1 Timuti 4:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Mimon ina ma bay pinapayak meꞌ Tuhan, mastiꞌ mahap jaꞌ. Sangkon daa na tuwak tabi makanan ma awnan kasohean haram. Gam pin subay timaꞌ tabi sampay pinagsukuhan pa Tuhan.

1 Timuti 4:4 ပူးပေါင်းရင်းမြစ်များ

Panagnaan 1:31

Pag ndaꞌ Tuhan mimon ma bay pinapayak meꞌ na, tud kamahapan na ya. Dari pag bay pingkaꞌ sangom, pag taabut sayu, ilooy na ni ka-nnom ngallaw na.

Salsila siga Rasul 10:15

Pag-anu siꞌ, pōꞌ na baw suwara looy man taꞌ langit pabalik, yuk na, “Ma bay hinalal meꞌ Tuhan, daa na haramun.”

Salsila siga Rasul 15:29

Ilagan bi mangan sumbalian ma bay sinongan ni siga tuhan-tuhan. Maka daa kam nginum lahaꞌ atawa mangan sumbalian yaꞌ bay tiis lahaꞌ na. Maka daa kam ubay ka jama bong saꞌ lla bi atawa nda bi. Bong siꞌ ina bean bi jaꞌ ilooy siꞌ, katuwaꞌ na sina kam. Ngkod naa jaꞌ bitsala kami. Wassalam.”

Salsila siga Rasul 21:25

“Sugaꞌ saꞌ baw lay siꞌ maksud kami subay na pin binogbogan saraꞌ agama tabi meꞌ siga bangsa saꞌ Yahudi ma pitsayaꞌ na ni si Isa. Sugaꞌ subay du bean da tugun bay pag-isunan tabi ma bay pinokonan ninsila njawom suwat. Njawom suwat looy siꞌ, ndang katoonan nu na du, lay sila tinugun subay sila yaꞌ mangan oy-oy sumbalian bay sinongan ni tuhan-tuhan jama. Maka subay sila yaꞌ nginum lahaꞌ atawa mangan sumbalian yaꞌ bay tiis lahaꞌ na. Maka yaꞌ sila dari ubay ka jama bong saꞌ lla da atawa nda da.”

Suwat si Pol pa mman Baanan Sukuꞌ si Isa ndooy ni Rom 14:14

Kamasaꞌ meꞌ aku itu disu jama tibuuk ka Papuꞌ Isa, basta katoonan ku baw tu, yaꞌ luu lawuk hinaram meꞌ Tuhan. Sugaꞌ bong baw luu pagkahi tabi mista luu lawuk haram niiya, malaingkan subay yaꞌ kakan na. Bong ilay ya bay mangan, dari dusa niiya batan nulang ni honaꞌ-honaꞌ na.

Suwat si Pol pa mman Baanan Sukuꞌ si Isa ndooy ni Rom 14:20

Daa langkat tabi kaayaran ma pabuwat Tuhan njawom atay pagkahi tabi sat ga sabap lawuk. Bana na, yaꞌ sina luu lawuk haram. Sugaꞌ saꞌ sina aseꞌ bong kitabi mangan yaꞌ biddaꞌ ni pag-awpan siga danganakan tabi ma mista haram lawuk tabi. Ilooy ilagan tabi taggahaꞌ kitabi na baw dari poonan man da ndusa bong sila mmeꞌ na pin mangan ilooy ma kanna da haram.

Suwat si Pol pa mman Baanan Sukuꞌ si Isa ndooy ni Rom 14:6

San ina siga pagkahi ta magsitingka llaw atawa niyaꞌ, saliꞌ-saliꞌ du maksud da maehe Tuhan. Damikiyan, sagannap ma yaꞌ ngaharam kasohean lawuk sampay ma ngaharam, saliꞌ-saliꞌ du maksud da maehe Tuhan. Maka saliꞌ-saliꞌ du sila muwan pagsukuhan pa Tuhan ni lawuk da.

1 Korin 10:23

Sugaꞌ sambat kasohean, “Pagka sukuꞌ Almasi na kitabi, sumunsayaꞌ na situ kitabi buwat oy-oy karomanan tabi.” Bana du baw silay, sugaꞌ saꞌ baw lay mimon pabuwatan kasampulnaꞌ ningkitabi.

1 Korin 10:25

Na balik ta pa sumbalian, oy-oy jaꞌ sumbalian pinaballihan ni tabuꞌ, takakan bi jaꞌ sina. San kam yaꞌ na nilaw bong bay sinongan pa siga tuhan-tuhan.

1 Korin 10:26

Katoonan bi du sina, junyaꞌ tuu sampay mimon-mimon njawom na, Tuhan du dapu. Sangkon, meꞌ kitabi sukuꞌ na, dari san tabi mangan oy-oy lawuk.

1 Korin 10:30

Bong ina lawuk ndang lay na pagsukuhan ku pa Tuhan, mastiꞌ yaꞌ du luu laat ku ni bandingan Tuhan bong kakan ku. Sangkon batōy ku bong jama mista dari dusa niyaku bong ku mangan?”

1 Timuti 4:3

Dari njawom tōꞌ da, bong jama doman sutsiꞌ banahan, subay sila konoꞌ yaꞌ handa atawa halla. Maka baꞌ-bāꞌ da, luu lawuk yaꞌ dari kinakan. Mingkan ilay siꞌ, mimon lawuk ma pamāꞌ da haram bay pinapayak meꞌ Tuhan. Dari mimon ma pitsayaꞌ ni si Isa ka toon tōꞌ sabanna dari muwan pagsukuhan pa Tuhan sabapan lawuk looy sampay mangan.