1 Timuti 2:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Kabanahan ina meꞌ tuu: Tuhan ina disu du. Damikiyan, disu du utusan ni antaraꞌ Tuhan ka manusiyaꞌ, yana si Isa Almasi, pagkahi tabi manusiyaꞌ.

1 Timuti 2:5 ပူးပေါင်းရင်းမြစ်များ

Matiyu 1:1

Ituu tu usuwan siga pangkatan kabboꞌ-bboan si Isa Almasi, panubuꞌ Sultan Daud, yana disu panubuꞌ Nabi Ibrahim.

Matiyu 1:23

“Bbos-bbos luu sina budjang battong yaꞌ san bay pingkaꞌ sitapit ka lalla. Pag pōꞌ anak na, lalla. Bbos-bbos inawnan ya si Emmanuwel.” (Hatiyan na, Tuhan luu na ntuu mman tabi.)

Lukas 14:22

Pag poleꞌ tindog na balik, yuk na, ‘Tuwan, lay na siꞌ ku ngasip panohoan nu, sugaꞌ masi gi du meka paningkoan yaꞌ magjama.’

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Salsila siga Rasul 4:12

Na iya ilay, isu-isu iya kasalamat ningkitabi. Batan yaꞌ luu taꞌ babaw junyaꞌ sarī man iya bay papitu Tuhan nalamat manusiyaꞌ.”

Suwat si Pol pa mman Baanan Sukuꞌ si Isa ndooy ni Rom 1:3

Umanat mahap ina yana pasal Anak Tuhan, Papuꞌ tabi si Isa Almasi. Ni kapasal pagkamanusiyaꞌ na, panubuꞌ Sultan Daud ya. Ni kapasal pagkaTuhan na, sutsiꞌ gi ya man sutsiꞌ, boꞌ tumatandaꞌ na Anak Tuhan ya Sangat Kawasa sabap meꞌ na bay llum pabalik.

Suwat si Pol pa mman Baanan Sukuꞌ si Isa ndooy ni Rom 10:12

Na kasalamatan tuu itu para ni mimon bangsa, saꞌ biddaꞌ bong sila Yahudi atawa ssaꞌ, batan Tuhan yaꞌ magsitingka manusiyaꞌ. Mimon kitabi manusiyaꞌ, disu du Papuꞌ tabi. Boꞌ meka sina kaayaran ndean meꞌ na ni sikamimon ma maku tabang niiya.

1 Korin 8:4

Na balik ta pa hāl sumbalian ma bay sinongan meꞌ kapil pa tuhan-tuhan da, katoonan tabi na du dari du kinakan. Batan bong kinawnan siga tuhan-tuhan, yaꞌ du luu tahal-hāl da batan yaꞌ san llum. Boꞌ na, katoonan tabi du disu du Tuhan, yaꞌ luu sarī.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

Galatiya 3:20

Boꞌ janjiꞌ Tuhan ni Nabi Ibrahim ilay, yaꞌ na ya bay mag-utusan. Iya na mismu bay nganjanjiꞌ ni Nabi Ibrahim.

Epesus 4:6

Maka Mmaꞌ tabi Tuhan disu du. Iya ina magbayaꞌ ningkitabi sikamimon. Iya nganggaosan kitabi sikamimon. Maka iya du patannaꞌ njawom baran tabi sikamimon.

1 Timuti 6:13

Na Timuti, ni mata Tuhan ma makallum labbasakayi ka ni mata si Isa Almasi ma bay nawakka mōꞌ kabanahan bong soy ya ni awpan Gubnul Puntus Pilatu, ituu halap ku ningkau:

Hibrani 12:24

Maka lay na kitabi takka pa mman si Isa ma bay mōꞌ pagsulutan bahau antaraꞌ Tuhan ka manusiyaꞌ. Boꞌ toklas lahaꞌ na bay tumpa mas ayad man toklas lahaꞌ si Habil bay tumpa ni awwal jaman. Batan lahaꞌ si Habil bay moo sumpaꞌ, boꞌ lahaꞌ si Isa bay moo kasalamatan.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

Hibrani 8:6

Na inawnan pabuwatan ma bay hinalap meꞌ Tuhan ni si Isa mag-imam, mas hagaan man pabuwatan kaimaman maruhuꞌ. Damikiyan, pagsulutan ma bay pinōꞌ meꞌ si Isa antaraꞌ Tuhan ka sukuꞌ na, mas hagaan du man pagsulutan sibuwa. Batan siga pakaradjaan bay janjiꞌ Tuhan ni pagsulutan tuu ma bahau, mastiꞌ mas mahap man siga ilooy ma bay njanjiꞌ ni pagsulutan sibuwa.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

1 Yahiya 2:1

Na kon ku tu nuwat ningkaam, siga anak, supaya kam yaꞌ buwat dusa. Sugaꞌ bong sipais, luu kam bay sumilap buwat dusa, luu du sina tukang nganjamin kitabi pa mman Mmaꞌ tabi Tuhan. Awnan ku ilay siꞌ ilooy ma intong saꞌ alang-alang, yana si Isa Almasi.

Siga Pakaradjaan bay Pinalahil 1:13

Ni tangngaan siga pananggehan palitaan looy siꞌ, luu bay takita ku meꞌ bantuk manusiyaꞌ. Pamakoy na juba tahaꞌ ngkod battis na, maka luu gi kindang na mmas.