Pag-anu, yuk si Pol lagi ni ga pa-mmean looy, “Ilagan bi dī bi. Maka ayaran bi mimon sukuꞌ si Isa ma bay hinalap meꞌ Rū Sutsiꞌ ningkaam. Tud kinasengan sina sila meꞌ Tuhan. Sila ilay meꞌ sapantun altaꞌ Tuhan ma bay binalli meꞌ na ka lahaꞌ Anak tungga na.
Sangkon, iyakinan bi dī bi mari kam yaꞌ kapabuwat oy maka oy na ma kaboo jama yaꞌ doman pitsayaꞌ ni si Isa. Bangsa Yahudi atawa ssaꞌ, sukuꞌ si Isa atawa ssaꞌ, daa kam buwat man da nuwak si Isa.
Na suwat looy ilay siꞌ, luu gi kamaatunan na lawom ma yaꞌ gi bay kinatoonan maruhuꞌ. Batan ilooy ilay tuwaꞌ du pa Almasi ka kitabi sikamimon ma pitsayaꞌ niiya, batan tibuuk na kitabi ka iya meꞌ karuha jama sitampu.