1 Timuti 2:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Kainagon Tuhan ina mimon manusiyaꞌ salamat sampay kahati ni kabanahan.

1 Timuti 2:4 ပူးပေါင်းရင်းမြစ်များ

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Malkus 16:15

Pag-anu, lay gi sila sinohoꞌ meꞌ si Isa, yuk na, “Lataan bi na junyaꞌ maka pasaplagun bi na umanat mahap pasal aku ni sikamimon manusiyaꞌ.

Lukas 1:77

Kau na sina mintu mahati jama bong pooy meꞌ da koleꞌ kaampunan man Tuhan ni mimon dusa da supaya sila paddus man hukuman na.

Lukas 14:23

“Pag-anu yuk bōs na, ‘Batnaa pilay na baw ko pa kadilehan. Lataan nu na siga lān mehe-dikiꞌ ndooy man nu miha jama. Pagbuli-bulihan nu mogos sila nohoꞌ mmeꞌ pitu mari pannoꞌ na lumaꞌ ku.

Lukas 24:47

Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 17:17

Paku ku ningkau, sutsiun na pin sila ka palman nu, pagka palman nu yana kabanahan.

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Suwat si Pol pa mman Baanan Sukuꞌ si Isa ndooy ni Rom 11:14

Kainagon ku ilohan na sila ningkaam sampay man da na pitsayaꞌ, boꞌ da sinalamat.

1 Timuti 4:10

Sangkon magtuyuꞌ-tuyuꞌ na pin kita maghulas-sangsāꞌ masampay umanat mahap man Tuhan. Batan tatantu ta Tuhan sabanna ma llum saumu-umu poonan kasalamatan para mimon manusiyaꞌ. Boꞌ mastiꞌ sinalamat jaꞌ sina meꞌ na mimon ma pitsayaꞌ ni si Isa Almasi.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

2 Timuti 3:7

Ga danda meꞌ naa ina, inaa katagihan da pakale ni jinisan tōꞌ bahau. Salla na, yaꞌ sila pandoy nilang mamooy tōꞌ palsu ka mamooy tuwaꞌ.

Taytus 1:1

Ituu itu aku, si Pol, disu ata Tuhan saltaꞌ na rasul si Isa Almasi. Itu suwat ku pa mman nu Taytus. Meꞌ ku ngingat, sibuꞌ du ko ka anak ku rahasiyaꞌ sabap meꞌ ta dambuwaꞌ atay pitsayaꞌ ni umanat mahap pasal si Isa. Kamura-murahan binuwanan na pin ko kasannangan ka barakat meꞌ Mmaꞌ tabi Tuhan ka tukang nalamat kitabi, yana si Isa Almasi. Ndang katoonan nu du, meꞌ aku disu rasul, bay ku kawakilan noan sagannap ma bay peneꞌ Tuhan supaya patakkoꞌ pangando da ni si Isa. Kamura-murahan man sabapan umanat mahap ma pasampay ku, pasōng du dawom da ngakig arat-tabiat Tuhan. Boꞌ na, bong siꞌ ina umanat mahap kinapitsayaan, tatantu jama luu na kasampulnaan nyawa da saumu-umu. Kasampulnaan nyawa ina, ndang lay na bay njanjiꞌ meꞌ Tuhan ni manusiyaꞌ maruhuꞌ-ruhuꞌ lagi. Boꞌ bila ina Tuhan, yana tukang nalamat kitabi, bay nganjanjiꞌ, mastiꞌ mmeꞌ jaꞌ ya ni lapa na. Dari pag taabut masa ma bay ginantaꞌ meꞌ Tuhan, lay na pinalahil meꞌ na si Isa yana lān man manusiyaꞌ koleꞌ kaallum bahau. Na umanat mahap pasal kaallum bahau ina, yana umanat ma bay sinohoꞌ pinasaplag niyaku.

Taytus 2:11

Kitabi itu sikamimon ma pitsayaꞌ ni si Isa, subay ayad kawul-piil tabi pagka luu na bay pinalahil meꞌ Tuhan aseꞌ-tabang na ningkitabi. Batan luu na si Isa bay papitu na pa junyaꞌ supaya luu na dapat man mimon manusiyaꞌ koleꞌ kasalamatan.

Hibrani 10:26

Na bong ina lay na kitabi pitsayaꞌ ni kabanahan pasal si Isa, pag-anu boꞌ tabi nahadjaꞌ na baw amu-amu buwat dusa, yaꞌ na sina luu tasongan pa Tuhan man muwasan dusa tabi.

Yaꞌkub 3:14

Sugaꞌ bong ina luu dangkiꞌ atawa gigit njawom atay bi atawa pun isu-isu parasahan bi du pinaruli meꞌ bi, daa na kam ngabbu saula-ula luu pangahati bi lawom. Yaꞌ du sina luu kabanahan ni bitsala bi.

2 Pitel 3:9

Sangkon sagannap ma mista Papuꞌ lawun numan janjiꞌ na pabeleng, magsāꞌ sila. Arapun lantan na jaꞌ silay katakka na sabap tahaꞌ pasensiya na ngagad manusiyaꞌ, kawu-kawu nawbat sila. Batan kainagon na ina yaꞌ luu san disu jama tanalkaꞌ.

2 Yahiya 1:1

Ituu itu aku, yana si Yahiya, disu pa-mmean ni sukuꞌ si Isa. Itu suwat ku pa mman danda looy ma bay pineneꞌ meꞌ Tuhan sampay pa mman siga anak na. Maaseꞌ ku banahan ningkaam. Sarī man aku, sampay mimon ntuu ma toon kabanahan, maaseꞌ du ningkaam.

Siga Pakaradjaan bay Pinalahil 14:6

Pag-anu siꞌ, ngita na baw ku disu malaikat lomeng taꞌ langit moo umanat mahap ma yaꞌ halin saumu. Umanat looy siꞌ pinasaplag meꞌ na ni sikamimon kabangsa-bangsahan taꞌ babaw junyaꞌ ni mimon kalahat-lahatan, kaniya-kaniya ka jinisan pallun da.