1 Timuti 4:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na bong itu pasampay nu du bay bitsala ku siꞌ ni siga danganakan ta nnaa, malaingkan kau sosohoan si Isa Almasi kanaalla. Maka sasang nu nōꞌ kabanahan ma kinapitsayaan meꞌ ta sampay mmeꞌ ni tōꞌ ayad ma ndang binean meꞌ nu, mastiꞌ pasambu nu na nyawa nu.

1 Timuti 4:6 ပူးပေါင်းရင်းမြစ်များ

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Salsila siga Rasul 1:15

Na luu jaꞌ siꞌ daka dangoy ngallaw bay pingkaꞌ, luu na ga dahatus duwampūꞌ jama ma pitsayaꞌ ni si Isa bay kumpo ndooy. Pag-anu, lay doꞌ si Pitel nangge ni tangngaan da mitsala, yuk na,

Salsila siga Rasul 20:31

Sangkon, amay-amay iyakin kam. Daa takupan bi bay tōꞌ ku ningkaam. Njawom tallun taun, llaw-sangom yaꞌ na bay luu hantiꞌ ku noan kaam kabanahan saliꞌ-saliꞌ. Sampay lay na ga latak boheꞌ mata ku ni kabasag luuy ku ningkaam.

Salsila siga Rasul 20:35

Kon ku ilay bay makitahan kaam suntuan meꞌ looy supaya tabista bi ndang subay kitabi magtuyuꞌ buwat. Meꞌ looy ilay, luu na dapat bi nabang sagannap ma miskin atawa yaꞌ kagaos buwat. Intomun bi bay halling Papuꞌ Isa mismu, yuk na, ‘Mas mehe kagakan jama ma muwan man ilooy ma nambut.’ ”

Suwat si Pol pa mman Baanan Sukuꞌ si Isa ndooy ni Rom 15:15

Sugaꞌ lay na pin siꞌ ku nawakka maintoman kaam njawom suwat tuu batan ndang inaa pabuwatan bay hinalap meꞌ Tuhan niyaku.

1 Korin 4:17

Dari supaya luu suntuan man bi ngakig aku, sohoꞌ ku sa pilu si Timuti gantiꞌ ku. Iya itu meꞌ anak ku na du, disu kakasi ku ma magkanaalla mean kahandak Papuꞌ. Iya sa maintoman kaam bong pooy kawul-piil ku njawman si Isa Almasi mari taakig bi. Batan kawul-piil ku itu magbēꞌ ka mimon ma pinagtōꞌ meꞌ ku ni siga baanan sukuꞌ si Isa nnoy-nnoy jaꞌ lahat.

2 Korin 11:23

Bong yuk da sosohoan Almasi sila, labi na aku. Na bong siꞌ itu yaꞌ talpaksaꞌ, subay ga ku jama yaꞌ luu honaꞌ-honaꞌ na magpabantug meꞌ tuu. Para na pin, bana du bitsala ku. Pooy-pooy jaꞌ ina meꞌ guru bi bay maghulas-sangsāꞌ kalnaꞌ Almasi, basta yaꞌ baw ina sila lumabi man aku. San du sila min dangoy bay tajīl kalnaꞌ iya, basta yaꞌ baw sina lumabi man niyaku. Maka bong ni hāl lagpiꞌ, basta min meka gi niyaku. Kansang gi ku nontongan kapatoy ku.

2 Korin 3:6

Maka Tuhan du sina nganggaosan kami masaplag pagsulutan bahau ni antaraꞌ iya ka manusiyaꞌ mari jama mahap na niiya. Ni pagsulutan bahau ina, Rū Sutsiꞌ ndean meꞌ Tuhan ni manusiyaꞌ. Boꞌ ni pagsulutan sibuwa, saraꞌ bay ndean ni manusiyaꞌ. Ni pagsulutan sibuwa ina, bong jama doman mahap na pa Tuhan, subay bogbogan da sara. Salla na, ilooy du takoleꞌ jama man saraꞌ yana katiksaan nyawa batan yaꞌ luu kabogbog labbasakayi. Boꞌ ni pagsulutan bahau ina, koleꞌ na kitabi kaallum bahau sampay kasampulnaan nyawa saumu-umu man sabapan Rū Sutsiꞌ.

2 Korin 6:4

Kainagon kami ni mimon tangge-tingkōꞌ kami tumatandaꞌ ni jama bana-bana kami sosohoan Tuhan. Inaa sina kon kami natasan jinisan kabinsanaan, kamalasahiyan ka kasusahan.

Epesus 6:21

Na mari katoonan bi bong oy na pin bbuwatan ku maka mimon kahalan ku ntuu, sohoꞌ ku sa pilu danganakan tabi si Tikikus, disu kakasi tabi ma magkanaalla maghulas-sangsāꞌ kalnaꞌ Papuꞌ Isa. Iya sa nuntutan kaam mari gamgām pamiki bi pasal kami.

Pilipi 2:20

Pataꞌ du baw tu si Timuti sohoꞌ ku pilu sabap ni mimon pagkahi ku, isu-isu iya magbēꞌ pamiki ka aku doman ngayaran kaam.

