1 Timuti 3:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Maka subay ya jama saꞌ bahau jaꞌ bay mmeꞌ ni Papuꞌ Isa, taggahaꞌ takabbu na baw ya sampay man na na baw mintu tuwaꞌ hukuman meꞌ karuha ilooy ma bay katuwaꞌ ni Ibilis.

1 Timuti 3:6 ပူးပေါင်းရင်းမြစ်များ

Lukas 10:18

Yuk si Isa ninsila, “Ndang lay na silay takita ku Ibilis labuꞌ man taꞌ langit meꞌ hantangan mangirat tandaꞌ lay na ya ā.

1 Korin 3:1

Na siga danganakan, bay jaman ku ilay nnaa, san kam pitsayaꞌ na ni si Isa, masi gi du hagaan ningkaam hāl junyaꞌ. Sangkon niyaꞌ gi kam bay tatoan ku meꞌ karuha ilooy ma tinōꞌ meꞌ ku ni siga jama ma nabiat na mean kahandak Rū Sutsiꞌ. Pangahati bi ni hāl Tuhan jaman looy sibuꞌ du ka anak-anak bohoꞌ dilaw.

1 Korin 8:1

Na ni kapasal bay tilaw bi hāl mangan sumbalian ma sinongan meꞌ siga kapil ni siga tuhan-tuhan da, ndang tahati tabi na du bong kinawnan siga tuhan-tuhan, yaꞌ luu kawasa da samasakali. Sugaꞌ paayad-ayad kam, batan mangkin ina pasōng pangahati ta, pasōng du sina abbu ta. Boꞌ abbu ina, yaꞌ kasambu ni nyawa pagkahi ta. Iya kasambu yana aseꞌ.

2 Korin 12:7

Dari supaya ku yaꞌ takabbu sabapan jinisan pakaradjaan bay pinalahil meꞌ Tuhan niyaku, lay na Tuhan mabiya disu sosohoan Ibilis niksaꞌ aku. Boꞌ ndang ituu na situ kasanggalang niyaku meꞌ sapantun sisib njawom isi ku.

1 Timuti 3:7

Maka soysoy magpa-mmean, subay du mahap kawul-piil na sampay ni bandingan jama ma saꞌ sukuꞌ Papuꞌ Isa. Meꞌ naa ina, yaꞌ na luu man na tabitsala pa kalaatan sampay yaꞌ na luu lawang man na tadallot leꞌ Ibilis.

1 Timuti 6:4

Ga jama meꞌ looy ilay, yaꞌ luu masayu da, boꞌ abbuhan lagi. Tigiꞌ jaꞌ sila magjawapan hatiyan bitsala ka hāl ma yaꞌ luu kapuspusan na. Sabapan tōꞌ da ina, sikadangkiꞌ-kadangkiꞌ na jama maka sasaꞌ-manasaꞌ na, sipitna-pitna na, sampay sitanggap-tanggap na.

2 Timuti 3:4

Meka na sina mintu panipu ka os-os buwat karupangan ni kapondok pamiki da sampay takabbu lagi. Ilooy du ina mintu hagaan ninsila meꞌ da nganduwan jaꞌ oy-oy kinanapsuhan meꞌ da. Sugaꞌ bong aseꞌ pa Tuhan, yaꞌ luu ninsila.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.

1 Pitel 5:5

Na kuwan kaam ma masi baddung, subay kam lillaꞌ ni siga matatoa ni baanan bi. Maka kitabi sikamimon subay magpadiyoꞌ saliꞌ-saliꞌ ni pagkahi tabi, batan yuk njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”

2 Pitel 2:4

Tattap jaꞌ sina sila minulkaan. Mindoga jaꞌ kam ni palas siga malaikat ma bay buwat dusa mattoꞌ. Yaꞌ du sila bay pinabiya meꞌ Tuhan amu-amu buwat dusa. Sangkon lay na sila tinahan pa njawom lowang tangob ngkod-ngkoran yaꞌ gi taabut llaw hukuman bbos-bbos.

Suwat Lakka man si Jūd 1:6

Maka pamintangan bi na siga malaikat mattoꞌ ma bay ngalabbahan ntan da sampay ngambanan paglahat ma bay sinukuꞌ ninsila ndooy ni sulgaꞌ. Pagka sila yaꞌ bay mean kahandak Tuhan, lay du sila tinalungkuꞌ njawom tahanan lindom, boꞌ bay gi pinusas ka karina ma yaꞌ tapaddusan. Maka ndooy na jaꞌ sila halloman yaꞌ gi takka llaw hukuman Tuhan.