataan kalahat-lahatan masaplag.

Salsila siga Rasul 15:6

Dari siꞌ, bbuwatan siga rasul looy ka siga pagkahi da pa-mmean lay magbilmaarup hāl meꞌ looy siꞌ.

Salsila siga Rasul 20:17

Sugaꞌ san baw meꞌ looy, sasang kami ni Miletus, lay gi baw tawag si Pol siga pa-mmean sukuꞌ si Isa ndooy ni Epesus nohoꞌ pilay pa mman na.

Suwat si Pol pa mman Baanan Sukuꞌ si Isa ndooy ni Rom 13:7

Sangkon, oy-oy tinaat ningkitabi subay kitabi ngasip. Oy-oy jaꞌ sukay tinaat meꞌ parinta, subay bayaran tabi. Damikiyan, subay du kitabi muwan maltabat ni sagannap ma pataꞌ pinagmaltabatan sampay maehe sagannap ma pataꞌ pinaehe.

Galatiya 6:1

Siga danganakan, bong luu nnaa disu pagkahi bi sukuꞌ si Isa bay taboo-boo buwat dusa, kuwan kaam ma tattap mean Rū Sutsiꞌ, subay kam maintoman iya kawu-kawu ya takoleꞌ bi pinaintong. Sugaꞌ subay hanunut-hanunut meꞌ bi mitsalahan iya. Maka ilagan bi dī bi, taggahaꞌ kaam na baw mintu takoleꞌ sinasat.

1 Timuti 5:17

Balik ta pa siga pa-mmean baanan sukuꞌ si Isa, bong ina sila pa-mmean mahap, subay sila binuwanan hasil ayad, awla na sagannap ma tiggo nōꞌ ka magnasihat.

1 Timuti 5:2

Tuwaꞌ pa karandahan ma umuhan gi man kau, subay du hanunut-hanunut meꞌ nu naup sila. Buwatun sila meꞌ saparati nneꞌ nu. Kuwan karandahan ma sumiyali man kau, bila ko naup, buwatun du sila meꞌ saparati danganakan nu. Maka subay sutsiꞌ niyat atay nu ka sila.

Taytus 2:2

Baan nu sagannap matatoa ma lalla, subay sila pandoy ngagak dī da. Maka subay sila pahatu-hatu ka patong mamiki mari sila tawop pinag-aratan. Subay sila tattap mmeꞌ ni tōꞌ ma kinapitsayaan meꞌ tabi ka maaseꞌ ni jama, sampay natas njawom katiksaan.

Taytus 2:6

Damikiyan kalallahan pun ma yaꞌ gi toa, sohoun du sila papatong mamiki.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

Yaꞌkub 5:14

Bong luu kam bay tuwaꞌ saki, subay nohoꞌ kinaddoan siga pa-mmean langga nohoꞌ makuhan iya duwaa pa Tuhan. Njawom da maku duwaa, subay sila muusan bumbunan na ka insallan ni awon Papuꞌ Isa.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

2 Yahiya 1:1

Ituu itu aku, yana si Yahiya, disu pa-mmean ni sukuꞌ si Isa. Itu suwat ku pa mman danda looy ma bay pineneꞌ meꞌ Tuhan sampay pa mman siga anak na. Maaseꞌ ku banahan ningkaam. Sarī man aku, sampay mimon ntuu ma toon kabanahan, maaseꞌ du ningkaam.

3 Yahiya 1:1

Ituu itu aku, yana si Yahiya, disu pa-mmean sukuꞌ si Isa. Itu suwat ku pa mman nu Gayus. Kau ina bagay ku ma kaasean ku banahan.

Siga Pakaradjaan bay Pinalahil 4:4

Maka luu gi ndooy ngaliput paningkoan mehe looy siꞌ duwampuꞌ-mpat paningkoan meꞌ paningkoan sultan du. Maka luu duwampuꞌ-mpat matatoa ningkōꞌ taꞌ ga paningkoan looy. Pamakoy da poteꞌ maka saliꞌ-saliꞌ luu ka karuna mmas taꞌ kōk da.