1 Timuti 4:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Dari njawom tōꞌ da, bong jama doman sutsiꞌ banahan, subay sila konoꞌ yaꞌ handa atawa halla. Maka baꞌ-bāꞌ da, luu lawuk yaꞌ dari kinakan. Mingkan ilay siꞌ, mimon lawuk ma pamāꞌ da haram bay pinapayak meꞌ Tuhan. Dari mimon ma pitsayaꞌ ni si Isa ka toon tōꞌ sabanna dari muwan pagsukuhan pa Tuhan sabapan lawuk looy sampay mangan.

1 Timuti 4:3 ပူးပေါင်းရင်းမြစ်များ

Panagnaan 9:3

Maka labba man batnaa, dari na sila labbasakayi pabuwat bi lawuk bi. Dean ku na sila ningkaam man bi magbalanjaꞌ sibuꞌ du ka tinanom bay pamuwan ku ningkaam nohoꞌ kinakan.

Matiyu 14:19

Pag-anu siꞌ, lay sohoꞌ na ga baanan jama looy ningkōꞌ ni jataꞌ kuhun. Lay jaꞌ siꞌ sila ningkōꞌ, lay kaddoꞌ na tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, pinong-pōng na meꞌ na ga tinapay looy ka ga daying na, boꞌ lay songan na pa mman siga mulit na nohoꞌ ndean ga baanan jama looy.

Matiyu 15:11

Saꞌ ba, luu halling jama, ‘Daa ko mangan inaa batan katamak sina ningkau?’ Sugaꞌ meꞌ tuu baw meꞌ ku ka kaam: Saꞌ sina ilooy ma inisi njawom behe makatamak ni jama. Arapun ilooy ya makatamak yana siga pakaradjaan ma pōꞌ man behe da.”

Matiyu 15:36

Pag-anu, kinaddoꞌ na meꞌ na ga tinapay looy sikapitum batang maka daying na, boꞌ pinagsukuhan meꞌ na pa Tuhan. Pag lupus, pinong-pōng na meꞌ na, boꞌ sinongan pa mman ga mulit na nohoꞌ man makan ga baanan jama looy.

Lukas 24:30

Na pag tingkōꞌ da mangan, lay si Isa ngaddoꞌ tinapay boꞌ pinagsukuhan meꞌ na pa Tuhan. Pag lupus, pinong-pōng na baw meꞌ na boꞌ sinongan pa mman da.

Yahiya 6:23

Pag-anu siꞌ, luu na baw siga kumpit takka man Tiberias lay parungguꞌ tapit pa lahat looy man da bay mangan tinapay ma bay pinagsukuhan meꞌ Papuꞌ Isa.

Salsila siga Rasul 27:35

Paddus si Pol mitsala meꞌ looy, lay ya ngaddoꞌ tinapay boꞌ na pinagsukuhan pa Tuhan ni pag-awpan da sikamimon. Pag-anu, lay na ya nabbeꞌ, boꞌ na mangan.

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 14:3

Na sagannap ma mangan oy-oy lawuk, subay yaꞌ diyoꞌ meꞌ da ngandaꞌ siga pagkahi da ma niyaꞌ mangan. Damikiyan, kuwan sila ma mangan utan-utanan sadjaꞌ, daa du baw sila manding pagkahi da pa kalaatan ma mangan oy-oy lawuk. Ndang-ndang saliꞌ-saliꞌ du sila tinimaꞌ meꞌ Tuhan.

Suwat si Pol pa mman Baanan Sukuꞌ si Isa ndooy ni Rom 14:6

San ina siga pagkahi ta magsitingka llaw atawa niyaꞌ, saliꞌ-saliꞌ du maksud da maehe Tuhan. Damikiyan, sagannap ma yaꞌ ngaharam kasohean lawuk sampay ma ngaharam, saliꞌ-saliꞌ du maksud da maehe Tuhan. Maka saliꞌ-saliꞌ du sila muwan pagsukuhan pa Tuhan ni lawuk da.

1 Korin 6:13

Luu gi sina kasohean halling, “Kinakan halliꞌ man ngisihan battong, kuwan battong, halliꞌ man ngisi kinakan. Maka hinansu jaꞌ du sina mintu sikaduwa meꞌ Tuhan bbos-bbos.” Na hantak bitsala da ilay siꞌ, dari san lalla ka danda magjina, batan inawnan baran da, mahap-maat bay pakoy da, mastiꞌ hansu jaꞌ du pag patoy da maka yaꞌ du konoꞌ nakka ahirat. Sugaꞌ yaꞌ san tabista da kon ta magbaran, saꞌ ga man ta magjina, arapun man ta moo kabantugan ni Papuꞌ Isa. Papuꞌ Isa pun ina moo kabantugan du ni baran ta.

1 Korin 7:28

Na bong baw luu doman handa atawa halla, yaꞌ du baw na luu laat na. Sat na jaꞌ, bong kam handa atawa halla ni timpu batnaa, nammu na baw sina kam jinisan kasusahan. Boꞌ yaꞌ ku doman bong kam nammu lagi kasusahan.

1 Korin 8:8

Sugaꞌ ni sabana na, mangan yaꞌ mangan, bong inawnan makanan, yaꞌ du luu kaboo kitabi palawak man Tuhan. Damikiyan, yaꞌ du luu kaboo kitabi tapit pa Tuhan.

Kolossa 2:16

Sangkon, pagka kam tibuuk na ka Almasi, daa na parulihun bi bong luu manding kaam pa kalaatan sukat kam yaꞌ mmeꞌ ni siga aturan agama da pasal lawuk atawa inuman. Maka daa parulihun bi bong kam sinahawi sukat kam yaꞌ mogbogan siga paballangan ma tinaat meꞌ agama da atawa siga llaw mulliya meꞌ sapantun sahali buwan ka Llaw Pahali.

Kolossa 3:17

Meꞌ kaam ina wakil Papuꞌ Isa, mimon bitsala bi ka pabuwatan bi subay magbēꞌ ka ntan bi. Maka subay kam wā magsuku ni Mmaꞌ tabi Tuhan sabapan mimon bay pabuwat si Isa ningkaam.

1 Timuti 2:4

Kainagon Tuhan ina mimon manusiyaꞌ salamat sampay kahati ni kabanahan.

1 Timuti 4:4

Mimon ina ma bay pinapayak meꞌ Tuhan, mastiꞌ mahap jaꞌ. Sangkon daa na tuwak tabi makanan ma awnan kasohean haram. Gam pin subay timaꞌ tabi sampay pinagsukuhan pa Tuhan.

1 Timuti 5:14

Sangkon, meꞌ tuu situ palbiatan ku ni siga bawu danda ma yaꞌ gi umuhan: Gam na sila halla pabalik boꞌ da hanak sampay ngintu jama lumaꞌ da. Meꞌ looy ilay, yaꞌ na luu lawang man da tabitsala pa kalaatan meꞌ sagannap ma doman nulang kitabi.

Hibrani 13:4

Ni hāl sitampu, yaꞌ dari pinabuwat meꞌ sapantun kuli-kulihan sadjaꞌ. Sangkon kaam ma sitampu, yaꞌ dari ubay ka jama saꞌ lla bi atawa nda bi. Soysoy ina buwat kalalamaan meꞌ naa, kalabuan jaꞌ sina hukuman Tuhan.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.