1 Timuti 3:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Subay mahap meꞌ na magpandoy ni anak-nda na. Maka subay ya inasip sampay pinag-aratan meꞌ mimon anak na.

1 Timuti 3:4 ပူးပေါင်းရင်းမြစ်များ

Panagnaan 18:19

Iya itu jama bay peneꞌ ku supaya iya na noan ga anak-mpu na mmeꞌ ni kahandak ku ka buwat mahap sampay nanggehan kaintongan. Na bong ina mintu ngasip du siga anak-mpu na ni kahandak ku, mastiꞌ tinuman jaꞌ sina mimon ma bay janjiꞌ ku niiya.”

Salsila siga Rasul 10:2

Iya ilay siꞌ sampay na mimon jama lumaꞌ na ngisbat Tuhan maka luu du tawu da niiya. Sarī gi, daran ya narakahan jama miskin sampay basag ya maku duwaa pa Tuhan.

Pilipi 4:8

Dambuli man naa siga danganakan, oy-oy mahap ka tawop sinanglitan, oy-oy ma bana, oy-oy pataꞌ pinabuwat, oy-oy intong atawa sutsiꞌ, oy-oy lingkatan sampay tawop binantug, kannahun bi na pin njawom pamiki bi.

1 Timuti 3:12

Tukang nabang ina, subay disu du nda da maka subay mahap meꞌ da magpandoy ni anak da sampay ni mimon jama lumaꞌ da.

Taytus 1:6

Bila ko meneꞌ pa-mmean, subay kalallahan ma yaꞌ luu sutsutan njataꞌ da. Subay disu du nda da. Maka siga anak da subay du pitsayaꞌ ni Papuꞌ Isa. Maka subay yaꞌ luu tuntut njataꞌ da bay buwat maat atawa pun yaꞌ ngasip ni induꞌ-mmaꞌ da.

Taytus 2:2

Baan nu sagannap matatoa ma lalla, subay sila pandoy ngagak dī da. Maka subay sila pahatu-hatu ka patong mamiki mari sila tawop pinag-aratan. Subay sila tattap mmeꞌ ni tōꞌ ma kinapitsayaan meꞌ tabi ka maaseꞌ ni jama, sampay natas njawom katiksaan.

Taytus 2:7

Labi na kau Taytus, subay bogbogan nu hāp kawul-piil nu mari luu suntuan ayad inakig meꞌ siga soheꞌ nu. Maka mimon tangge-tingkōꞌ nu subay magbēꞌ jaꞌ ka kabanahan ma tinōꞌ meꞌ nu.