1 Timuti 1:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Itu suwat ku pa mman nu Timuti. Kau ina subay ga anak ku na rahasiyaꞌ sabap meꞌ ta dambuwaꞌ atay pitsayaꞌ ni Papuꞌ Isa. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

1 Timuti 1:2 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 1:7

Meꞌ kaam siga kakasi Tuhan nnaa ni Rom ma bay lliyun binuwat sukuꞌ na, kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi.

Galatiya 1:3

Kamura-murahan binuwanan na pin kam kasannangan ka barakat meꞌ Mmaꞌ tabi Tuhan ka Papuꞌ tabi si Isa Almasi

1 Timuti 1:12

Mehe meꞌ ku magsuku ni Papuꞌ ta si Isa Almasi ma nganggaosan aku buwat kahandak na. Magsuku ku niiya sabap lay na ku bilang na kanaalla sampay lay na ku peneꞌ na binuwat sosohoan na.

1 Timuti 1:18

Na Timuti, meꞌ kau sibuꞌ na ka anak ku, amay-amay mimon ma bay tugun ku siꞌ ningkau, pasampayun sa ni siga sukuꞌ si Isa nnaa. Ndang-ndang pabuwatan nu ina masampay kabanahan sikatuwaꞌ bana ka bay tunaꞌ siga pa-mmean sukuꞌ si Isa pasal kau. Bong ina tud kinanna du meꞌ nu bay tunaꞌ njataꞌ nu, inaa na sina buwansang mehe ningkau nulang kalaatan. Dari sibuꞌ du sina karuha nu ka sundalu basag ngatu njawom bonoꞌ mehe.

1 Timuti 6:20

Katapusan bitsala ku Timuti, iyakin ko supaya yaꞌ kasallukan tōꞌ ma bay halap ku ningkau ka tōꞌ palsu. Ilagan nu tōꞌ ma yaꞌ luu kapuspusan na, ma yaꞌ san luu kabigiꞌ-bigian na ni hāl ma puntukan pa Tuhan. Palawak ko man tōꞌ ma nulang ni kabanahan, ma pinagbahasa “ilmuꞌ lawom” minsan ssaꞌ.

2 Timuti 1:2

Itu suwat ku pa mman nu Timuti, kakasi ku. Kau ina sibuꞌ na du ka anak ku. Kamura-murahan binuwanan na pin ko kasannangan ka timbang saltaꞌ na barakat meꞌ Mmaꞌ ta Tuhan ka Papuꞌ ta si Isa Almasi.

2 Timuti 2:1

Na Timuti, anak, mangasa jaꞌ ko ni aseꞌ-tabang si Isa Almasi nganggaosan kau.

Taytus 2:2

Baan nu sagannap matatoa ma lalla, subay sila pandoy ngagak dī da. Maka subay sila pahatu-hatu ka patong mamiki mari sila tawop pinag-aratan. Subay sila tattap mmeꞌ ni tōꞌ ma kinapitsayaan meꞌ tabi ka maaseꞌ ni jama, sampay natas njawom katiksaan.

Taytus 3:15

Dambuli man inaa, mimon pagkahi ku ntuu lay nohoꞌ masampay salam duwaa da ningkau. Maka pasampayun doꞌ salam duwaa kami ni mimon nnaa ma maaseꞌ ningkami, yana siga pagkahi tabi sukuꞌ Papuꞌ Isa. Kamura-murahan binuwanan na pin kam sikamimon barakat meꞌ Tuhan. Wassalam

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.

2 Yahiya 1:3

Kamura-murahan tattap na pin timbang ka barakat saltaꞌ na kasannangan ningkitabi man Mmaꞌ tabi Tuhan ka Anak na si Isa Almasi. Kinabbul jaꞌ situ njataꞌ kitabi ma sikaaseꞌ-kaaseꞌ maka mmeꞌ ni kabanahan.

3 Yahiya 1:4

Gāk ku banahan tuktuk ku kale aka pasal siga anak ku njawman Almasi mmeꞌ ni kabanahan. Bong niyaku, yaꞌ luu kagakan labi gi man naa.

Suwat Lakka man si Jūd 1:2

Kamura-murahan lipat man lipat na pin timbang ka aseꞌ sampay kasannangan man Tuhan ningkaam.