1 Timuti 1:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Tahati ta na bong inawnan saraꞌ Tuhan, saꞌ para ni jama intong. Arapun kon na ina bay pinamuwan man motang hukuman ni jama maat, ni sagannap ma yaꞌ pandoy ngasip, maka ni jama ma yaꞌ tawu pa Tuhan. Saraꞌ ina para ni siga baldusa, para sagannap ma yaꞌ sutsiꞌ, para jama ma yaꞌ ngisbat Tuhan, maka para sagannap ma mapatoy jama sampay ga mmaꞌ da atawa nneꞌ da.

1 Timuti 1:9 ပူးပေါင်းရင်းမြစ်များ

Matiyu 10:21

“Ni sinōng, luu sina jama ma yaꞌ pitsayaꞌ niyaku taaku da minsan danganakan da langgung nohoꞌ pinapatoy sabap meꞌ da mmeꞌ niyaku. Damikiyan, luu du sina mintu siga induꞌ-mmaꞌ ma yaꞌ pitsayaꞌ niyaku taaku da minsan anak da mismu nohoꞌ pinapatoy. Damikiyan, luu du sina mintu siga anak manta induꞌ-mmaꞌ da sampay taaku da du nohoꞌ pinapatoy.

Suwat si Pol pa mman Baanan Sukuꞌ si Isa ndooy ni Rom 1:30

pamitna sila. Yaꞌ luu guna Tuhan ninsila maka yaꞌ sila magmaltabat ni jama. Langkaw atay da maka pangabbu sila. Tigiꞌ sila nulun-nulun kalaatan maka yaꞌ ngasip ni induꞌ-mmaꞌ da.

Suwat si Pol pa mman Baanan Sukuꞌ si Isa ndooy ni Rom 4:13

Na ni awwal jaman, ndang bay nganjanjiꞌ Tuhan ni Nabi Ibrahim ngandean junyaꞌ niiya sampay ni ga panubuꞌ na bbos-bbos. Na Tuhan ilay bay nganjanjiꞌ meꞌ looy, saꞌ ga sabap meꞌ Nabi Ibrahim bay mogbogan saraꞌ, arapun sabap meꞌ na pitsayaꞌ pa Tuhan. Sampay ilooy na man na bay initung intong. Sangkon, bong inawnan mogbogan saraꞌ, yaꞌ luu kabigiꞌ-bigian na ni bay janjiꞌ Tuhan ni Nabi Ibrahim.

Suwat si Pol pa mman Baanan Sukuꞌ si Isa ndooy ni Rom 5:20

Balik ta pa saraꞌ Nabi Musa, ngkon na ilay bay pinamuwan meꞌ Tuhan niiya supaya tasayu na meꞌ manusiyaꞌ meka na dusa da. Sugaꞌ saehe-ehe dusa manusiyaꞌ, mas mehe gi ampun ka aseꞌ Tuhan.

Suwat si Pol pa mman Baanan Sukuꞌ si Isa ndooy ni Rom 6:14

Dari yaꞌ na kitabi pinagbayaan meꞌ napsu tabi buwat dusa sabap njawman sakup aseꞌ Tuhan na kitabi. Saꞌ na kitabi njawman sakup saraꞌ Nabi Musa.

Galatiya 3:19

Na adakala yuk kasohean na baw mintu, “Bong meꞌ naa, ongoy baw lay lagi Tuhan malahil saraꞌ na?” Bong yaꞌ katoonan bi, ngkon ilay saraꞌ bay pinalahil supaya tumatandaꞌ ni manusiyaꞌ dusahan sila pa Tuhan. Sugaꞌ saraꞌ ina, luu ka ngkoran na. Batan pag luu jaꞌ bay takka panubuꞌ looy disu ma bay njanjiꞌ meꞌ Tuhan, saꞌ na saraꞌ padduman tabi. Saraꞌ Tuhan ilay, bay sinohoꞌ meꞌ na pinalahil ni siga malaikat pa mman Nabi Musa. Pag-anu, boꞌ pinasampay na baw meꞌ Nabi Musa ni kabboꞌ-bboan kami.

Galatiya 5:18

Sugaꞌ bong ina maglillaꞌ na kitabi ni Rū Sutsiꞌ, malaingkan iya na padduman tabi, saꞌ na saraꞌ agama.

Galatiya 5:21

Maka jama ina ma pinagbayaan meꞌ napsu da, kainagon da kapasila na altaꞌ pagkahi da, maka panginum sila, sampay mmeꞌ sila ni buwatan baanan danda ka lalla buwat kalalamaan, meꞌ naa, meꞌ naa. Sugaꞌ ndang bay kam silay baan ku maruhuꞌ, jama ma buwat meꞌ looy, yaꞌ luu kabigiꞌ-bigian da ni okoman Tuhan.

Galatiya 5:23

ka lammaꞌ pangatayan da sampay pandoy ngagak dī da. Ga jama meꞌ naa ina, san yaꞌ na luu saraꞌ maintong sila.

2 Tesaloneka 2:8

Dari pag taabut mintu waktu bay ginantaꞌ, pōꞌ na du sina pa-mmean looy. Sugaꞌ yaꞌ du sina mintu ya humallom batan ampud du sina ya meꞌ huwa napas Papuꞌ Isa pag beleng na.

