1 Timuti 2:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na Timuti, luu situ tugun ku ma subay pasampay nu ni baanan sukuꞌ si Isa nnaa. Numbul satu, sohoun sila makuhan mimon manusiyaꞌ duwaa pa Tuhan supaya sila sinalamat. Maka sohoun du sila muwan pagsukuhan pa Tuhan sabap meꞌ na nalamat sila.

1 Timuti 2:1 ပူးပေါင်းရင်းမြစ်များ

Salsila siga Rasul 17:30

“Maruhuꞌ, ni kaawam manusiyaꞌ pasal Tuhan, lay gi pabiya na karupangan da. Sugaꞌ batnaa, sohoꞌ na na mimon jama ni sikaliput junyaꞌ nawbatan dusa da.

Suwat si Pol pa mman Baanan Sukuꞌ si Isa ndooy ni Rom 1:8

Duhuꞌ-duhuꞌ bitsala ku, ni awon si Isa Almasi, magsuku ku pa Tuhan sabapan bi sikamimon. Magsuku ku sabap aka pasal pangando bi ni si Isa tanyag na ni sikaliput junyaꞌ.

Suwat si Pol pa mman Baanan Sukuꞌ si Isa ndooy ni Rom 6:17

Na jaman bi ilay yaꞌ gi bay mmeꞌ ni si Isa, masi gi silay kam pinahata meꞌ napsu bi buwat dusa. Magsuku pa Tuhan, pag batnaa niyaꞌ na. Batan ni kahilas atay bi, lay na bean bi kabanahan ma bay tinōꞌ ningkaam.

1 Korin 15:3

Kaam ina, ndang lay na pasampayan ku siga tōꞌ ma hagaan banahan ni umanat mahap ma bay pinalahil niyaku. Duhuꞌ, yana si Isa Almasi bay nongan umu na supaya tatanggung na dusa tabi, meꞌ ndang bay tinunaꞌ njawom kitab.

2 Korin 8:6

Dari pag ndaꞌ kami meꞌ looy, honaꞌ-honaꞌ kami, subay sohoꞌ kami si Taytus pabeleng pa mman bi nnaa ni Korin. Subay ya nabangan kaam majatu bay bbuwatan bi ngumpo sīn kalnaꞌ pagkahi tabi ndooy ni Yahudiya. Ndang-ndang iya du bay soheꞌ bi bagaraꞌ nulung jaman bi bohoꞌ bay kalangga piki mokon sīn.

Epesus 3:13

Siga danganakan, san itu ku batnaa njawom jinisan kabinsanaan, junjung ku na ningkaam, yaꞌ dari man tungkas iman bi. Batan aku tu bay magka meꞌ tuu pa kaayaran du ningkaam.

Epesus 5:20

Subay kam wā magsuku ni Mmaꞌ tabi Tuhan sabapan mimon supaat na njataꞌ tabi njawman Papuꞌ tabi si Isa Almasi.

Epesus 6:18

Maka njawom bi makoy siga kalangkapan ma bay sabbut ku siꞌ, maku na pin kam duwaa pa Tuhan. Maka bean bi jaꞌ Rū Sutsiꞌ magmundaan kaam njawom bi maku tabang pa Tuhan. Meꞌ kaam ina sundalu Almasi, iyakin kam. Maka daa kam jamu makuhan siga pagkahi bi sukuꞌ Almasi duwaa pa Tuhan.

Pilipi 1:3

Tuktuk bi taintom ku, mehe meꞌ ku magsuku pa Tuhan.

Pilipi 4:6

Oy-oy jaꞌ katuwaꞌ ningkaam, daa kam susa. Gam pin maku kam pa Tuhan oy-oy jaꞌ gunahan ningkaam maka daa takupan bi muwan pagsukuhan niiya.

1 Tesaloneka 3:12

Maka kamura-murahan pinabasag na pin meꞌ Papuꞌ aseꞌ bi ni pagkahi bi sukuꞌ si Isa sampay ni jama mimon meꞌ karuha basag aseꞌ kami ningkaam.

2 Tesaloneka 1:3

Siga danganakan, pataꞌ na du situ kami wā muwan pagsukuhan pa Tuhan sabapan bi, batan pabasag na pin pangando bi ni si Isa maka magsasōng na pin meꞌ bi sikaaseꞌ-kaaseꞌ.

1 Timuti 2:4

Kainagon Tuhan ina mimon manusiyaꞌ salamat sampay kahati ni kabanahan.

1 Timuti 5:5

Siga bawu danda ma talpaksaꞌ tinulung yana sagannap ma yaꞌ luu lūng-kampung da samasakali mangatas ninsila. Siga bawu meꞌ looy ilay, yaꞌ luu pag-asa da sarī man Tuhan. Sangkon iya sa man da maku tulung sangom-llaw.

2 Timuti 2:24

Boꞌ inawnan sosohoan Papuꞌ ina, yaꞌ dari sasaꞌ. Subay ya magpahāp ni sikamimon maka pandoy noan jama. Maka subay du tahaꞌ pasensiya na.

Taytus 2:11

Kitabi itu sikamimon ma pitsayaꞌ ni si Isa, subay ayad kawul-piil tabi pagka luu na bay pinalahil meꞌ Tuhan aseꞌ-tabang na ningkitabi. Batan luu na si Isa bay papitu na pa junyaꞌ supaya luu na dapat man mimon manusiyaꞌ koleꞌ kasalamatan.

Taytus 3:2

Baan nu sila subay sila yaꞌ mitsala soysoy pa kalaatan. Maka daa sila sohoun sasaꞌ-manasaꞌ. Arapun subay lammaꞌ sampay diyoꞌ jaꞌ pangatayan da ni mimon manusiyaꞌ.

Hibrani 6:11

Kainagon kami itu tiggohan bi na pin buwat meꞌ naa halloman bi llum supaya tantu takoleꞌ bi mimon ma hinolat meꞌ bi man Tuhan.

Yaꞌkub 5:16

Sangkon bong kam bay kapabuwat dusa, subay du kam mangaku ni pagkahi bi sampay sipaku-paku duwaa supaya kam kaulian meꞌ Tuhan. Na bong ina jama intong maku duwaa pa Tuhan, mastiꞌ kawasahan jaꞌ duwaa na.