Pilipi 2:22

Boꞌ si Timuti itu, katoonan bi na du, ndang kanaalla ya man maruhuꞌ lagi. Ndang tigiꞌ ya nabangan aku masaplag umanat mahap meꞌ karuha anak-anak nabangan mmaꞌ na.

Pilipi 3:16

Sugaꞌ paku ku na ningkaam, basta bogbogan bi na jaꞌ mimon ma ndang katoonan bi numan ni kahandak Tuhan.

Kolossa 2:19

Ga jama meꞌ looy ilay yaꞌ na ngantanan tōꞌ Almasi. Padahal Almasi ina, yana takōk ningkitabi ma binilang baran na. Iya sina poonan man mimon kalangkapan baran na koleꞌ oy-oy gunahan ninsila. Dari tiyap-tiyap ina baran langkit ka kōk na, tibuuk jaꞌ sina sikamimon. Mimon kalangkapan na sama-sama usik. Boꞌ magsasōng na pin meꞌ da sampulnaꞌ magbēꞌ ka gantaan Tuhan.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Kolossa 4:7

Na ni kapasal kahalan ku ntuu, si Tikikus sa nuntutan kaam. Iya itu disu danganakan tabi kinaasean meꞌ sikamimon ntuu. Maka iya itu disu pagkahi ku sosohoan Papuꞌ Isa. Magkanaalla ya masaplag kalnaꞌ Tuhan.

1 Timuti 1:10

Damikiyan, saraꞌ ina bay pinōꞌ man motang hukuman ni jama ma magjina, maka ni siga bantut sampay ni jama ma dagangan pagkahi da manusiyaꞌ binuwat ata. Damikiyan, saraꞌ ina para ni sagannap ma ngandustaꞌ, ma yaꞌ pabonto naksiꞌ, sampay sagannap ma buwat jinisan kalaatan sarī ma nulang tōꞌ sabanna.

1 Timuti 4:16

Paayad-ayad ko supaya yaꞌ luu salla ni kawul-piil nu atawa pun ni tōꞌ nu. Bong ina tud kanaalla du ko mmeꞌ ni palbiatan tuu, malaingkan saꞌ sat kau salamat, arapun sampay mimon ma pakale ni tōꞌ nu.

1 Timuti 6:3

Iyakin ko, batan kasohean ina jama, sarī tōꞌ da. Tōꞌ da ina yaꞌ magbēꞌ ka tōꞌ ma kasampulnaꞌ lakka man Papuꞌ tabi si Isa Almasi. Maka yaꞌ katabang ni jama ngikut arat-tabiat Tuhan.

2 Timuti 1:6

Sangkon, pagka meꞌ looy na du basag pangando nu, sapatut na subay ko paintoman ku pasal kapandoyan ma bay dean Tuhan ningkau llaw looy jaman ku bay nappak bumbunan nu. Ladjikiꞌ looy ilay siꞌ ma luu na ningkau subay pakoyun, daa pasensengan nu. Bong dalil ta pa bā api, diripan nu lagi mari llum banahan.

2 Timuti 3:10

Sugaꞌ kuwan kau Timuti, akigun jaꞌ ku. Kau ina, ndang hallom na du bay taindan nu tōꞌ ku sampay kawul-piil ku. Katoonan nu na du maksud ku. Lay na du tasakup nu pangando ku ni Papuꞌ maka pasensiya ku sampay aseꞌ ku. Maka tasayu nu na du bong pooy tatas ku njawom jinisan katiksaan kalnaꞌ Tuhan.

2 Timuti 4:3

Kon nu ina sohoꞌ ku na masaplag batnaa batan luu sina mintu masa kaekahan manusiyaꞌ yaꞌ na doman pakale ni tōꞌ sabanna. Ilooy du ina mintu katagihan da pinakale, yana tōꞌ ma magbēꞌ ka kainagon da buwat oy-oy kinanapsuhan meꞌ da. Dari bbuwatan da ina mintu miha siga guru ma mōꞌ bitsala ma lassa ni tinga da.

Taytus 2:1

Sugaꞌ kau Taytus, inaa jaꞌ pasampayun, yana tōꞌ ma sikatuwaꞌ ka kabanahan.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.

2 Yahiya 1:9

Batan soysoy yaꞌ tattap mmeꞌ ni tōꞌ Almasi, boꞌ magsiꞌ lagi, mastiꞌ yaꞌ ya tibuuk ka Tuhan. Sugaꞌ soysoy tattap mmeꞌ ni tōꞌ Almasi, malaingkan tibuuk ya ka Tuhan sampay Anak na.

Suwat Lakka man si Jūd 1:5

Siga danganakan, san katoonan bi na pakaradjaan tuu siꞌ sikamimon, paintoman ta na pin kam. Mastiꞌ luu jaꞌ sina mintu masa Tuhan midjalaꞌ siga baldusa. Pamintangan bi na jaman bangsa Yahudi bay pinahata ndooy ni Ejip mattoꞌ. San sila bay pinaddusan meꞌ Tuhan mandooy, song hallom, adak na sila bay katis sikamimon matoy sabap yaꞌ sila bay pitsayaꞌ ni janjiꞌ Tuhan.