1 Timuti 4:7

Sugaꞌ bong baw kinawnan siga pali-pali sampay jinisan ilmuꞌ ma bay jaꞌ pinabuwat-buwat meꞌ manusiyaꞌ, palawakun. Inaa ya pataꞌ isbat nu, meꞌ nu nganad dī nu ngakig arat-tabiat Tuhan.

1 Timuti 6:20

Katapusan bitsala ku Timuti, iyakin ko supaya yaꞌ kasallukan tōꞌ ma bay halap ku ningkau ka tōꞌ palsu. Ilagan nu tōꞌ ma yaꞌ luu kapuspusan na, ma yaꞌ san luu kabigiꞌ-bigian na ni hāl ma puntukan pa Tuhan. Palawak ko man tōꞌ ma nulang ni kabanahan, ma pinagbahasa “ilmuꞌ lawom” minsan ssaꞌ.

2 Timuti 2:16

Ilagan nu pagbitsalahan pasal tōꞌ ma yaꞌ luu kapuspusan na, ma yaꞌ san luu kabigiꞌ-bigian na ni hāl ma puntukan pa Tuhan. Siga tōꞌ meꞌ looy ilay malawak jama na pin man Tuhan.

2 Timuti 3:2

Batan kaekahan na sina mintu manusiyaꞌ, dī da du kaasean da. Maka magnapsu mulakab na sila ni sīn. Pangabbu gi sila ni kalangkaw atay da. Boꞌ meka gi sina yaꞌ paagak mitsala jama pa kalaatan. Yaꞌ sila ngasip ni induꞌ-mmaꞌ da, yaꞌ ngintom buddi maka yaꞌ tawu pa Tuhan.

Taytus 1:10

Na nnaa ina ni Krit, meka sina jama nulang tōꞌ sabanna. Bbuwatan da ina magsian jama ka tōꞌ palsu. Boꞌ nabiat lagi sila mitsala manunsāp, awla na sagannap ma nanggehan hāl meꞌ ngislam.

Taytus 1:16

Boꞌ sagannap ma nuwak tōꞌ sabanna, san ina sila māꞌ katoonan da Tuhan, tumatandaꞌ du ni tangge-tingkōꞌ da yaꞌ bana bitsala da. Pabuwatan da ina sinukang meꞌ Tuhan. Yaꞌ sila ngasip niiya. Maka yaꞌ sila tawop pinakoy ni oy-oy pabuwatan mahap.

Taytus 1:6

Bila ko meneꞌ pa-mmean, subay kalallahan ma yaꞌ luu sutsutan njataꞌ da. Subay disu du nda da. Maka siga anak da subay du pitsayaꞌ ni Papuꞌ Isa. Maka subay yaꞌ luu tuntut njataꞌ da bay buwat maat atawa pun yaꞌ ngasip ni induꞌ-mmaꞌ da.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Hibrani 11:31

Maka si Rehab pun, sabapan pangando na pa Tuhan, yaꞌ ya bay talapay pinapatoy ni siga pagkahi na ma yaꞌ ngisbat Tuhan san iya disu puta. Tandaꞌ pangando si Rehab, pag takka siga sundalu bangsa Israil mayu-mayuhan daira na, lay gi ya nabangan sila sabap pitsayaꞌ ya ni Tuhan da.

Hibrani 12:16

Maka iyakin kam taggahaꞌ ubay na baw kam mintu ka jama ma saꞌ lla bi atawa nda bi. Maka daa pondok pamiki bi meꞌ kadari bay jaman si Esaw yaꞌ ngisbat Tuhan. Bistahun bi doꞌ, subay siꞌ pagka si Esaw anak siyaka, lay na labuꞌ pa iya siga supaat ma bay njanjiꞌ meꞌ Tuhan ni mmaꞌ na. Salla na, lay jaꞌ sambian na supaat pagkasiyaka na ka lawuk sakayi kakan du.

1 Pitel 2:7

Sangkon na ina, bong inawnan Almasi, mastiꞌ hagaan banahan ningkitabi ma pitsayaꞌ niiya. Boꞌ sagannap ma yaꞌ pitsayaꞌ, niyaꞌ san ya gunahan ninsila. Subay siꞌ mamintang doꞌ sila ni halling njawom kitab, ilooy ma yuk na, “Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.”

1 Pitel 3:20

Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

1 Pitel 4:18

Yuk suwat njawom kitab, “Bong jama intong mastiꞌ lumingkaꞌ jaꞌ njawom jinisan katiksaan boꞌ da salamat, pooy na baw lay mintu basag katiksaan ma tuwaꞌ njataꞌ siga baldusa ma yaꞌ san ngisbat Tuhan?”

Suwat Lakka man si Jūd 1:15

ngahukum mimon manusiyaꞌ. Ngalabuꞌ na sina mintu ya hukuman njataꞌ siga baldusa sabapan mimon tagga pa Tuhan bay pabuwat da sampay mimon bitsala da pangka pasal iya.”

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”

Siga Pakaradjaan bay Pinalahil 22:15

Sugaꞌ kuwan sagannap ma jahallis, meꞌ sapantun jama ma makoy ilmuꞌ seytan, ma magjina, ma mapatoy jama, ma numba siga tuhan-tuhan, ma tigiꞌ ngandustaꞌ ka ngalilu, yaꞌ dari paasok pa jawom daira looy.”